ಮುಂಡಕ್ಕೈ–ಚೂರಲ್‌ಮಲ ದುರಂತ ಸಂತ್ರಸ್ತರಿಗೆ ಪರಿಹಾರ: ₹7.19 ಕೋಟಿ ಬಿಡುಗಡೆಗೆ ಸರ್ಕಾರದ ಆದೇಶ

ವ್ಯಾಪಾರಿಗಳು ಹಾಗೂ ವಾಣಿಜ್ಯ ಕಟ್ಟಡಗಳ ಮಾಲೀಕರಿಗೆ ಪರಿಹಾರ; ಶೀಘ್ರದಲ್ಲೇ ಹಣ ವರ್ಗಾವಣೆ

ಕಲ್ಪೆಟ್ಟಾ: ಮುಂಡಕ್ಕೈ–ಚೂರಲ್‌ಮಲ ದುರಂತದಿಂದ ನಷ್ಟ ಅನುಭವಿಸಿದ ವ್ಯಾಪಾರಿಗಳು ಹಾಗೂ ವಾಣಿಜ್ಯ ಕಟ್ಟಡಗಳ ಮಾಲೀಕರಿಗೆ ಪರಿಹಾರ ಮಂಜೂರು ಮಾಡಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.

ದುರಂತದಲ್ಲಿ ಹಾನಿಗೊಳಗಾದ ವ್ಯಾಪಾರ ಮಳಿಗೆಗಳು ಮತ್ತು ವಾಣಿಜ್ಯ ಕಟ್ಟಡಗಳಿಗೆ ಒಟ್ಟು ₹7,19,99,400 ಪರಿಹಾರ ಮೊತ್ತವನ್ನು ಮಂಜೂರು ಮಾಡಲಾಗಿದೆ.

ಕಟ್ಟಡ ಸಂಖ್ಯೆ ಹೊಂದಿರುವ 128 ಅಂಗಡಿ ಕೊಠಡಿಗಳು 48 ಮಂದಿಯ ಹೆಸರಿನಲ್ಲಿವೆ. ಈ 48 ಮಂದಿ ಕಟ್ಟಡ ಮಾಲೀಕರು ಹಾಗೂ ಪರವಾನಗಿ ಹೊಂದಿರುವ ವಾಣಿಜ್ಯ ಉದ್ಯಮಿಗಳಿಗೆ ಪರಿಹಾರ ನೀಡಲಾಗುತ್ತದೆ.

ಪರವಾನಗಿ ಹೊಂದಿರುವ ವಾಣಿಜ್ಯ ಉದ್ಯಮಿಗಳ ಸಂಖ್ಯೆ 28 ಆಗಿದೆ. ಮಂಜೂರಾದ ಪರಿಹಾರ ಮೊತ್ತವನ್ನು ಫಲಾನುಭವಿಗಳಿಗೆ ಶೀಘ್ರದಲ್ಲೇ ವರ್ಗಾಯಿಸಲಾಗುವುದು ಎಂದು ವರದಿಯಾಗಿದೆ.