ಗ್ರೀನ್ ಕಾರ್ಡ್, ಪೌರತ್ವ ಅರ್ಜಿಗಳಿಗೆ ಕಾಗದ ರಹಿತ ಸ್ಪರ್ಶ: ಏನಿದು ಹೊಸ ನಿಯಮ?

ವಾಷಿಂಗ್ಟನ್: ಕೆಲಸದ ವೇಗವನ್ನು ಹೆಚ್ಚಿಸಲು ಹಾಗೂ ನಿರ್ವಹಣಾ ವೆಚ್ಚವನ್ನು ಕಡಿಮೆ ಮಾಡುವ ಉದ್ದೇಶದಿಂದ ಅಮೆರಿಕವು ಗ್ರೀನ್ ಕಾರ್ಡ್, ಪೌರತ್ವ ಮತ್ತು ಆಶ್ರಯ ಸೇರಿದಂತೆ ವಿವಿಧ ವಲಸೆ ಸೌಲಭ್ಯಗಳಿಗಾಗಿ ಆನ್‌ಲೈನ್ ಮೂಲಕವೇ ಅರ್ಜಿ ಸಲ್ಲಿಸುವುದನ್ನು ಶೀಘ್ರದಲ್ಲೇ ಕಡ್ಡಾಯಗೊಳಿಸಲಿದೆ. 

ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆ (ಯುಎಸ್‌ಸಿಐಎಸ್‌) ಇಲಾಖೆ ಸೋಮವಾರ ಹೊಸ ನಿಯಮ ಪ್ರಕಟಿಸಿದ್ದು, ಯಾವುದೇ ಅರ್ಜಿ ನಮೂನೆಯನ್ನು ಇನ್ಮುಂದೆ ಕಡ್ಡಾಯವಾಗಿ ಆನ್‌ಲೈನ್‌ನಲ್ಲೇ (ಕಂಪ್ಯೂಟರ್ ಅಥವಾ ಮೊಬೈಲ್) ಸಲ್ಲಿಸಬೇಕು ಎಂದು ತಿಳಿಸಿದೆ. ಜತೆಗೆ ಯಾವುದೇ ಈ ಫಾರ್ಮ್ ಆನ್‌ಲೈನ್‌ನಲ್ಲಿ ಮಾತ್ರವೇ ಲಭ್ಯವಾಗುವಂತೆ ಮಾಡಲು 60 ದಿನಗಳ ಕಾಲಾವಕಾಶ ನೀಡಲಿದೆ.

ಗ್ರೀನ್ ಕಾರ್ಡ್, ಪೌರತ್ವ ಅರ್ಜಿಗಳಿಗೆ ಕಾಗದ ರಹಿತ ಸ್ಪರ್ಶ: ಏನಿದು ಹೊಸ ನಿಯಮ?

ಒಂದು ಸಾಲಿನಲ್ಲಿಅಮೆರಿಕದ ವಲಸೆ ಇಲಾಖೆಯು ಗ್ರೀನ್ ಕಾರ್ಡ್ ಮತ್ತು ಪೌರತ್ವ ಅರ್ಜಿಗಳನ್ನು ಆನ್‌ಲೈನ್ ಮೂಲಕವೇ ಸಲ್ಲಿಸುವುದನ್ನು ಕಡ್ಡಾಯಗೊಳಿಸಿ, ಆಡಳಿತಾತ್ಮಕ ವೆಚ್ಚ ಮತ್ತು ಸಮಯವನ್ನು ಉಳಿಸಲು ಮುಂದಾಗಿದೆ.

ಏನು? ಏಕೆ? ಹೇಗೆ?

ಹೊಸ ನಿಯಮವು ಯಾರಿಗೆಲ್ಲ ಅನ್ವಯಿಸುತ್ತದೆ?

ಈ ನಿಯಮವು ಗ್ರೀನ್ ಕಾರ್ಡ್, ಕುಟುಂಬ ಆಧಾರಿತ ವೀಸಾ, ಪೌರತ್ವ ಅರ್ಜಿಗಳು, ಆಶ್ರಯ, ಉದ್ಯೋಗ ಅನುಮತಿ ಮತ್ತು ತಾತ್ಕಾಲಿಕ ರಕ್ಷಣೆ (TPS) ಕೋರುವ ಎಲ್ಲರಿಗೂ ಅನ್ವಯವಾಗುತ್ತದೆ.

ಆನ್‌ಲೈನ್ ಅರ್ಜಿ ಸಲ್ಲಿಕೆ ಕಡ್ಡಾಯ ಏಕೆ?

ಕಾಗದದ ಅರ್ಜಿಗಳ ನಿರ್ವಹಣೆ, ಡೇಟಾ ಎಂಟ್ರಿ ಮತ್ತು ಪೋಸ್ಟ್ ವೆಚ್ಚವನ್ನು ಕಡಿಮೆ ಮಾಡಲು ಹಾಗೂ ಕೆಲಸದ ವೇಗವನ್ನು ಹೆಚ್ಚಿಸಲು ಅಮೆರಿಕ ಸರ್ಕಾರ ಈ ನಿರ್ಧಾರ ಕೈಗೊಂಡಿದೆ.

ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸುವುದು ಹೇಗೆ?

ಅರ್ಜಿದಾರರು ಯುಎಸ್‌ಸಿಐಎಸ್‌ ವೆಬ್‌ಸೈಟ್‌ನಲ್ಲಿ ಖಾತೆ ತೆರೆದು, ಅಗತ್ಯ ವಿವರಗಳನ್ನು ಭರ್ತಿ ಮಾಡಬೇಕು ಅಥವಾ ದಾಖಲೆಗಳ ಪಿಡಿಎಫ್ ಪ್ರತಿಗಳನ್ನು ನೇರವಾಗಿ ಅಪ್‌ಲೋಡ್ ಮಾಡಬೇಕು.

ಆನ್‌ಲೈನ್ ಬಳಸಲು ಸಾಧ್ಯವಾಗದಿದ್ದರೆ ಏನು ಮಾಡಬೇಕು?

ಅನಿವಾರ್ಯ ಕಾರಣಗಳಿಂದ ಆನ್‌ಲೈನ್ ಅರ್ಜಿ ಸಲ್ಲಿಸಲು ಸಾಧ್ಯವಾಗದವರು ವಿನಾಯಿತಿ ಕೋರಿ ಮನವಿ ಸಲ್ಲಿಸಬಹುದು, ಆದರೆ ಅದಕ್ಕೆ 25 ಡಾಲರ್ ಹೆಚ್ಚುವರಿ ಶುಲ್ಕ ಪಾವತಿಸಬೇಕಾಗುತ್ತದೆ.

ಈ ಬದಲಾವಣೆಯಿಂದ ಆಗುವ ಪ್ರಮುಖ ಲಾಭಗಳೇನು?

ಅರ್ಜಿಗಳ ಪರಿಶೀಲನಾ ಪ್ರಕ್ರಿಯೆ ವೇಗಗೊಳ್ಳುತ್ತದೆ, ತಪ್ಪುಗಳು ಕಡಿಮೆಯಾಗುತ್ತವೆ ಮತ್ತು ನಕಲಿ ದಾಖಲೆಗಳನ್ನು ಸುಲಭವಾಗಿ ಪತ್ತೆಹಚ್ಚಲು ಸಾಧ್ಯವಾಗುತ್ತದೆ ಎಂದು ಇಲಾಖೆ ತಿಳಿಸಿದೆ.

ಪ್ರಮುಖ ಅಂಕಿಅಂಶಗಳು

1 ಕೋಟಿ ಡಾಲರ್‌ಕಾಗದದ ಅರ್ಜಿಗಳ ಪೋಸ್ಟ್ ವೆಚ್ಚ$25ವಿನಾಯಿತಿ ಪಡೆಯಲು ಪಾವತಿಸಬೇಕಾದ ಶುಲ್ಕ60 ದಿನಗಳುಅರ್ಜಿ ಸಲ್ಲಿಕೆ ನಿಯಮ ಅನುಷ್ಠಾನದ ಕಾಲಾವಧಿ1.75 ಲಕ್ಷಟ್ರಂಪ್ ಆಡಳಿತಾವಧಿಯಲ್ಲಿ ರದ್ದಾದ ವೀಸಾ ಸಂಖ್ಯೆ

ಎಐ ಬಳಸಿ ಸಂಸ್ಕರಿಸಲಾಗಿದೆ. ಪಿವಿ ಡಿಜಿಟಲ್ ತಂಡ ಪರಿಶೀಲಿಸಿದೆ

ಯಾರಿಗೆಲ್ಲ ಅನ್ವಯ?

ಈ ಹೊಸ ನಿಯಮವು ಗ್ರೀನ್ ಕಾರ್ಡ್ (ಕಾಯಂ ನಿವಾಸಿ ಪ್ರಮಾಣಪತ್ರ), ಕುಟುಂಬ ಆಧಾರಿತ ವೀಸಾ, ಪೌರತ್ವ ಪಡೆಯುವುದು, ಆಶ್ರಯ, ಉದ್ಯೋಗ ಅನುಮತಿ ಮತ್ತು ತಾತ್ಕಾಲಿಕ ರಕ್ಷಣೆ (TPS) ಬಯಸಿ ಅರ್ಜಿ ಸಲ್ಲಿಸುವರಿಗೆ ಅನ್ವಯಿಸುತ್ತದೆ.

ಅರ್ಜಿ ಸಲ್ಲಿಸುವುದು ಹೇಗೆ?

ಅರ್ಜಿದಾರರು ಯುಎಸ್‌ಸಿಐಎಸ್‌ ವೆಬ್‌ಸೈಟ್‌ನಲ್ಲಿ ಖಾತೆ ತೆರೆದು, ನೇರವಾಗಿ ವೆಬ್‌ಸೈಟ್‌ನಲ್ಲೇ ವಿವರ ತುಂಬಬೇಕು ಅಥವಾ ಭರ್ತಿ ಮಾಡಿದ ಅರ್ಜಿ ಮತ್ತು ಅಗತ್ಯ ದಾಖಲೆಗಳನ್ನು ಪಿಡಿಎಫ್ ರೂಪದಲ್ಲಿ ಅಪ್‌ಲೋಡ್ ಮಾಡಬೇಕು.

