ಬಳ್ಳೂರು ಕೋಳಿ ತ್ಯಾಜ್ಯ ಘಟಕದ ವಿರುದ್ದ ಪೈವಳಿಕೆ ಪಂಚಾಯತಿ ಕಛೇರಿ ಧರಣಿ ಇಂದು

      ಉಪ್ಪಳ: ಬಳ್ಳೂರು ಅಂಗನವಾಡಿ ಪರಿಸರದಲ್ಲಿ ಕಾರ್ಯಾಚರಿಸುತ್ತಿರುವ ಕೋಳಿ ತ್ಯಾಜ್ಯ ಘಟಕದಿಂದ ದುರ್ವಾಸನೆ ಸಹಿತ ವಿವಿಧ ರೀತಿಯ ಸಮಸ್ಯೆಗಳು ಉಂಟಾಗುತ್ತಿದ್ದು, ಈ ತ್ಯಾಜ್ಯ ಘಟಕವನ್ನು ಮುಚ್ಚುಗಡೆ ಗೊಳಿಸುವಂತೆ ಆಗ್ರಹಿಸಿ ಜನಪರ ಮುಷ್ಕರ ಸಮಿತಿಯಿಂದ ಇಂದು(ಗುರುವಾರ) ಬೆಳಿಗ್ಗೆ 10 ಕ್ಕೆ ಪೈವಳಿಕೆ ಗ್ರಾಮ ಪಂಚಾಯತಿ ಕಛೇರಿ ಮುಂಭಾಗದಲ್ಲಿ ಧರಣಿ ನಡೆಯಲಿದೆ. ಈ ಸಮಸ್ಯೆಯನ್ನು ಪರಿಹರಿಸಲು ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಧರಣಿಯಲ್ಲಿ ಪಾಲ್ಗೊಂಡು ಯಶಸ್ವಿಗೊಳಿಸಬೇಕೆಂದು ಗ್ರಾ.ಪಂ. ಪ್ರತಿನಿಧಿ ಜಯಲಕ್ಷ್ಮಿ ಭಟ್ ತಿಳಿಸಿದ್ದಾರೆ.