ಎಸ್ಸೆಸ್ಸೆಲ್ಸಿಯಲ್ಲಿ ಸತತ 100 ಶೇಕಡಾ ಸಾಧನೆಗೈದ ಬದಿಯಡ್ಕ ಶ್ರೀ ಭಾರತೀ ವಿದ್ಯಾಪೀಠ

            ಬದಿಯಡ್ಕ: ಬದಿಯಡ್ಕ ಶ್ರೀ ಭಾರತೀ ವಿದ್ಯಾಪೀಠದ 10 ನೇ ತರಗತಿಯ ಎಲ್ಲಾ ವಿದ್ಯಾರ್ಥಿಗಳು ಈ ಬಾರಿಯೂ ತೇರ್ಗಡೆಯಾಗುವುದರೊಂದಿಗೆ ಸತತವಾಗಿ 100 ಶೇಕಡಾ ಫಲಿತಾಂಶವನ್ನು ಉಳಿಸಿಕೊಂಡಿದೆ. ಒಟ್ಟು 20 ಮಂದಿ ವಿದ್ಯಾರ್ಥಿಗಳುಪರೀಕ್ಷೆಯನ್ನು ಬರೆದಿದ್ದರು. ಸಿಂಧುಶ್ರೀ, ಪ್ರತಿಕಾ ಕೆ., ನಿಖಿತಾ ವೈ.ಕೆ., ಶ್ರೀಹರಿ ಬಿ., ಅಪರ್ಣಾ ಪಿ. ಎಲ್ಲಾ ವಿಷಯದಲ್ಲೂ ಎ ಪ್ಲಸ್ ಅಂಕ ಪಡೆದು ಉತ್ತೀರ್ಣರಾಗಿರುತ್ತಾರೆ. ವಿದ್ಯಾರ್ಥಿಗಳ ಗಮನಾರ್ಹ ಸಾಧನೆಗೆ ಶಾಲಾ ಆಡಳಿತ ಮಂಡಳಿ, ಅಧ್ಯಾಪಕ ವೃಂದ, ರಕ್ಷಕ ಶಿಕ್ಷಕ ಸಂಘವು ಅಭಿನಂದನೆಯನ್ನು ಸಲ್ಲಿಸಿದೆ.