ಗೂಗಲ್‌ನಿಂದ ಭಾರತೀಯ ಮಹಿಳೆಯರಿಗೆ ಆರ್ಥಿಕ ನೆರವು

          ನವದೆಹಲಿ: ವಿಶ್ವ ಮಹಿಳಾ ದಿನಾಚರಣೆ ಅಂಗವಾಗಿ ಭಾರತೀಯ ಮಹಿಳೆಯರಿಗೆ ವಿಶೇಷ ಕೊಡುಗೆಯೊಂದನ್ನು ಗೂಗಲ್‌ ಪ್ರಕಟಿಸಿದೆ. ಅದು ಉದ್ಯಮಶೀಲ, ಕೃಷಿ ಚಟುವಟಿಕೆಯಲ್ಲಿ ನಿರತ ಮಹಿಳೆಯರಿಗೆ ಆರ್ಥಿಕ ನೆರವು ನೀಡಲಿದೆ. ಇದಕ್ಕಾಗಿ ನ್ಯಾಸ್ಕಾಮ್‌ ಫೌಂಡೇಶನ್‌ಗೆ 3.66 ಕೋಟಿ ರೂ. ಹಣ ನೀಡುವುದಾಗಿ ಘೋಷಿಸಿದೆ.

         ಇದರಿಂದ 1 ಲಕ್ಷ ಮಹಿಳೆಯರಿಗೆ ನೆರವು ಸಿಗಲಿದೆ. ಹಾಗೆಯೇ ಡಿಜಿಟಲ್‌ ಮತ್ತು ಆರ್ಥಿಕತೆಯ ಕುರಿತು ಜ್ಞಾನ ಸಿಗಲಿದೆ. ಮುಖ್ಯವಾಗಿ ಬಿಹಾರ, ಹರ್ಯಾಣ, ಹಿಮಾಚಲ ಪ್ರದೇಶ, ರಾಜಸ್ಥಾನ, ಉತ್ತರಾಖಂಡ, ಉತ್ತರಪ್ರದೇಶದ ಮಹಿಳೆಯರಿಗೆ ಇದರಿಂದ ಲಾಭವಾಗಲಿದೆ.