ದೆಹಲಿಯಲ್ಲಿ ಶೇ 90 ರಷ್ಟು ವಯಸ್ಕರಿಗೆ ಕೋವಿಡ್‌ ಮೊದಲ ಡೋಸ್‌ ಪೂರೈಕೆ

              ನವದೆಹಲಿ : ಕಳೆದ ಜನವರಿ 3 ರಿಂದ ಆರಂಭವಾದ ಲಸಿಕಾ ಅಭಿಯಾನದಲ್ಲಿ ಇದುವರೆಗೆ ರಾಜಧಾನಿ ನಗರದಲ್ಲಿ ಶೇ 90 ರಷ್ಟು 15 ರಿಂದ 18 ವಯಸ್ಸಿನ ವಯಸ್ಕರಿಗೆ ಕೋವಿಡ್‌ನ ಮೊದಲ ಡೋಸ್ ಪೂರೈಕೆ ಮಾಡಲಾಗಿದೆ ಎಂದು ಅಧಿಕೃತ ದತ್ತಾಂಶ ಮಾಹಿತಿ ನೀಡಿದೆ.

          ಫೆಬ್ರುವರಿ 24 ವರೆಗಿನ ಮಾಹಿತಿ ಪ್ರಕಾರ ಶೇ 54 ರಷ್ಟು ವಯಸ್ಕರು ಕೋವಿಡ್‌ನ ಎರಡನೇ ಡೋಸ್‌ ಪಡೆದಿರುವುದಾಗಿ ಈ ವಾರದ ಆರಂಭದಲ್ಲಿ ನಡೆದ ದೆಹಲಿ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಡಿಡಿಎಂಎ) ನಡೆಸಿದ ಸಭೆಯಲ್ಲಿ ಸಲ್ಲಿಸಿದ ದತ್ತಾಂಶದ ವರದಿಯಲ್ಲಿ ಉಲ್ಲೇಖಿಸಿದೆ.

           ದೆಹಲಿಯ ನೈರುತ್ಯ ಜಿಲ್ಲೆಯಲ್ಲಿ 1,22,717 ಅತಿಹೆಚ್ಚು ವಯಸ್ಕರು ಕೋವಿಡ್‌ನ ಮೊದಲ ಡೋಸ್‌, 74,881 ಎರಡನೇ ಡೋಸ್‌ ಲಸಿಕೆ ಪಡೆದಿದ್ದಾರೆ. ನಂತರ ವಾಯುವ್ಯ ಭಾಗದಲ್ಲಿ 1,17,560 ಮೊದಲ ಡೋಸ್‌, 65,617 ಮತ್ತು ಪಶ್ಚಿಮ ಭಾಗದಲ್ಲಿ 93,251 ವಯಸ್ಕರು ಮತ್ತು ನೈರುತ್ಯ ಭಾಗದಲ್ಲಿ 61,674 ವಯಸ್ಕರಿಗೆ ಎರಡನೇ ಡೋಸ್‌ ನೀಡಲಾಗಿದೆ ಎಂದು ದತ್ತಾಂಶ ಮಾಹಿತಿ ನೀಡಿದೆ.

            ವಯಸ್ಕರಿಗೆ ಲಸಿಕೆ ನೀಡಲು 20 ಶಾಲೆಗಳಲ್ಲಿ ತಾತ್ಕಾಲಿಕ ಲಸಿಕಾ ಕೇಂದ್ರಗಳನ್ನು ತೆರೆಯುವಂತೆ ದೆಹಲಿ ಸರ್ಕಾರವು ಅಧಿಕಾರಿಗಳಿಗೆ ನಿರ್ದೇಶನ ನೀಡಿತ್ತು.