ಕೇರಳ ವಿಧಾನ ಸಭೆಯ ಉಪಸಭಾಪತಿಯಾಗಿ ಶಾನಿಮೋಲ್ ಉಸ್ಮಾನ್ ಆಯ್ಕೆ: 35 ವರ್ಷಗಳ ನಂತರ, ಕೇರಳ ವಿಧಾನಸಭೆಯಲ್ಲಿ ಮಹಿಳಾ ಉಪಸಭಾಪತಿ

ತಿರುವನಂತಪುರಂ: ಕಾಂಗ್ರೆಸ್‍ನ ಶಾನಿಮೋಲ್ ಉಸ್ಮಾನ್ 16 ನೇ ಕೇರಳ ವಿಧಾನಸಭೆಯ ಉಪಸಭಾಪತಿಯಾಗಿ ಆಯ್ಕೆಯಾಗಿದ್ದಾರೆ. 

ಶಾನಿಮೋಲ್ 99 ಮತಗಳನ್ನು ಪಡೆದರು. ಎಲ್‍ಡಿಎಫ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಸಿಪಿಐನ ಮುಹಮ್ಮದ್ ಮುಹ್ಸ್ 34 ಮತಗಳನ್ನು ಪಡೆದರು.

ಸ್ಪೀಕರ್ ತಿರುವಾಂಜೂರು ರಾಧಾಕೃಷ್ಣನ್ ಮತ ಚಲಾಯಿಸಲಿಲ್ಲ. ಮೂವರು ಬಿಜೆಪಿ ಸದಸ್ಯರು ಸಹ ಮತದಾನದಿಂದ ದೂರ ಉಳಿದರು. ಕೇರಳ ವಿಧಾನಸಭೆಯಲ್ಲಿ ಮಹಿಳೆಯೊಬ್ಬರು ಉಪಸಭಾಪತಿಯಾಗಿರುವುದು 35 ವರ್ಷಗಳಲ್ಲಿ ಇದೇ ಮೊದಲು. ಶಾನಿಮೋಲ್ ಕೇರಳ ವಿಧಾನಸಭೆಯಲ್ಲಿ ನಾಲ್ಕನೇ ಮಹಿಳಾ ಉಪಸಭಾಪತಿಯೂ ಆಗಿದ್ದಾರೆ.

ಶಾನಿಮೋಲ್ ಉಸ್ಮಾನ್ ಆರೂರ್‍ನ ಶಾಸಕಿ. ಅವರು ಕೆಎಸ್‍ಯು ರಾಜ್ಯ ಉಪಾಧ್ಯಕ್ಷೆ, ಕೇರಳ ವಿಶ್ವವಿದ್ಯಾಲಯದ ಸೆನೆಟ್ ಸದಸ್ಯೆ, ಎಐಸಿಸಿ ಕಾರ್ಯದರ್ಶಿ ಮತ್ತು ಆಲಪ್ಪುಳ ನಗರಸಭೆಯ ಅಧ್ಯಕ್ಷರಂತಹ ಹುದ್ದೆಗಳನ್ನು ಅಲಂಕರಿಸಿದ್ದಾರೆ.