ಅಕ್ಕಿ ಬೆಲೆ ಏರಿಕೆಯಾದರೆ, 25,000 ಮೆಟ್ರಿಕ್ ಟನ್ ಅಕ್ಕಿ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ: ಸಚಿವ ಅನೂಪ್ ಜಾಕೋಬ್

ತಿರುವನಂತಪುರಂ: ಅಕ್ಕಿ ಬೆಲೆ ಏರಿಕೆಯಾದರೆ, 25,000 ಮೆಟ್ರಿಕ್ ಟನ್ ಅಕ್ಕಿ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ ಎಂದು ಆಹಾರ ಸಚಿವ ಅನೂಪ್ ಜಾಕೋಬ್ ಹೇಳಿದ್ದಾರೆ. 

ಇದಕ್ಕಾಗಿ ಭಾರತೀಯ ಆಹಾರ ನಿಗಮಕ್ಕೆ (ಎಫ್‍ಸಿಐ) ಪತ್ರ ಕಳುಹಿಸಲಾಗಿದೆ. ಪ್ರಸ್ತುತ, ಓಣಂ ಋತುವಿನಲ್ಲಿ ಅಕ್ಕಿ ಬೆಲೆಗಳನ್ನು ನಿಯಂತ್ರಿಸಲು ಸಾರ್ವಜನಿಕ ವಿತರಣೆಗೆ 1,65,932 ಮೆಟ್ರಿಕ್ ಟನ್ ಅಕ್ಕಿ ಮತ್ತು 24,506 ಮೆಟ್ರಿಕ್ ಟನ್ ಗೋಧಿಯನ್ನು ಬಿಡುಗಡೆ ಮಾಡಲಾಗಿದೆ.

ಬೆಲೆಗಳನ್ನು ನಿಯಂತ್ರಿಸಲು ಈ ಪ್ರಮಾಣದ ಅಕ್ಕಿ ಸಾಕು. ಮಾರುಕಟ್ಟೆಯಲ್ಲಿ ಅಕ್ಕಿ ಬೆಲೆ ಏರಿಕೆಯಾದರೆ ಆಹಾರ ಇಲಾಖೆ ಮಾರುಕಟ್ಟೆಗೆ ಹೆಚ್ಚಿನ ಅಕ್ಕಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ.

ಒಎಂಎಸ್.ಎಸ್ ಅಕ್ಕಿಗೆ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ ಎಂದು ವರದಿಯಾಗಿದೆ. ವಿಶೇಷವಾಗಿ ಉತ್ತರ ಜಿಲ್ಲೆಗಳಲ್ಲಿ ಒಎಂಎಸ್.ಎಸ್ ಅಕ್ಕಿಗೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ.

ಎಲ್ಲಾ ಪಡಿತರ ಅಂಗಡಿಗಳಲ್ಲಿ ತಕ್ಷಣ ವಿಶೇಷ ಅಕ್ಕಿ ಲಭ್ಯವಾಗಲಿದೆ. ಇಲ್ಲಿಯವರೆಗೆ, 2000 ಮೆಟ್ರಿಕ್ ಟನ್ ಔಒSS ಅಕ್ಕಿಯನ್ನು ವಿತರಿಸಲಾಗಿದೆ. ಪ್ರತಿ ಪಡಿತರ ಚೀಟಿಗೆ ಲಭ್ಯವಾಗಬೇಕಾದ ಅಕ್ಕಿಯ ಪ್ರಮಾಣದಲ್ಲಿ ಯಾವುದೇ ಕಡಿತವಾಗಿಲ್ಲ. ಬೆಲೆಯಲ್ಲಿಯೂ ಯಾವುದೇ ಬದಲಾವಣೆ ಇಲ್ಲ. ಸೆಪ್ಟೆಂಬರ್ ಅಕ್ಕಿಯನ್ನು ಈ ತಿಂಗಳು ಸಪ್ಲೈಕೋ ಮಳಿಗೆಗಳ ಮೂಲಕವೂ ಖರೀದಿಸಬಹುದು. ಇದರೊಂದಿಗೆ, ಪ್ರತಿ ಕಾರ್ಡ್‍ಗೆ ಸಪ್ಲೈಕೋ ಮೂಲಕ 36 ಕೆಜಿ ಅಕ್ಕಿ ಸಿಗುತ್ತದೆ. ಇದರಲ್ಲಿ, 20 ಕೆಜಿ ಅಕ್ಕಿ ಒಎಂಎಸ್.ಎಸ್. ಅಡಿಯಲ್ಲಿ ಲಭ್ಯವಾಗಲಿದೆ. ಓಣಂ ಸಮಯದಲ್ಲಿ ಪಡಿತರ ಅಕ್ಕಿಯ ಬೆಲೆಯನ್ನು 10.90 ರಿಂದ 26 ಕ್ಕೆ ಹೆಚ್ಚಿಸಲಾಗಿದೆ ಎಂದು ಸಚಿವರು ಹೇಳಿದರು.