ನವದೆಹಲಿ: ದೇಶದಲ್ಲಿ ಮಹಾಮಾರಿ ಕೊರೋನಾ ವೈರಸ್ ವಿರುದ್ಧದ ಲಿಸಿಕೆ ಅಭಿಯಾನ ಮತ್ತಷ್ಟು ವೇಗ ಪಡೆದುಕೊಳ್ಳುತ್ತಿದ್ದು, ಕೇಂದ್ರ ಸರ್ಕಾರ ಹೊಸದಾಗಿ ಆಕ್ಸ್ಫರ್ಡ್-ಅಸ್ಟ್ರಾಜೆನೆಕಾ ಸಂಸ್ಥೆಯ 10 ಕೋಟಿ ಕೋವಿಶೀಲ್ಡ್ ಡೋಸ್ ಖರೀದಿಗೆ ಆದೇಶಿಸಿದೆ.
ಕೋವಿಶೀಲ್ಡ್ ಲಸಿಕೆ ಉತ್ಪಾದಿಸುತ್ತಿರುವ ಪುಣೆಯ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ(ಎಸ್ಐಐ)ಗೆ ಕೇಂದ್ರ ಸರ್ಕಾರ ಹೊಸ ಖರೀದಿ ಆದೇಶ ನೀಡಿದ್ದು, ಜಿಎಸ್ಟಿ ಸೇರಿದಂತೆ ಪ್ರತಿ ಡೋಸ್ ಗೆ 157.50 ರೂ. ದರ ನಿಗದಿಪಡಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಕೇಂದ್ರ ಆರೋಗ್ಯ ಸಚಿವಾಲಯದ ಪರವಾಗಿ ಸಾರ್ವಜನಿಕ ವಲಯದ ಸಂಸ್ಥೆ ಎಚ್ಎಲ್ಎಲ್ ಲೈಫ್ಕೇರ್ ಲಿಮಿಟೆಡ್ ಮಾರ್ಚ್ 12 ರಂದು ಕೋವಿಡ್ ಲಸಿಕೆ ಪೂರೈಕೆ ಆರ್ಡರ್ ನೀಡಿದೆ.
ಈ 10 ಕೋಟಿ ಡೋಸ್ಗಳ ವೆಚ್ಚವನ್ನು ಆರೋಗ್ಯ ಸಚಿವಾಲಯ ಬಜೆಟ್ ಹಂಚಿಕೆಯಡಿ ಭರಿಸಲಿದೆ.
ಈ ಹಿಂದೆ ಲಸಿಕೆ ಖರೀದಿ ವೆಚ್ಚವನ್ನು ಪಿಎಂ ಕೇರ್ಸ್ ಫಂಡ್ ಮೂಲಕ ನೀಡಲಾಗಿತ್ತು ಎಂದು ಮೂಲಗಳು ತಿಳಿಸಿವೆ.
DOCTYPE html>
.png)
