ವಂದೇ ಮಾತರಂ ವಿಚಾರ ಸಂಕಿರಣದ ವಿರುದ್ಧ ಪ್ರತಿಭಟನೆ; ತನಿಖಾ ಸಮಿತಿ ರಚಿಸಿದ ಕೇಂದ್ರೀಯ ವಿಶ್ವವಿದ್ಯಾಲಯ

ಕಾಸರಗೋಡು: ವಂದೇ ಮಾತರಂ ವಿಚಾರ ಸಂಕಿರಣದ ವಿರುದ್ಧದ ವಿದ್ಯಾರ್ಥಿಗಳ ಪ್ರತಿಭಟನೆಯ ಕುರಿತು ಕಾಸರಗೋಡು ಕೇಂದ್ರೀಯ ವಿಶ್ವವಿದ್ಯಾಲಯವು ತನಿಖಾ ಸಮಿತಿಯನ್ನು ರಚಿಸಿದೆ. ಶಿಕ್ಷಕರನ್ನು ಒಳಗೊಂಡ ಐದು ಸದಸ್ಯರ ಸಮಿತಿಯನ್ನು ರಚಿಸಲಾಗಿದೆ. ಹತ್ತು ದಿನಗಳಲ್ಲಿ ವರದಿ ಸಲ್ಲಿಸಲು ಸೂಚಿಸಲಾಗಿದೆ.

ಘಟನೆಯ ಕುರಿತು ವಿಶ್ವವಿದ್ಯಾಲಯದ ಕುಲಪತಿಗಳು ವಿದ್ಯಾರ್ಥಿ ಪ್ರತಿನಿಧಿಗಳೊಂದಿಗೆ ಚರ್ಚೆ ನಡೆಸಲಿದ್ದಾರೆ. ಸೋಮವಾರ ಚರ್ಚೆ ನಡೆಯಲಿದೆ. ಪ್ರಾಕ್ಟರ್‍ಗೆ ಸಂಬಂಧಿಸಿದ ವಿಷಯ ಸೇರಿದಂತೆ ವಿಷಯವನ್ನು ಸಭೆಯಲ್ಲಿ ನಿರ್ಧಾರಕ್ಕಾಗಿ ಕುಲಪತಿಗಳ ಮುಂದೆ ಇಡಲಾಗುತ್ತದೆ.

ವಂದೇ ಮಾತರಂ ವಿಚಾರ ಸಂಕಿರಣದ ವಿರುದ್ಧ ಪ್ರತಿಭಟನೆ ನಡೆಸಿದ ಘಟನೆಯಲ್ಲಿ ವಿದ್ಯಾರ್ಥಿಗಳನ್ನು ಅಮಾನತುಗೊಳಿಸಲಾಗಿದೆ. ವಿಶ್ವವಿದ್ಯಾಲಯಕ್ಕೆ ಅಪಖ್ಯಾತಿ ತರುವ ರೀತಿಯಲ್ಲಿ ಅವರು ವರ್ತಿಸಿದ್ದಾರೆ ಎಂದು ಅಮಾನತು ಆದೇಶದಲ್ಲಿ ತಿಳಿಸಲಾಗಿದೆ. ಪ್ರಬಂಧದ ಪ್ರಸ್ತುತಿಗೆ ಅಡ್ಡಿಪಡಿಸಿದ ನಂತರ ಕಾರ್ಯಕ್ರಮದ ಮುಖ್ಯ ಸಂಘಟಕ ಮತ್ತು ಪ್ರಾಕ್ಟರ್ ಕೆ. ಶ್ರೀಕುಮಾರ್ ಅವರು ಅಮಾನತು ಆದೇಶವನ್ನು ಹೊರಡಿಸಿದ್ದರು..