ತಿರುವನಂತಪುರ: ಎಡ ಸರ್ಕಾರದ ಚುನಾವಣಾ ವಿಜಯವನ್ನು ಎಲ್ ಡಿ ಎಫ್ ಮೇ 7 ರಂದು ವಿಜಯ ದಿನವನ್ನಾಗಿ ಆಚರಿಸಲಿದೆ. ಸಂಜೆ 7 ಗಂಟೆಗೆ ಕಾರ್ಯಕರ್ತರು ಅವರವರ ಮನೆಗಳಲ್ಲಿ ದೀಪ ಬೆಳಗಿಸಿ ಆಚರಿಸಲು ಸೂಚಿಸಲಾಗಿದೆ!
ಎಲ್ ಡಿ ಎಫ್ ಕನ್ವೀನರ್ ಎ ವಿಜಯರಾಘವನ್ ಮಾತನಾಡಿ, ಕೊರೋನಾ ವ್ಯಾಪಕತೆಯ ಕಾರಣ ಸಾರ್ವಜನಿಕವಾಗಿ ಬೀದಿಗಳಲ್ಲಿ ವಿಜಯೋತ್ಸವ ಆಚರಣೆಯನ್ನು ನಿಷೇಧಿಸಲಾಗಿರುವುದರಿಂದ ಮನೆಗಳಲ್ಲಿ ದೀಪಗಳನ್ನು ಬೆಳಗಿಸಲು ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದಿರುವರು. ಎಲ್ ಡಿ ಎಫ್ ವಿಜಯ ದಿನವನ್ನು ಯಶಸ್ವಿಗೊಳಿಸಲು ಸಿಪಿಎಂ ರಾಜ್ಯ ಸಚಿವಾಲಯವೂ ನಿರ್ಧರಿಸಿದೆ ಎಂದು ಅವರು ಹೇಳಿದರು. ಎಡ ಪ್ರಜಾಸತ್ತಾತ್ಮಕ ಪಕ್ಷದ ಕಾರ್ಯಕರ್ತರ ಶ್ರಮದಿಂದ ಗೆಲುವು ಲಭಿಸಿದೆ, ಅವರ ಸಂಬಂಧಿಕರು ತಮ್ಮ ಮನೆಗಳಲ್ಲಿ ವ್ಯಾಪಕ ಬೆಳಕಿನ ಸಮಾರಂಭಗಳನ್ನು ನಡೆಸಬೇಕು ಎಂದು ವಿನಂತಿಸಿದರು.
ಪಕ್ಷದ ಈ ಗೆಲುವು ಕೇರಳದ ಎಡ ಚಳುವಳಿಗಳ ಇತಿಹಾಸದಲ್ಲಿ ಬಹಳ ಮಹತ್ವದ ಮೈಲಿಗಲ್ಲು ಎಂದು ಹೇಳಿದರು. ಕೇರಳದಲ್ಲಿ ಎಡಪಂಥೀಯರ ಗೆಲುವು ರಾಷ್ಟ್ರೀಯ ಮಹತ್ವದ್ದಾಗಿದೆ ಎಂದು ಎಲ್ಡಿಎಫ್ ಅಂದಾಜು ಮಾಡಿದೆ. ಎಲ್ ಡಿ ಎಫ್ ಚುನಾವಣಾ ಗೆಲುವು ಪಕ್ಷದ ಬೆಳವಣಿÀಗೆ, ಚಳವಳಿಯ ಪ್ರಮುಖ ಹೆಜ್ಜೆಯಾಗಿದೆ ಮತ್ತು ಸರ್ಕಾರದ ಕ್ರಮಗಳನ್ನು ಸಾರ್ವಜನಿಕರು ಒಪ್ಪಿಕೊಂಡಿರುವುದು ಸ್ಪಷ್ಟವಾಗಿದೆ ಎಂದು ಹೇಳಿದರು.
ಈ ಚುನಾವಣಾ ವಿಜಯವನ್ನು ಐತಿಹಾಸಿಕ ಮೈಲಿಗಲ್ಲನ್ನಾಗಿ ಮಾಡುವ ಪ್ರಮುಖ ಅಂಶವೆಂದರೆ ಕೇರಳದಲ್ಲಿ ಎಡಪಂಥೀಯರನ್ನು ಉರುಳಿಸಲು ಮತ್ತು ದುರ್ಬಲಗೊಳಿಸಲು ಒಗ್ಗೂಡಿದ ಬಲಪಂಥೀಯ ಐಕ್ಯತೆಯ ಒಡೆಯುವಿಕೆ ಎಂದು ವಿಜಯರಾಘವನ್ ಹೇಳಿದ್ದಾರೆ.
DOCTYPE html>
