ನೈಜೀರಿಯಾದಲ್ಲಿ ಬಂದೂಕುಧಾರಿಗಳಿಂದ ಕನಿಷ್ಠ 40 ಜನರ ಹತ್ಯೆ: ಆಮ್ನೆಸ್ಟಿ ಮಾಹಿತಿ

ಅಬುಜ: ನೈಜೀರಿಯಾದ ಈಶಾನ್ಯ ತಾರಾಬಾ ರಾಜ್ಯದ ಗ್ರಾಮವೊಂದರ ಮೇಲೆ ನಡೆದ ದಾಳಿಯಲ್ಲಿ ಬಂದೂಕುಧಾರಿಗಳು ಕನಿಷ್ಠ 40 ಜನರನ್ನು ಹತ್ಯೆ ಮಾಡಿದ್ದಾರೆ ಎಂದು ಆಮ್ನೆಸ್ಟಿ ಇಂಟರ್‌ನ್ಯಾಷನಲ್‌ ರವಿವಾರ ತಿಳಿಸಿದೆ.

ಶನಿವಾರ ಪೋಲಿಸರು ನೀಡಿದ ಹೇಳಿಕೆಯ ಪ್ರಕಾರ, ಬಂದೂಕುಧಾರಿಗಳ ದೊಡ್ಡ ಗುಂಪೊಂದು ಬಿನ್ನಾರಿ ಗ್ರಾಮದ ಮೇಲೆ ಈ ದಾಳಿಯನ್ನು ನಡೆಸಿದೆ. 

ಮೋಟಾರ್ ಬೈಕ್‍ಗಳಲ್ಲಿ ಬಂದ ದಾಳಿಕೋರರು ಭಾರಿ ಗುಂಡಿನ ದಾಳಿಯೊಂದಿಗೆ ಗ್ರಾಮಕ್ಕೆ ನುಗ್ಗಿ, ಅಂಗಡಿಗಳಿಂದ ಆಹಾರ ಪದಾರ್ಥಗಳನ್ನು ಲೂಟಿ ಮಾಡಿದ್ದಾರೆ. ಇದುವರೆಗೆ 40 ಮೃತದೇಹಗಳು ಪತ್ತೆಯಾಗಿದ್ದು ಹಲವರು ಗಾಯಗೊಂಡಿದ್ದಾರೆ ಎಂದು ಪೊಲೀಸರನ್ನು ಉಲ್ಲೇಖಿಸಿದ ಹೇಳಿಕೆ ತಿಳಿಸಿದೆ.