ಕೃಷಿ ಉತ್ಪನ್ನಗಳನ್ನು ಖರೀದಿಸಲು ರಾಜ್ಯ ಸರ್ಕಾರ ಕ್ರಮ ಕೈಗೊಳ್ಳಬೇಕು: ನ್ಯಾಯವಾದಿ ಕೆ. ಶ್ರೀಕಾಂತ್

     ಕುಂಬಳೆ: ಲಾಕ್ ಡೌನ್ ಸಂದರ್ಭದಲ್ಲಿ ಅವನತಿಯ ಅಂಚಿನಲ್ಲಿರುವ ಕೃಷಿಕರಿಗೆ ತಮ್ಮ ಬೆಳೆಗಳನ್ನು  ಮಾರಾಟ ಮಾಡಲು ಸಹಕಾರಿ  ಸಂಘ ಸಂಸ್ಥೆಗಳ ಮೂಲಕ ಅವಕಾಶ ಕಲ್ಪಿಸಬೇಕಾಗಿ ಮುಖ್ಯಮಂತ್ರಿಯನ್ನು  ಬಿಜೆಪಿ ಜಿಲ್ಲಾಧ್ಯಕ್ಷ ನ್ಯಾಯವಾದಿ ಕೆ. ಶ್ರೀಕಾಂತ್ ಮನವಿ ಮಾಡಿದ್ದಾರೆ.
        ಅಡಿಕೆ, ತೆಂಗಿನಕಾಯಿ, ಕೊಬ್ಬರಿ, ಕಾಳುಮೆಣಸು ಮುಂತಾದ ವಸ್ತುಗಳನ್ನು ಮಾರಾಟ ಮಾಡಲು ಯಾವುದೇ ವ್ಯವಸ್ಥೆ ಇಲ್ಲದೆ ಕೃಷಿಕರು ಸಂಕಷ್ಟದಲ್ಲಿದ್ದಾರೆ. ಕೋಕೋ ಮತ್ತು ಅನಾನಸ್ ಬೆಳೆಗಳ ಸೀಸನ್ ಕಾಲ ಇದಾಗಿದೆ.  ಹೆಚ್ಚಿನ ರೈತರಿಗೆ ಅವುಗಳನ್ನು ಹಾಳಾಗದಂತೆ ಇರಿಸಲು ಯಾವುದೇ ಸೌಲಭ್ಯಗಳಿಲ್ಲ.  ಗೇರುಬೀಜ ಕೃಷಿಕರೂ  ಬಿಕ್ಕಟ್ಟಿನಲ್ಲಿದ್ದಾರೆ. ಹೀಗೇ ಮುಂದುವರಿದರೆ  ಜಿಲ್ಲೆಯಲ್ಲಿ ಕೃಷಿ ಉತ್ಪನ್ನಗಳಿಗೆ ಮಾರುಕಟ್ಟೆ ಇಲ್ಲದೇ ದೊಡ್ಡ ನಷ್ಟ ಉಂಟಾಗಬಹುದೆಂದು ಶ್ರೀಕಾಂತ್ ಮುನ್ನೆಚ್ಚರಿಕೆ ನೀಡಿದ್ದಾರೆ.
        ರಸಗೊಬ್ಬರ, ಕೀಟನಾಶಕ ಮೊದಲಾದವುಗಳಿಗೆ  ಮಾರಾಟ ಮಾಡಲು  ಅನುಮತಿ ಕಲ್ಪಿಸಿದ ಹಾಗೆ ಕೋಕೋ, ಅಡಿಕೆ ಮತ್ತು ತೆಂಗಿನಕಾಯಿ, ಕೊಬ್ಬರಿಯಂತಹ ಕೃಷಿ ಉತ್ಪನ್ನಗಳನ್ನು ಸಂಗ್ರಹಿಸಲು ಕ್ಯಾಂಪೆÇ್ಕದಂತಹ ಸಹಕಾರಿ ಸಂಸ್ಥೆಗಳಿಗೆ ಅನುಮತಿ ಕಲ್ಪಿಸಬೇಕು ಎಂದು ಕೆ.ಶ್ರೀಕಾಂತ್ ಸರ್ಕಾರವನ್ನು  ಮನವಿ ಮಾಡಿಕೊಂಡಿದ್ದಾರೆ.