ಬೇಕಲ ಗೋಕುಲಂ ಗೋಶಾಲೆಗೆ ಭೇಟಿ ನೀಡಿದ ಅಂತರಾಷ್ಟ್ರೀಯ ಖ್ಯಾತಿಯ ಖಾಲಿದ್ ಅಲ್ ಅಮೇರಿ

ಕಾಸರಗೋಡು: ದೇಸಿ ಹಸುಗಳ ಸಂರಕ್ಷಣೆಯ ಮೂಲಕ ವಿಶ್ವದ ಗಮನ ಸೆಳೆಯುತ್ತಿರುವ ಬೇಕಲದ ಗೋಕುಲಂ ಗೋಶಾಲೆಗೆ ಸಾಮಾಜಿಕ ಮಾಧ್ಯಮ ಇನ್‍ಫ್ಲುಯೆನ್ಸರ್ ಆಗಿರುವ ದುಬೈನ ಖಾಲಿದ್ ಅಲ್ ಅಮೇರಿ ಭೇಟಿ ನೀಡಿದರು. 

34 ಲಕ್ಷಕ್ಕೂ ಹೆಚ್ಚು ಜನರು ಇನ್‍ಸ್ಟಾಗ್ರಾಮ್‍ನಲ್ಲಿ ಖಾಲಿದ್ ಅವರನ್ನು ಫಾಲೋ ಮಾಡುತ್ತಿದ್ದಾರೆ. ಸಮಕಾಲೀನ ಘಟನೆಗಳನ್ನು ಹಾಸ್ಯದ ಮೂಲಕ ಜನಸಾಮಾನ್ಯರ ಬಳಿಗೆ ತಲುಪಿಸುವ ಮತ್ತು ಸಾಮಾಜಿಕ ಒಳಿತಿಗಾಗಿ ಸಾರ್ವಜನಿಕ ಚಟುವಟಿಕೆಗಳನ್ನೂ ನಡೆಸುತ್ತಿರುವ ಖಾಲಿದ್ ಅಲ್ ಅಮೇರಿ ರಜಾದಿನಗಳನ್ನು ಆಚರಿಸಲು ಬೇಕಲ್ ತಾಜ್‍ಗೆ ಬಂದ ಸಂದರ್ಭದಲ್ಲಿ ಗೋಶಾಲೆಗೆ ಭೇಟಿ ನೀಡಿದರು. ದೇಸಿ ಹಸುಗಳ ಸಂರಕ್ಷಣೆಯಲ್ಲಿ ಗೋಕುಲಂ ಗೋಶಾಲೆ ನಡೆಸುತ್ತಿರುವ ಚಟುವಟಿಕೆಗಳು ಅತ್ಯಂತ ಶ್ಲಾಘನೀಯ ಮತ್ತು ಮಾದರಿಯಾಗಿವೆ ಎಂದು ಖಾಲಿದ್ ಅಭಿಪ್ರಾಯಪಟ್ಟರು. ತಮ್ಮ ಭೇಟಿಯ ವಿವರಗಳನ್ನು ಸಾಮಾಜಿಕ ಮಾಧ್ಯಮದ ಮೂಲಕವೂ ಅವರು ತಿಳಿಸಿದರು. ಗೋಶಾಲೆಯ ಸ್ಥಾಪಕಿ ಡಾ. ನಾಗರತ್ನ ಹೆಬ್ಬಾರ್ ಅವರು ಶಾಲು ಹೊದಿಸಿ ಉಡುಗೊರೆ ನೀಡಿ ಗೌರವಿಸಿದರು.