ಏಕೆ ಈ ಬದಲಾವಣೆ?

ಈವರೆಗೆ ಬಂದಿರುವ ಕೋಟ್ಯಂತರ ಕಾಗದದ ಅರ್ಜಿಗಳನ್ನು ಸ್ವೀಕರಿಸಲು, ಪರಿಶೀಲಿಸಲು ಮತ್ತು ಸಾಫ್ಟ್‌ವೇರ್‌ಗೆ ಎಂಟ್ರಿ ಮಾಡಲು ಅಮೆರಿಕ ಸರ್ಕಾರಕ್ಕೆ ಪ್ರತಿವರ್ಷ ಕೋಟ್ಯಂತರ ಡಾಲರ್ ಖರ್ಚಾಗುತ್ತಿತ್ತು. ಕೇವಲ ಪೋಸ್ಟ್ ವೆಚ್ಚವೇ 1 ಕೋಟಿ ಡಾಲರ್‌ಗಿಂತ ಹೆಚ್ಚಾಗಿತ್ತು. ನಿರ್ವಹಣಾ ವೆಚ್ಚವನ್ನು ಕಡಿಮೆ ಮಾಡುವ ಉದ್ದೇಶದಿಂದ ಈ ನಿಯಮವನ್ನು ರೂಪಿಸಲಾಗಿದೆ ಎಂದು ಇಲಾಖೆ ಹೇಳಿದೆ.

ಪ್ರಯೋಜನಗಳೇನು?

• ಮಾಹಿತಿಯನ್ನು ಸುಲಭವಾಗಿ ಪಡೆಯಲು ಮತ್ತು ಪರಿಶೀಲಿಸಲು ಸಾಧ್ಯವಾಗುತ್ತದೆ

• ಅರ್ಜಿಗಳ ಪರಿಶೀಲನೆ ಬೇಗನೆ ಮುಗಿಯುತ್ತದೆ.

• ಕೆಲಸದ ವೇಗ ಹೆಚ್ಚುವುದಲ್ಲದೆ, ತಪ್ಪುಗಳು ಕಡಿಮೆಯಾಗುತ್ತವೆ.

• ನಕಲಿ ದಾಖಲೆಗಳನ್ನು ಸುಲಭವಾಗಿ ಪತ್ತೆಹಚ್ಚಬಹುದು ಎಂದು ಇಲಾಖೆ ತಿಳಿಸಿದೆ.

ಆನ್‌ಲೈನ್ ಅರ್ಜಿ ಸಲ್ಲಿಸಲು ಸಾಧ್ಯವಾಗದವರು ಏನು ಮಾಡಬೇಕು?

ಒಂದು ವೇಳೆ ಯಾರಿಗಾದರೂ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಸಾಧ್ಯವಾಗದಿದ್ದರೆ, ಅವರು ವಿಶೇಷ ವಿನಾಯಿತಿ ಕೇಳಿ ಮನವಿ ಸಲ್ಲಿಸಬಹುದು. ಇದಕ್ಕೆ $25 ಡಾಲರ್ (ಸುಮಾರು ₹ 2,100) ಹೆಚ್ಚುವರಿ ಶುಲ್ಕ ಪಾವತಿಸಬೇಕಾಗುತ್ತದೆ. ಇಲಾಖೆಯು ಅವರ ಪರಿಸ್ಥಿತಿಯನ್ನು ಪರಿಶೀಲಿಸಿ ಕಾಗದದ ಅರ್ಜಿ ಸಲ್ಲಿಸಲು ಅವಕಾಶ ನೀಡಬೇಕೋ ಬೇಡವೋ ಎಂದು ನಿರ್ಧರಿಸುತ್ತದೆ.

ಆನ್‌ಲೈನ್ ಅರ್ಜಿ ಸಲ್ಲಿಕೆ ಕಡ್ಡಾಯಗೊಳಿಸುವುದರಿಂದ ಕಾಗದಪತ್ರಗಳ ಹಸ್ತಚಾಲಿತ ನಿರ್ವಹಣೆ, ಡೇಟಾ ಎಂಟ್ರಿ, ಕೊರಿಯರ್, ಸಂಗ್ರಹಣೆ ಮತ್ತು ಸ್ಕ್ಯಾನಿಂಗ್ ವೆಚ್ಚಗಳು ಕಡಿಮೆಯಾಗುವುದಲ್ಲದೆ, ಅರ್ಜಿಗಳ ಪರಿಶೀಲನಾ ಪ್ರಕ್ರಿಯೆಯೂ ವೇಗಗೊಳ್ಳಲಿದೆ ಎಂದು ಅಮೆರಿಕದ ಒಳನಾಡು ಭದ್ರತಾ ಇಲಾಖೆ ಹೇಳಿದೆ.