ವಿವಾಹಿತರಾದ ಎಸ್‍ಎಫ್‍ಐನ ಮಾಜಿ ರಾಜ್ಯ ಕಾರ್ಯದರ್ಶಿ ಮತ್ತು ಸಿಪಿಎಂ ನಾಯಕ ಪಿ.ಎಂ. ಅರ್ಶೋ ಮತ್ತು ಮಾಜಿ ಎಸ್‍ಎಫ್‍ಐ ನಾಯಕಿ ಕೆ. ವಿದ್ಯಾ

ಕಾಸರಗೋಡು: ಎಸ್‍ಎಫ್‍ಐನ ಮಾಜಿ ರಾಜ್ಯ ಕಾರ್ಯದರ್ಶಿ ಮತ್ತು ಸಿಪಿಎಂ ನಾಯಕ ಪಿ.ಎಂ. ಅರ್ಶೋ ಮತ್ತು ಮಾಜಿ ಎಸ್‍ಎಫ್‍ಐ ನಾಯಕಿ ಕೆ. ವಿದ್ಯಾ ವಿವಾಹಿತರಾದರು. ಇಬ್ಬರ ನೋಂದಾಯಿತ ವಿವಾಹವು ತ್ರಿಕರಿಪುರ ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ಇಂದು ನಡೆಯಿತು. 

ಇಬ್ಬರು ತಮ್ಮ ಸಂಬಂಧಿಕರು ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಸೊಗಸಾದ ಉಡುಪುಗಳನ್ನು ಧರಿಸಿದ್ದರು ಮತ್ತು ಅವರು ಪರಸ್ಪರ ಹಾರ ವಿನಿಮಯ ಮಾಡಿಕೊಂಡರು.

ವಿದ್ಯಾ ಅವರ ತಾಯಿ ಸುಶೀಲಾ, ಸಹೋದರಿಯರಾದ ದಿವ್ಯಾ ಮತ್ತು ಧನ್ಯಾ, ಅರ್ಶೋ ಅವರ ತಂದೆ ಸಿ.ಪಿ. ಮಣಿ, ಮತ್ತು ಡಿವೈಎಫ್‍ಐ-ಎಸ್‍ಎಫ್‍ಐ ನಾಯಕರಾದ ವಿ.ಪಿ. ಸಾನು, ಪಿ.ಎಸ್. ಸಂಜೀವ್, ಎಂ. ಶಿವಪ್ರಸಾದ್, ರಾಜೀಶ್ ವೆಲ್ಲಾಟ್, ಕೆ. ಅನುಶ್ರೀ ಮತ್ತು ಇತರರು ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದ್ದರು. ದೀರ್ಘ ಪ್ರಣಯದ ನಂತರ ಇವರು  ವಿವಾಹವಾದರು.

ಕಾಸರಗೋಡಿನ ತ್ರಿಕ್ಕರಿಪುರದ ಕೆ. ವಿದ್ಯಾ ಅವರು ಕಾಲಡಿ ಶ್ರೀ ಶಂಕರಾಚಾರ್ಯ ಸಂಸ್ಕøತ ವಿಶ್ವವಿದ್ಯಾಲಯದಲ್ಲಿ ಪಿಎಚ್‍ಡಿ ಸಂಶೋಧನಾ ವಿದ್ಯಾರ್ಥಿನಿ.

ಪಾಲಕ್ಕಾಡ್‍ನ ಕನ್ಹಿರಾಪುಳ ಮೂಲದ ಪಿ.ಎಂ. ಅರ್ಶೋ, ಪ್ರಸ್ತುತ ಸಿಪಿಎಂ ಪಾಲಕ್ಕಾಡ್ ಜಿಲ್ಲಾ ಸಮಿತಿ ಸದಸ್ಯರಾಗಿ ಮತ್ತು ಡಿವೈಎಫ್‍ಐ ರಾಜ್ಯ ಸಮಿತಿ ಸದಸ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಹಿಂದೆ ಎರ್ನಾಕುಳಂನ ಮಹಾರಾಜ ಕಾಲೇಜಿನಲ್ಲಿ ವಿದ್ಯಾರ್ಥಿಯಾಗಿದ್ದ ಅರ್ಶೋ ವಿವಾದ ರಾಜಕೀಯದ ಮೂಲಕ ಮುನ್ನೆಲೆಗೆ ಬಂದರು. ವಿವಾಹ ಸಮಾರಂಭಗಳ ನಂತರ, ಇಬ್ಬರೂ ಪಾಲಕ್ಕಾಡ್‍ಗೆ ತೆರಳಿದರು.