ಇರಿಯಣ್ಣಿ ಶಾಲೆಯಲ್ಲಿ ಪ್ರಾಚ್ಯ ಮತ್ತು ಕರಕುಶಲ ವಸ್ತು ಪ್ರದರ್ಶನ ಆಯೋಜನೆ

ಕಾಸರಗೋಡು: ಶಾಲಾ ವಿಜ್ಞಾನ ಉತ್ಸವದ ಭಾಗವಾಗಿ, ಇರಿಯಣ್ಣಿ ಸರ್ಕಾರಿ ವೃತ್ತಿಪರ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಆಯೋಜಿಸಲಾದ ಪ್ರಾಚ್ಯ ಮತ್ತು ಕರಕುಶಲ ವಸ್ತು ಪ್ರದರ್ಶನವು ಮಕ್ಕಳಿಗೆ ಇತಿಹಾಸ, ಸಂಸ್ಕøತಿ ಮತ್ತು ಕಲೆಯನ್ನು ತಲುಪಿಸಲು ಉತ್ತಮ ವೇದಿಕೆಯಾಗಿತ್ತು. ಹಳೆಯ ನಾಣ್ಯಗಳು ಮತ್ತು ಅಂಚೆಚೀಟಿಗಳ ಸಂಗ್ರಹ, ಪಾವು, ಸೇರು, ಕೊಂಡೆ, ಮಂತ್, ಹಳೆಯ ಡಯಲ್ ಪೋನ್, ಇಸ್ತ್ರಿ ಪೆಟ್ಟಿಗೆ, ಟೇಪ್ ರೆಕಾರ್ಡರ್, ಕ್ಯಾಸೆಟ್, ಮಧುಪಾಣಿ, ಕೈಮರಿಗೆ, ಚಿಮಣಿ ಮಡಕೆ, ಉಳಿ, ಹಳೆ ರೇಡಿಯೊ, ಹಳೆಯ ಟಾರ್ಚ್, ಮಕುಟ, ಮರದಿಂದ ಮಾಡಿದ ಶಾಲಾ ಸಭಾಂಗಣದ ಮಾದರಿ, ಗೆರಟೆಯ ಉಪಕರಣ ಮತ್ತು ತ್ಯಾಜ್ಯ ವಸ್ತುಗಳಿಂದ ಮಾಡಿದ ಕರಕುಶಲ ಉತ್ಪನ್ನಗಳು ಇತ್ಯಾದಿಗಳು ಮಕ್ಕಳ ಕುತೂಹಲವನ್ನು ಕೆರಳಿಸಿದವು. ವಿಜ್ಞಾನ ಉತ್ಸವದ ಭಾಗವಾಗಿ ವಿಜ್ಞಾನ ಮೇಳ, ಸಮಾಜ ವಿಜ್ಞಾನ ಮೇಳ, ಗಣಿತ ಮೇಳ, ಐಟಿ ಮೇಳ ಮತ್ತು ಕೆಲಸದ ಅನುಭವ ಮೇಳವನ್ನು ನಡೆಸಲಾಯಿತು.

ವಿಜ್ಞಾನ ಉತ್ಸವವನ್ನು ಶಾಲೆಯ ಹಳೆಯ ವಿದ್ಯಾರ್ಥಿ ಮತ್ತು ನ್ಯೂಯಾರ್ಕ್‍ನ ಕ್ಲಾಕ್ರ್ಸನ್ ವಿಶ್ವವಿದ್ಯಾಲಯದ ಸಂಶೋಧನಾ ಸಹವರ್ತಿ ಡಾ. ಶ್ರೀಕೇಶ್ ಮುಂಡಕೈ ಉದ್ಘಾಟಿಸಿದರು. ಅವರು 2006 ರ ಎಸ್‍ಎಸ್‍ಎಲ್‍ಸಿ ಬ್ಯಾಚ್‍ನ ವಿದ್ಯಾರ್ಥಿಯಾಗಿದ್ದು, ಐಐಟಿಯಲ್ಲಿ ತಮ್ಮ ಶಾಲಾ ನೆನಪುಗಳು ಮತ್ತು ಸಂಶೋಧನಾ ಅನುಭವಗಳನ್ನು ಮಕ್ಕಳೊಂದಿಗೆ ಹಂಚಿಕೊಂಡರು. ಪಿಟಿಎ ಅಧ್ಯಕ್ಷ ರಾಘವನ್ ಬೆಳ್ಳಿಪ್ಪಾಡಿ ಅಧ್ಯಕ್ಷತೆ ವಹಿಸಿದ್ದರು. ಪ್ರಭಾರ ಪ್ರಾಂಶುಪಾಲ ಸಜೀವನ್ ಮಾದಪರಂಬತ್ ಮುಖ್ಯ ಅತಿಥಿಗೆ ಚಿನ್ನದ ಪದಕ ಪ್ರದಾನ ಮಾಡಿದರು. ವಿಎಚ್‍ಎಸ್‍ಇ ಪ್ರಾಂಶುಪಾಲ ಪಿ. ಸುಚೀಂದ್ರನಾಥ್, ಎಸ್‍ಆರ್‍ಜಿ ಸಂಚಾಲಕ ಕೆ. ಮಿನಿಯೇಶ್ ಬಾಬು, ಅನು ಮುಕುಂದನ್, ಪಿ. ಉಷಾನಂದಿನಿ, ಮಂಜು, ಎಂ.ಕೆ. ಪ್ರಸನ್ನ, ಬಿ. ಶಿಹಾಸ್ ಮಾತನಾಡಿದರು. ಮುಖ್ಯೋಪಾಧ್ಯಾಯ ಎ.ಎಂ. ಅಬ್ದುಲ್ ಸಲಾಂ ಸ್ವಾಗತಿಸಿ ಹಿರಿಯ ಶಿಕ್ಷಕಿ ಬೇಬಿ ಸುಮತಿ ವಂದಿಸಿದರು.