ವಿದ್ಯಾರ್ಥಿಯ ಬ್ಯಾಗ್‍ನಲ್ಲಿ ಮದ್ಯ ಪತ್ತೆ ಪ್ರಕರಣ; ಆರೋಪಿ ಮಲತಂದೆ ವಿದೇಶಕ್ಕೆ ಪಲಾಯನ-ಪೋಲೀಸರಿಂದ ಲೋಪವೆಂದು ಟೀಕೆ

ಕೋಝಿಕೋಡ್: ತಾಮರಶ್ಶೇರಿಯಲ್ಲಿ ವಿದ್ಯಾರ್ಥಿಯ ಬ್ಯಾಗ್‍ನಲ್ಲಿ ಮದ್ಯ ಪತ್ತೆ ಪ್ರಕರಣದಲ್ಲಿ, ಆರೋಪಿ ಮಲತಂದೆ ವಿದೇಶಕ್ಕೆ ಪರಾರಿಯಾಗಿರುವುದು ಬೆಳಕಿಗೆ ಬಂದಿದೆ. ಆರೋಪಿ ರಮೇಶ್ ನಿನ್ನೆ ವಿದೇಶಕ್ಕೆ ಪರಾರಿಯಾಗಿರುವುದಾಗಿ ಹೇಳಲಾಗಿದೆ. ಪೋಲೀಸರ ಗಂಭೀರ ಲೋಪದಿಂದ ಆರೋಪಿ ಪರಾರಿಯಾಗಿದ್ದಾನೆ. ಘಟನೆ ನಡೆದು ಒಂದು ವಾರ ಕಳೆದರೂ, ಪೋಲೀಸರು ಆರೋಪಿಯನ್ನು ಬಂಧಿಸಲು ಅಥವಾ ಲುಕ್ ಔಟ್ ನೋಟಿಸ್ ಜಾರಿ ಮಾಡಲು ಸಾಧ್ಯವಾಗಿಲ್ಲ. 

ಜೂನ್ 25 ರಂದು ವಿದ್ಯಾರ್ಥಿಯ ಬ್ಯಾಗ್‍ನಲ್ಲಿ ನಕಲಿ ಮದ್ಯ ಪತ್ತೆಯಾಗಿತ್ತು. ಮಗು ಶಾಲೆಗೆ ಮದ್ಯ ತಂದಿರುವುದು ಇದು ಮೂರನೇ ಬಾರಿ ಎಂದು ತಿಳಿದುಬಂದಿದೆ. ತನ್ನ ಸಹಪಾಠಿಗಳಿಗೆ ನೀಡಲು ಶಾಲೆಗೆ ಮದ್ಯ ತರಲಾಗಿತ್ತು ಎಂದಾತ ಹೇಳಿದ್ದ. ಮಧ್ಯಾಹ್ನದ ಊಟದ ಸಮಯದಲ್ಲಿ ವಿದ್ಯಾರ್ಥಿಗಳು ಮದ್ಯ ಸೇವಿಸುತ್ತಿರುವುದು ಕಂಡುಬಂದಿದೆ. ಮದ್ಯ ಸೇವಿಸಲು ನಿರಾಕರಿಸಿದ ಕೆಲವು ವಿದ್ಯಾರ್ಥಿಗಳು ಇದನ್ನು ಬಹಿರಂಗಪಡಿಸಿದ್ದಾರೆ.

ನಂತರದ ತಪಾಸಣೆಯ ಸಮಯದಲ್ಲಿ, ರಮೇಶ್ ಮನೆಯ ಬಳಿಯ ತೋಟದಿಂದ 56 ನಕಲಿ ಮದ್ಯದ ಬಾಟಲಿಗಳನ್ನು ಮತ್ತು ಕಳ್ಳು ಕೇಂದ್ರದಿಂದ 220 ನಕಲಿ ಮದ್ಯದ ಬಾಟಲಿಗಳನ್ನು ಅಬಕಾರಿ ಇಲಾಖೆ ವಶಪಡಿಸಿಕೊಂಡಿತ್ತು.