ವರ್ಷದ ಎರಡನೇ ತಿಂಗಳ ಫೆಬ್ರವರಿಗೆ ಕಾಲಿಡುತ್ತಿದ್ದೇವೆ. ಪಂಚಾಂಗದ ಪ್ರಕಾರ, ಫೆಬ್ರವರಿ ತಿಂಗಳು ಮಾಘ ಮಾಸದ ಶುಕ್ಲ ಪಕ್ಷ ಏಕಾದಶಿ ತಿಥಿಯಿಂದ ಪ್ರಾರಂಭವಾಗಿ, ಫಾಲ್ಗುಣ ಮಾಸದ ಶುಕ್ಲ ಪಕ್ಷದ ನವಮಿ ತಿಥಿಯೊಂದಿಗೆ ಕೊನೆಗೊಳ್ಳುತ್ತದೆ.
ಆದ್ದರಿಂದ ಈ ತಿಂಗಳಲ್ಲಿ ಮಾಘ ಪೂರ್ಣಿಮೆ, ಮಹಾಶಿವರಾತ್ರಿ, ಜಯ ಏಕಾದಶಿಯಂತಹ ಅನೇಕ ಹಬ್ಬ, ವ್ರತಗಳನ್ನು ಆಚರಣೆ ಮಾಡಲಾಗುತ್ತದೆ. ಇದರ ಜೊತೆಗೆ ಇನ್ನೂ ಅನೇಕ ಹಬ್ಬಗಳು ಹಾಗೂ ವ್ರತಗಳ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಫೆಬ್ರವರಿ 2023 ರಲ್ಲಿರುವ ಹಬ್ಬಗಳು ಹಾಗೂ ವ್ರತಗಳ ಪಟ್ಟಿಯನ್ನು ಈ ಕೆಳಗೆ ನೀಡಲಾಗಿದೆ:
2 ಫೆಬ್ರವರಿ 2023, ಗುರುವಾರ ಗುರು ಪ್ರದೋಷ ವ್ರತ: ಈ ಮಾಸದಲ್ಲಿ ಗುರುವಾರದಂರು ಪ್ರದೋಷ ವ್ರತ ಬಂದಿದ್ದು, ಇದನ್ನು ಗುರು ಪ್ರದೋಷ ವ್ರತ ಎಂದು ಕರೆಯಲಾಗುತ್ತದೆ.
ಮಾಘ ಪೂರ್ಣಿಮೆಯ ಮಹತ್ವ ಏನೆಂದರೆ ಈ ದಿನ ಗಂಗಾನದಿಯಲ್ಲಿ ಸ್ನಾನ ಮಾಡುವುದರಿಂದ ಮನುಷ್ಯ ರೋಗಗಳಿಂದ ಮುಕ್ತನಾಗುತ್ತಾನೆ. ಈ ದಿನ ಎಳ್ಳನ್ನು ದಾನ ಮಾಡುವುದರಿಂದ ಜೀವನದ ಎಲ್ಲಾ ತೊಂದರೆಗಳು ದೂರವಾಗುತ್ತವೆ. ಒಬ್ಬರನ್ನೊಬ್ಬರು ಪ್ರೀತಿಸಲು ಮತ್ತು ಭಕ್ತಿಯ ಮಾರ್ಗವನ್ನು ಅನುಸರಿಸಲು ಕಲಿಸಿದ ಸಂತ ರವಿದಾಸರ ಜನ್ಮದಿನವನ್ನು ಈ ದಿನ ಆಚರಿಸಲಾಗುತ್ತದೆ.
ಇದು ಫಾಲ್ಗುಣ ಮಾಸದ ಸಂಕಷ್ಟಿ ಚತುರ್ಥಿ ಆಗಿರುತ್ತದೆ, ಈ ದಿನ ಗಣಪತಿಯ ವಿಶೇಷ ಪೂಜೆ ಮಾಡಲಾಗುತ್ತದೆ. ಇದರಿಂದ ಸಂತೋಷ, ಸಮೃದ್ಧಿ ನೆಲೆಸುತ್ತದೆ ಮತ್ತು ತೊಂದರೆಗಳು ಮತ್ತು ಅಡೆತಡೆಗಳು ದೂರವಾಗುತ್ತವೆ ಎಂದು ನಂಬಿಕೆಯಿದೆ.
12 ಫೆಬ್ರವರಿ 2023 ಭಾನುವಾರ ಯಶೋದಾ ಜಯಂತಿ:
ಶ್ರೀಕೃಷ್ಣನ ತಾಯಿ ಯಶೋದೆಯ ಜನ್ಮದಿನವನ್ನು ಈ ದಿನ ಆಚರಿಸಲಾಗುತ್ತದೆ. ಯಶೋದೆಯನ್ನು
ಪೂಜಿಸುವುದರಿಂದ ವ್ಯಕ್ತಿಯ ಜೀವನದಲ್ಲಿ ಅದೃಷ್ಟ ಬರುತ್ತದೆ ಎಂಬುದು ಧಾರ್ಮಿಕ
ನಂಬಿಕೆಯಾಗಿದೆ.
13 ಫೆಬ್ರವರಿ 2023 ಸೋಮವಾರ: ಕುಂಭ ಸಂಕ್ರಾಂತಿ, ಶಬರಿ ಜಯಂತಿ, ಕಾಲಷ್ಟಮಿ:
ಸೂರ್ಯನು ಪ್ರತಿ ತಿಂಗಳು ತನ್ನ ರಾಶಿಯನ್ನು ಬದಲಾಯಿಸುತ್ತಾನೆ, ಫೆಬ್ರವರಿಯಲ್ಲಿ ಸೂರ್ಯ
ಮಕರ ರಾಶಿಯನ್ನು ತೊರೆದು ಕುಂಭ ರಾಶಿಯನ್ನು ಪ್ರವೇಶಿಸುತ್ತಾನೆ. ಈ ದಿನದಂದು ಶಿವನನ್ನು
ಕಾಲಭೈರವನ ಉಗ್ರ ರೂಪದಲ್ಲಿ ಪೂಜಿಸಲಾಗುತ್ತದೆ, ಅವನನ್ನು ಪೂಜಿಸುವುದರಿಂದ ಶತ್ರುಗಳ
ಮೇಲೆ ವಿಜಯ ತಂದು ಕೊಡುತ್ತದೆ.
