ಏಪ್ರಿಲ್ 16 ರವರೆಗೆ ಎಎವೈ ಕಾರ್ಡ್‍ಗಳಿಗೆ ಹಳೆಯ ದರದಲ್ಲಿ ಸಬ್ಸಿಡಿ ಸೀಮೆಎಣ್ಣೆ

           ಕಾಸರಗೋಡು: ಮೊದಲ ತ್ರೈಮಾಸಿಕದಲ್ಲಿ ಏಪ್ರಿಲ್ ನಿಂದ ಜೂನ್ ವರೆಗೆ ಎಲ್ಲಾ ವರ್ಗದ ಕಾರ್ಡುದಾರರಿಗೆ ಮೂರು ತಿಂಗಳಿಗೊಮ್ಮೆ ಅರ್ಧ ಲೀಟರ್ ಸೀಮೆಎಣ್ಣೆ ವಿತರಿಸಲಾಗುವುದು. 2021-22ರ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದ ನಂತರ ಜಿಲ್ಲೆಗಳಲ್ಲಿ ಉಳಿದಿರುವ ಸೀಮೆಎಣ್ಣೆ ವಿತರಣೆಯನ್ನು ರೂ.53 ದರದಲ್ಲಿ ಎಎವೈ ಪಡಿತರದಾರರಿಗೆ ಮಾತ್ರ ಏಪ್ರಿಲ್ 16 ರವರೆಗೆ ವಿತರಿಸಲಾಗುತ್ತದೆ. ಪ್ರತಿ ಎಆರ್ ಡಿ ಕೇಂದ್ರಗಳಲ್ಲಿ ಲಭ್ಯವಿರುವ  ಸ್ಟಾಕ್‍ನ ಲಭ್ಯತೆಗೆ ಅನುಗುಣವಾಗಿ ವಿತರಣೆಯನ್ನು ಸರಿಹೊಂದಿಸಲಾಗುತ್ತದೆ ಎಂದು ಸಾರ್ವಜನಿಕ ವಿತರಣಾ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.