ಹಿಜಾಬ್ ಧರಿಸಿದ್ದಕ್ಕಾಗಿ ಹಿಂದಕ್ಕೆ ಕಳುಹಿಸಲಾಗಿದೆ: ಕೇರಳ ಪೋಲೀಸ್‍ನಲ್ಲಿ ಸಂಘಿಯನ್ನು ಭೇಟಿಯಾಗಿದ್ದಾಗಿ ಪೋಸ್ಟ್!: ನಿಮ್ಮ ಕಣ್ಣು ಮತ್ತು ಮನಸ್ಸಿನ ಕಾಯಿಲೆಗೆ ಯಾವುದೇ ಚಿಕಿತ್ಸೆ ಇಲ್ಲ ಎಂದ ಸಿಐ

                                            

                 ಕೊಲ್ಲಂ: ಕಾಯಂಕುಳಂನ ಎಂಎಸ್‍ಎಂ ಕಾಲೇಜಿನಲ್ಲಿ ಓದುತ್ತಿರುವ ತಂಗಿಯನ್ನು ಕರೆದೊಯ್ಯಲು ತೆರಳಿದ ಯುವಕ ಹಾಗೂ ತಾಯಿಯನ್ನು ಪೋಲೀಸರು ವಶಕ್ಕೆ ಪಡೆದಿದ್ದಾರೆ ಎಂಬ ಆರೋಪದ ಬಗ್ಗೆ ಓಚಿರಾ ಸರ್ಕಲ್ ಇನ್ಸ್‍ಪೆಕ್ಟರ್ ವಿನೋದ್ ವಿವರಣೆ ನೀಡಿದ್ದಾರೆ.

                   ಚಾತನ್ನೂರು ಮೂಲದ ಅಫ್ಜಲ್ ಮಣಿ ಅವರ ಫೇಸ್‍ಬುಕ್ ಪೋಸ್ಟ್ ಪ್ರಕಾರ, ತಾಯಿ  ಹಿಜಾಬ್ ಧರಿಸಿದ್ದರಿಂದ ವಾಹನವನ್ನು ಹಾದುಹೋಗಲು ಪೋಲೀಸರು ಬಿಡಲಿಲ್ಲ. ‘ನಾನು ಕೇರಳ ಪೋಲೀಸರ ಸಂಘಿ  ಗ್ಯಾಂಗ್‍ನನ್ನೂ ಭೇಟಿಯಾದೆ’ ಎಂಬ ಶೀರ್ಷಿಕೆಯೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ಅಫ್ಜಲ್ ಪೋಸ್ಟ್ ಹಂಚಿಕೊಂಡಿದ್ದಾರೆ.

                   ಆದರೆ ಅಫ್ಜಲ್ ಆರೋಪ ನಿರಾಧಾರ ಎಂದು ಸಿಐ ವಿನೋದ್ ಹೇಳಿದ್ದಾರೆ. 'ಇಂದು ಲಾಕ್‍ಡೌನ್‍ಗೆ ಇದೇ ರೀತಿಯ ನಿರ್ಬಂಧಗಳಿದ್ದವು. ಆದ್ದರಿಂದ ಎಲ್ಲಾ ವಾಹನಗಳನ್ನು ಪರೀಕ್ಷಿಸಿ ಬಿಡುಗಡೆ ಮಾಡಲಾಗುತ್ತದೆ. ಕೊಲ್ಲಂ-ಆಲಪ್ಪುಳ ಗಡಿ ಪ್ರದೇಶವಾಗಿರುವುದರಿಂದ ಸಂಚಾರ ಕಟ್ಟುನಿಟ್ಟಾಗಿತ್ತು. ರೈಲು-ವಿಮಾನ ಟಿಕೆಟ್ ತೆಗೆದುಕೊಂಡವರು, ವಿವಾಹಕ್ಕೆ ಬಂದವರು, ಮರಣ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು  ಹೊರಟವರು ಹೀಗೆ ಅಗತ್ಯ ವಸ್ತುಗಳಿಗಷ್ಟೇ ಅನುಮತಿ ನೀಡಲಾಗಿತ್ತು. 

             ಆದರೆ ಅವರು ಐದು ವರ್ಷದ ಮಗುವಿನೊಂದಿಗೆ ಬಂದಿದ್ದರು. ಕಾಲೇಜಿನಿಂದ ತಂಗಿಯನ್ನು ಕರೆದುಕೊಂಡು ಬರುವುದಾಗಿ ಹೇಳಿದ. ನಿನ್ನೆಯೂ ರಜೆ ಇತ್ತು. ಅವರು ನಿನ್ನೆ ಕರೆತರಬಹುದಿತ್ತು. ಯಾವುದೇ ತುರ್ತು ಅಗತ್ಯವಿಲ್ಲ ಎಂದು ಹಿಂತಿರುಗಲು ಹೇಳಿದೆ.  ಅಥವಾ ನಾಳೆ ಹೋಗಿ ಕರೆತರಲು ಸೂಚಸಿದೆ. 

                ನಾವು ಅಲಪ್ಪುಳ ಕಡೆಗೆ ತೆರಳಲು ಸಾಧ್ಯವಿಲ್ಲ ಎಂದು ಹೇಳಿದಾಗ, ಕಾರಿನಲ್ಲಿದ್ದ ಮಹಿಳೆ ಮುಸುಕು ಹಾಕಿದ್ದರಿಂದ ಗಡಿ ದಾಟಲು ಅವಕಾಶ ನಿರಾಕರಿಸುತ್ತಿರುವಿರಾ ಎಂದು ಕೇಳಿದರು. ನಿನ್ನ ಕಣ್ಣು-ಮನಸ್ಸಿನ ಕಾಯಿಲೆಗೆ ನನ್ನ ಬಳಿ ಔಷಧಿ ಇಲ್ಲ ಎಂದು ನಾನು ಹೇಳಿದ್ದೆ. ಆದರೆ ಏನು ಹೇಳಬೇಕೆಂದು ತಿಳಿಯುತ್ತಿಲ್ಲ. ಕೊನೆಗೆ ಆತ ಅಲ್ಲಿಂದ ಯಾರನ್ನೋ ಕರೆದಿದ್ದರಿಂದ ಮೇಲಧಿಕಾರಿಗಳು ಕರೆ ಮಾಡಿ ಅಲಪ್ಪುಳ ಕಡೆಗೆ ತೆರಳಲು ಸ|ಊಚಿಸಿದರು. ಆದರೆ, ಕೊರೋನಾ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ಅವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಎಂದು ಸಿಐ ವಿನೋದ್ ತಿಳಿಸಿದ್ದಾರೆ.