ನವದೆಹಲಿ: ಭಾರತದಲ್ಲಿ ಗೂಗಲ್ ಮ್ಯಾಪ್ಸ್ ನಲ್ಲಿಯೇ ಟೋಲ್ ದರಗಳ ಮಾಹಿತಿಯನ್ನು ನೀಡಲು ಗೂಗಲ್ ಸಂಸ್ಥೆ ನಿರ್ಧರಿಸಿದೆ. ಯಾವ ಟೋಲ್ ಮಾರ್ಗದಲ್ಲಿ ನಿಗದಿತ ಸ್ಥಳ ತಲುಪಿದರೆ ಕಡಿಮೆ ವೆಚ್ಚ ತಗುಲುತ್ತದೆ ಎನ್ನುವ ಸಜೆಷನ್ ಅನ್ನೂ ಗೂಗಲ್ ಮ್ಯಾಪ್ಸ್ ನೀಡಲಿದೆ.
ಮುಂದಿನ ಗೂಗಲ್ ಮ್ಯಾಪ್ಸ್ ಅಪ್ ಡೇಟ್ ವೇಳೆಗೆ ಅಂದರೆ ಈ ತಿಂಗಳು ಈ ಹೊಸ ಸವಲತ್ತನ್ನು ಸೇರಿಸಲಾಗಿರುತ್ತದೆ. ಗೂಗಲ್ ಮ್ಯಾಪ್ಸ್ ಆಪ್ ಅನ್ನು ಅಪ್ಡೇಟ್ ಮಾಡುವ ಮೂಲಕ ಬಳಕೆದಾರರು ಈ ಸವಲತ್ತನ್ನು ತಮ್ಮ ಮೊಬೈಲಿನಲ್ಲೇ ಪಡೆಯಬಹುದು.
ಮೊದಲ ಹಂತದಲ್ಲಿ ಭಾರತ, ಅಮೆರಿಕ, ಜನಾನ್ ಮತ್ತು ಇಂಡೊನೇಷ್ಯಾ ದೇಶಗಳಲ್ಲಿ ಟೋಲ್ ಮಾಹಿತಿ ನೀಡಿಕೆ ಸವಲತ್ತನ್ನು ಗೂಗಲ್ ಜಾರಿಗೊಳಿಸುತ್ತಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಿನ ದೇಶಗಳಿಗೆ ಈ ಸೇವೆಯನ್ನು ವಿಸ್ತರಿಸಲಿದೆ.