17 ಫೆಬ್ರವರಿ 2023 ಶುಕ್ರವಾರ ವಿಜಯ ಏಕಾದಶಿ:
ಈ ಮಹಾನ್ ಪುಣ್ಯ ವ್ರತವನ್ನು ಆಚರಿಸುವುದರಿಂದ, ಒಬ್ಬ ವ್ಯಕ್ತಿಯು ವಾಜಪೇಯಿ ಯಾಗದ
ಫಲವನ್ನು ಪಡೆಯುತ್ತಾನೆ. ವಿಜಯ ಏಕಾದಶಿ ತನ್ನ ಹೆಸರಿನ ಪ್ರಕಾರ ಶತ್ರುಗಳ ವಿರುದ್ಧ
ವಿಜಯವನ್ನು ನೀಡುತ್ತದೆ.
18 ಫೆಬ್ರವರಿ 2023 ಶನಿವಾರ ಮಹಾಶಿವರಾತ್ರಿ, ಮಾಸಿಕ ಶಿವರಾತ್ರಿ, ಪ್ರದೋಷ ವ್ರತ, ಶನಿ ತ್ರಯೋದಶಿ:
ಮಹಾಶಿವರಾತ್ರಿ ಹಬ್ಬವು ಶಿವ ಮತ್ತು ಶಕ್ತಿಯ ಭೇಟಿಯ ದಿನವಾಗಿದೆ. ಪುರಾಣಗಳ ಪ್ರಕಾರ, ಈ
ದಿನ ತಾಯಿ ಪಾರ್ವತಿ ಮತ್ತು ಭಗವಾನ್ ಶಿವನ ವಿವಾಹವು ನಡೆದಿದ್ದು, ಅತ್ಯಂತ ಮಹತ್ವವನ್ನು
ಪಡೆದಿದೆ. ಜೊತೆಗೆ ಈ ದಿನ 12 ಜ್ಯೋತಿರ್ಲಿಂಗಗಳು ಕಾಣಿಸಿಕೊಂಡಿವೆ ಎಂಬ ನಂಬಿಕೆ ಕೂಡ
ಇದೆ.
20 ಫೆಬ್ರವರಿ 2023 ಸೋಮವಾರ ಸೋಮಾವತಿ ಅಮವಾಸ್ಯೆ:
ಸೋಮವಾರದಂದು ಅಮವಾಸ್ಯೆಯ ತಿಥಿ ಬರುವ ದಿನವನ್ನು ಸೋಮಾವತಿ ಅಮಾವಾಸ್ಯೆ ಎಂದು
ಕರೆಯಲಾಗುತ್ತದೆ. ಈ ದಿನದಂದು ವಿವಾಹಿತ ಮಹಿಳೆಯರು ಅಶ್ವತ್ಥಮರವನ್ನು ಪೂಜಿಸುತ್ತಾರೆ
ಮತ್ತು ತಮ್ಮ ಗಂಡನ ದೀರ್ಘಾಯುಷ್ಯಕ್ಕಾಗಿ ಉಪವಾಸ ಮಾಡುತ್ತಾರೆ. ಸೋಮಾವತಿ ಮತ್ತು ಶನಿ
ಅಮಾವಾಸ್ಯೆಯನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.
21 ಫೆಬ್ರವರಿ ಮಂಗಳವಾರ ರಾಮಕೃಷ್ಣ ಜಯಂತಿ:
ಈ ದಿನವನ್ನು ರಾಮಕೃಷ್ಣ ಪರಮಹಂಸರ ಜಯಂತಿಯ ದಿನವನ್ನಾಗಿ ದೇಶದಾದ್ಯಂತ ಆಚರಣೆ ಮಾಡಲಾಗುತ್ತದೆ.
23 ಫೆಬ್ರವರಿ 2023 ಗುರುವಾರ ವಿನಾಯಕ ಚತುರ್ಥಿ
25 ಫೆಬ್ರವರಿ ಶನಿವಾರ ಸ್ಕಂದ ಷಷ್ಠಿ
27 ಫೆಬ್ರವರಿ 2023 ಸೋಮವಾರ ಹೋಲಾಷ್ಟಕ ಪ್ರಾರಂಭ, ಮಾಸಿಕ ದುರ್ಗಾಷ್ಟಮಿ, ರೋಹಿಣಿ ಉಪವಾಸ:
ಹೋಳಿಗೆ ಎಂಟು ದಿನಗಳ ಮೊದಲು ಹೋಲಾಷ್ಟಕ ನಡೆಯುತ್ತದೆ. ಈ ಬಾರಿ ಹೋಳಿ ಮಾರ್ಚ್ 7, 2023
ರಂದು ನಡೆಯಲಿದ್ದು, ಈ ಹೋಲಾಷ್ಟಕ್ ಮಾರ್ಚ್ 6 ರವರೆಗೆ ಮುಂದುವರಿಯುತ್ತದೆ. ಈ
ಅವಧಿಯಲ್ಲಿ ಯಾವುದೇ ಶುಭ ಕಾರ್ಯಗಳು ನಡೆಯುವುದಿಲ್ಲ