ಓಣಂ ಸಂಭ್ರಮ: ಉತ್ರಾಡಂ ಆಚರಣೆ-ಕೇರಳದಲ್ಲಿ ಹಬ್ಬದ ವಾತಾವರಣ

ಕೋಝಿಕೋಡ್: ಓಣಂ ಹಿನ್ನೆಲೆಯಲ್ಲಿ ಕೇರಳದಾದ್ಯಂತ ಇಂದು ಉತ್ರಾಡಂ ಆಚರಿಸಲಾಯಿತು. ತಿರುಓಣಂ ಆಗಮನವನ್ನು ಇದು ಸಾರುತ್ತದೆ. ಓಣಂ ಸಮೀಪಿಸುತ್ತಿದ್ದಂತೆ, ಪ್ರಪಂಚದಾದ್ಯಂತದ ಮಲಯಾಳಿಗಳು ಅಂತಿಮ ಹಂತದ ಸಿದ್ಧತೆಯಲ್ಲಿದ್ದಾರೆ.

ಹೂವುಗಳು, ಪೂಕಳಂಗಳು, ಹೊಸ ಬಟ್ಟೆಗಳು, ಆಹಾರ ಮತ್ತು ಉಯ್ಯಾಲೆಗಳಿಂದ ತುಂಬಿರುವ ಓಣಂಗೆ ಕೇವಲ ಗಂಟೆಗಳು ಮಾತ್ರ ಉಳಿದಿವೆ. ವ್ಯಾಪಾರ ಸಂಸ್ಥೆಗಳಲ್ಲಿ ಭಾರಿ ಜನದಟ್ಟಣೆ ಇದೆ.

ರಾಜ್ಯ ಸರ್ಕಾರದ ಓಣಂ ವಾರಾಚರಣೆಯು ರಾಜಧಾನಿಯಲ್ಲಿ ಪ್ರಾರಂಭವಾಗಿದೆ. ಆಗಸ್ಟ್ 30 ರವರೆಗೆ ನಡೆಯುವ ವಾರಾಚರಣೆಯ ಭಾಗವಾಗಿ, ರಾಜಧಾನಿಯೊಂದರಲ್ಲೇ 35 ಸ್ಥಳಗಳಲ್ಲಿ 340 ಕ್ಕೂ ಹೆಚ್ಚು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಪ್ರದರ್ಶಿಸಲಾಗುತ್ತಿದೆ.