ದೇಶದಲ್ಲಿ ಪ್ರಥಮ; ತರಕಾರಿಗಳಿಗೆ ಬೆಂಬಲ ಬೆಲೆ ಪ್ರಕಟಿಸಲಿರುವ ರಾಜ್ಯ ಸರ್ಕಾರ-ಇಂದು ಬೆಂಬಲ ಬೆಲೆ ಘೋಷಣೆ

  

        ತಿರುವನಂತಪುರ: ರಾಜ್ಯದಲ್ಲಿ ರೈತರು ಉತ್ಪಾದಿಸುವ ಬೆಳೆಗಳಿಗೆ ನಿಖರವಾದ ಬೆಲೆಯನ್ನು ಖಾತರಿಪಡಿಸುವ ಉದ್ದೇಶದಿಂದ ರಾಜ್ಯ ಸರ್ಕಾರವು 16 ತರಕಾರಿಗಳಿಗೆ    ಬೆಂಬಲ ಬೆಲೆಯನ್ನು ಘೋಷಿಸಿದೆ. ಬಿಕ್ಕಟ್ಟಿನಿಂದ ಬಳಲುತ್ತಿರುವ ಕೃಷಿ ಕ್ಷೇತ್ರವನ್ನು ರಕ್ಷಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಕೃಷಿ ಸಚಿವ ವಿ.ಎಸ್.ಸುನೀಲ್ ಕುಮಾರ್ ಹೇಳಿದರು. ದೇಶದಲ್ಲಿ ಇದೇ ಮೊದಲ ಬಾರಿಗೆ ರಾಜ್ಯ ಸರ್ಕಾರವು ತರಕಾರಿಗಳಿಗೆ ಬೆಂಬಲ ಬೆಲೆಯನ್ನು ಘೋಷಿಸಿದೆ.

         ಬೆಳೆಗಳಿಗೆ ಬೆಂಬಲ ಬೆಲೆ ಘೋಷಿಸುವ ಹಕ್ಕು ಕೇಂದ್ರ ಸರ್ಕಾರದ್ದಾಗಿದೆ. ಬೆಂಬಲ ಬೆಲೆಯು ಉತ್ಪಾದನಾ ವೆಚ್ಚಕ್ಕಿಂತ ಸುಮಾರು 20 ಪಟ್ಟು ಹೆಚ್ಚಿರುತ್ತದೆ. ಈ ಬಗ್ಗೆ ಇಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್  ಪ್ರಕಟಣೆ ನೀಡಲಿದ್ದಾರೆ.

      ಇದೇ ವೇಳೆ ಈರುಳ್ಳಿ ಬೆಲೆ ಹೆಚ್ಚಳಗೊಂಡಿರುವ ಹಿನ್ನೆಲೆಯಲ್ಲಿ ಕೇರಳದಲ್ಲಿ ಈರುಳ್ಳಿಯನ್ನು ಅಗ್ಗದ ದರದಲ್ಲಿ ಲಭ್ಯವಾಗುವಂತೆ ಮಾಡಲು ರಾಜ್ಯ ಸರ್ಕಾರ ಕ್ರಮ ಕೈಗೊಂಡಿದೆ. ಇತರ ರಾಜ್ಯಗಳಿಂದ ನೇರವಾಗಿ ಸಪ್ಲೈಕೊ ಮತ್ತು ಕನ್ಸ್ಯೂಮರ್ಫೆಡ್ ಹಾಗೂ ಹಾರ್ಟಿಕಾರ್ಪ್ ಮೂಲಕ ಈರುಳ್ಳಿಯನ್ನು ಸಂಗ್ರಹಿಸುವ ಯೋಜನೆ ಇರಿಸಲಾಗಿದೆ.  1800 ಟನ್ ಈರುಳ್ಳಿಯನ್ನು ನಾಫೆಡ್‍ನಿಂದ ಖರೀದಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.

         ಸಪ್ಲೈಕೊ ಮೂಲಕ ಒಂದು ಸಾವಿರ ಟನ್ ಮತ್ತು ಕನ್ಸ್ಯೂಮರ್ಫೆಡ್ ಮೂಲಕ 300 ಟನ್ ಸಂಗ್ರಹಿಸಲಾಗುವುದು. ಹಾರ್ಟಿಕಾರ್ಪ್‍ನಿಂದ ಸುಮಾರು 500 ಟನ್ ಈರುಳ್ಳಿ ಸಂಗ್ರಹಿಸಲಾಗುವುದು. ಇದು ನವೆಂಬರ್ ನಿಂದ ವಿತರಣೆಯನ್ನು ಪ್ರಾರಂಭಿಸಲಿದೆ. ರಾಜ್ಯದಲ್ಲಿ ದೊಡ್ಡ ಪ್ರಮಾಣದಲ್ಲಿ ಕೃಷಿ ಇರದ ಟೊಮೆಟೊ, ಈರುಳ್ಳಿ ಮತ್ತು ಆಲೂಗಡ್ಡೆಗಳನ್ನು ನೇರವಾಗಿ ಕೇಂದ್ರ ಸರ್ಕಾರದ ಮೂಲಕ ಶೇಖರಣಾ ಕೇಂದ್ರಗಳಿಗೆ ಸಂಗ್ರಹಿಸಲು ಸರ್ಕಾರ ಯೋಜಿಸಿದೆ. ಈ ನಿಟ್ಟಿನಲ್ಲಿ ತಮಿಳುನಾಡು ಮತ್ತು ಕರ್ನಾಟಕಕ್ಕೆ ಪತ್ರಗಳನ್ನು ಕಳುಹಿಸಿದ್ದೇನೆ ಎಂದು ಸಿಎಂ ಹೇಳಿದ್ದಾರೆ.

         ಕೇರಳಕ್ಕೆ ತರಕಾರಿಗಳ ಪ್ರಮುಖ ಮೂಲವಾದ ಕರ್ನಾಟಕ, ತಮಿಳುನಾಡು ಮತ್ತು ಆಂಧ್ರಪ್ರದೇಶದಲ್ಲಿ ಭಾರೀ ಮಳೆಯ ಕಾರಣ ಮಾರುಕಟ್ಟೆಯಲ್ಲಿ ಬೆಲೆ ಹೆಚ್ಚಳಕ್ಕೆ ಕಾರಣವಾಗಿದೆ. ಭಾರಿ ಮಳೆಯಿಂದಾಗಿ ಉತ್ಪಾದನೆ ಮತ್ತು ರಫ್ತು ಕುಸಿದಿದ್ದು ಬೆಲೆಗಳ ಅಪರಿಮಿತ ಏರಿಕೆಗೆ ಕಾರಣವಾಗಿದೆ.