ಕಣ್ಣೂರಿಗೆ ಆಗಮಿಸಿದ ಕೆ.ವಿ.ಥಾಮಸ್: ಕೆಂಪು ಶಾಲು ಹೊದಿಸಿ ಸ್ವಾಗತ

                       ಕಣ್ಣೂರು: ಸಿಪಿಎಂ ಪಕ್ಷದ ಕಾಂಗ್ರೆಸ್‍ನಲ್ಲಿ ಪಾಲ್ಗೊಳ್ಳಲು ಕಾಂಗ್ರೆಸ್ ಮುಖಂಡ ಕೆವಿ ಥಾಮಸ್ ಕಣ್ಣೂರಿಗೆ ನಿನ್ನೆ ಸಂಜೆ ಆಗಮಿಸಿದರು.  ಥಾಮಸ್ ಅವರನ್ನು ಕಣ್ಣೂರು ವಿಮಾನ ನಿಲ್ದಾಣದಲ್ಲಿ ಎಂವಿ ಜಯರಾಜನ್ ಸೇರಿದಂತೆ ಸಿಪಿಎಂ ಮುಖಂಡರು ಮತ್ತು ಕಾರ್ಯಕರ್ತರು ಬರಮಾಡಿಕೊಂಡರು.

                     ಸ್ವಾಗತದ ವೇಳೆ ಥಾಮಸ್ ಅವರಿಗೆ ಕೆಂಪು ಶಾಲು ಹೊದಿಸಲಾಗಿತ್ತು. ಕೆಂಪು ಶಾಲು ಹೊದಿಸಿರುವ ಕುರಿತು ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಥಾಮಸ್ ಅವರು ಪಕ್ಷದ ಕಾಂಗ್ರೆಸ್‍ಗೆ ಬಂದಿದ್ದೇ ಹೊರತು ಪಕ್ಷಕ್ಕೆ ಅಲ್ಲ ಎಂದರು.

                      ಬಣ್ಣವನ್ನು ಲೆಕ್ಕಿಸದೆ ಶಾಲು ಧರಿಸಿದ್ದೇನೆ. ಮನೆಯಲ್ಲಿ ತಾವರೆ ಅರಳಿದಾಗ ಬಿಜೆಪಿಗೆ ಹೋಗುತ್ತಿದ್ದಾರೆ ಎಂಬ ಅಪಪ್ರಚಾರ ನಡೆದಿತ್ತು. ಎಂ.ವಿ.ಜಯರಾಜನ್ ಅವರು ಗೆಳೆಯರಂತೆ ಶಾಲು ಹೊದಿಸಿದರು ಎಂದರು.

                    ಕೆವಿ ಥಾಮಸ್ ವಿಚಾರ ಸಂಕಿರಣದಲ್ಲಿ ಪಾಲ್ಗೊಂಡರೆ ಅವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಕಾಂಗ್ರೆಸ್ ನಾಯಕತ್ವ ಹೇಳಿತ್ತು. ನಾಯಕತ್ವಕ್ಕೆ ಸವಾಲೆಸೆದ ಮಾಜಿ ಕೇಂದ್ರ ಸಚಿವರ ವಿರುದ್ಧ ಕೆಪಿಸಿಸಿ ಕ್ರಮ ಕೈಗೊಳ್ಳಬಹುದು ಎಂದು ಕಾಂಗ್ರೆಸ್ ಹೈಕಮಾಂಡ್ ಹೇಳಿತ್ತು. ವಿಚಾರ ಸಂಕಿರಣದಲ್ಲಿ ಪಾಲ್ಗೊಳ್ಳುವುದಾಗಿ ಹೇಳಿದ್ದ ಕೆ.ವಿ.ಥಾಮಸ್ ಕಾಂಗ್ರೆಸ್ ಪಕ್ಷದಿಂದ ತೀವ್ರ ಮುಖಭಂಗ ಅನುಭವಿಸಿದ್ದೇನೆ ಎಂದು ಬಹಿರಂಗವಾಗಿ ಹೇಳಿದ್ದರು.

                   ಕೆವಿ ಥಾಮಸ್ ಗೆ ಕಾಂಗ್ರೆಸ್ ತೊರೆಯಬೇಕಾದರೆ ಸಿಪಿಎಂ ಮುಕ್ತವಾಗಿ ಸ್ವಾಗತಿಸಲಿದೆ ಎಂದು ಕೊಡಿಯೇರಿ ಬಾಲಕೃಷ್ಣನ್ ಮೊನ್ನೆ ಸ್ಪಷ್ಟಪಡಿಸಿದ್ದರು.