ಸಿಜಿಡಿ ಸಂಸ್ಥೆ ಸೇರಿದಂತೆ ಎಂಟು ಸೇನಾ ಕೇಂದ್ರಗಳಿಗೆ ನೈಸರ್ಗಿಕ ಅನಿಲ ಪೂರೈಕೆಗೆ ಸಿದ್ಧತೆ ನಡೆಸಿದ ಬಿಪಿಸಿಎಲ್

ಕೊಚ್ಚಿ: ಭಾರತೀಯ ಸೇನಾ ಕೇಂದ್ರಗಳಿಗೆ ಪೈಪ್‍ಲೈನ್ ಮೂಲಕ ನೈಸರ್ಗಿಕ ಅನಿಲ (ಪಿಎನ್‍ಜಿ) ಒದಗಿಸುವ ಯೋಜನೆಯ ಅನುಷ್ಠಾನದ ಭಾಗವಾಗಿ, ಭಾರತ್ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್ (ಬಿಪಿಸಿಎಲ್) 'ಇಂಡಿಯನ್ ಆರ್ಮಿ ಪಿಎನ್‍ಜಿ ಟ್ರಾನ್ಸಿಶನ್ ವೆಬಿನಾರ್ 2026' ಅನ್ನು ಆಯೋಜಿಸಿತ್ತು. 

ಭಾರತೀಯ ಸೇನೆ ಮತ್ತು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ನಿಯಂತ್ರಣ ಮಂಡಳಿ (ಪಿಎನ್‍ಜಿಆರ್‍ಬಿ) ಸಹಯೋಗದೊಂದಿಗೆ ಆಯೋಜಿಸಲಾದ ವೆಬಿನಾರ್‍ನಲ್ಲಿ ಆರು ಪ್ರಮುಖ ನಗರ ಅನಿಲ ವಿತರಣಾ (ಸಿಜಿಡಿ) ಸಂಸ್ಥೆಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು.

ಯೋಜನೆಯ ಮೊದಲ ಹಂತದಲ್ಲಿ, ಸೇನೆಯ 41 ಕೇಂದ್ರಗಳಿಗೆ ಪೈಪ್‍ಲೈನ್ ಮೂಲಕ ನೈಸರ್ಗಿಕ ಅನಿಲವನ್ನು ಪೂರೈಸಲಾಗುವುದು. ಇದರಿಂದ 20,000 ಕ್ಕೂ ಹೆಚ್ಚು ಕುಟುಂಬಗಳಿಗೆ ಪ್ರಯೋಜನವಾಗಲಿದೆ. ಮೊದಲ ಹಂತವು 2026-27ರ ಹಣಕಾಸು ವರ್ಷದಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

ಇದರ ಭಾಗವಾಗಿ, ಎಂಟು ಸೇನಾ ಕೇಂದ್ರಗಳು ಮತ್ತು ಆರು ಸಿಜಿಡಿ ಸಂಸ್ಥೆಗಳ ನಡುವೆ ತಿಳುವಳಿಕೆ ಒಪ್ಪಂದಕ್ಕೆ ಸಹಿ ಹಾಕಲಾಯಿತು. ಈ ಯೋಜನೆಯಲ್ಲಿ ಭಾಗವಹಿಸುವ ಸಿಜಿಡಿ ಸಂಸ್ಥೆಗಳೆಂದರೆ ಬಿಪಿಸಿಎಲ್, ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್, ಥಿಂಕ್ ಗ್ಯಾಸ್, ಟೊರೆಂಟ್ ಗ್ಯಾಸ್, ಹಿಂದೂಸ್ತಾನ್ ಪೆಟ್ರೋಲಿಯಂ ಕಾಪೆರ್Çರೇಷನ್ ಲಿಮಿಟೆಡ್ ಮತ್ತು ಸೆಂಟ್ರಲ್ ಯುಪಿ ಗ್ಯಾಸ್ ಲಿಮಿಟೆಡ್.

ಮಿಲಿಟರಿ ಕೇಂದ್ರಗಳಲ್ಲಿ ಪಿಎನ್‍ಜಿಗೆ ಬದಲಾಯಿಸುವ ಮಾರ್ಗಸೂಚಿಗಳನ್ನು ಹೊಂದಿರುವ ಪಿಎನ್‍ಜಿ ಕೈಪಿಡಿಯನ್ನು ಸಹ ಈ ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡಲಾಯಿತು.

ವೆಬಿನಾರ್ ಸೈನ್ಯ, ಪಿಎನ್‍ಜಿಆರ್‍ಬಿ ಮತ್ತು ಸಿಜಿಡಿ ಸಂಸ್ಥೆಗಳ ಕೆಲಸವನ್ನು ಸಂಘಟಿಸುವ ಗುರಿಯನ್ನು ಹೊಂದಿದೆ ಮತ್ತು ಯೋಜನೆಯ ಅನುಷ್ಠಾನಕ್ಕೆ ಸೈನ್ಯಕ್ಕೆ ಅಗತ್ಯವಾದ ಬೆಂಬಲವನ್ನು ನೀಡಲಾಗುವುದು ಎಂದು ಬಿಪಿಸಿಎಲ್‍ನ ಅನಿಲ ವಿಭಾಗದ ವ್ಯವಹಾರ ಮುಖ್ಯಸ್ಥ ರಾಹುಲ್ ಟಂಡನ್ ಹೇಳಿದರು.