ಬಡವರ ಮಡಕೆಗೆ ಕೈ ಹಾಕಿದ ಸ್ಥಳೀಯ ಜನಪ್ರತಿನಿಧಿಗಳು! ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ವಂಚನೆ: 9 ಸದಸ್ಯರಿಂದ 1.68 ಲಕ್ಷ ವಂಚನೆ!

               ತಿರುವನಂತಪುರ: ಮಹಾತ್ಮಾ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆ(ಎನ್.ಆರ್.ಇ.ಜಿ)ಯನ್ನು ಸ್ಥಳೀಯ ಜನಪ್ರತಿನಿಧಿಗಳು ಬಡವರ ಬವಣೆಯಲ್ಲಿ ಕೈತೊಳೆಯುತ್ತಿರುವುದು ಇಂದುನಿನ್ನೆಯದಲ್ಲ.
              ಗ್ರಾಮೀಣ ಪ್ರದೇಶದ ಕೌಶಲ ರಹಿತ ಕಾರ್ಮಿಕರಿಗೆ ಉದ್ಯೋಗ ಕಲ್ಪಿಸುವ ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯನ್ನು ಬುಡಮೇಲುಗೊಳಿಸುವ ಮೂಲಕ ರಾಜ್ಯದಲ್ಲಿ ಪಂಚಾಯಿತಿ ಸದಸ್ಯರು ಅಟ್ಟಹಾಸ ಮೆರೆದಿದ್ದಾರೆ ಎಂಬ ಮಾಹಿತಿ ಸರ್ಕಾರಕ್ಕೆ ಲಭಿಸಿದೆ.
             ಹಿಂದಿನ ವರ್ಷಗಳಲ್ಲಿ ವಿವಿಧ ಜಿಲ್ಲೆಗಳಿಂದ ಬಂದ ದೂರುಗಳಲ್ಲಿ ಒಬ್ಬರು ಅಥವಾ ಇಬ್ಬರು ಆರೋಪಿಗಳಾಗಿದ್ದು, ಇತ್ತೀಚಿನ ಪ್ರಕರಣದಲ್ಲಿ ಪಂಚಾಯಿತಿಯ ಒಂಬತ್ತು ಸದಸ್ಯರು 1.68 ಲಕ್ಷ ರೂಪಾಯಿ ಸುಲಿಗೆ ಮಾಡಿರುವುದು ಪತ್ತೆಯಾಗಿದೆ. ಇದರೊಂದಿಗೆ ರಾಜ್ಯಾದ್ಯಂತ ಉದ್ಯೋಗ ಖಾತ್ರಿ ಯೋಜನೆಯ ಫಲಾನುಭವಿಗಳ ಪರಿಶೀಲನೆಗೆ ತೀವ್ರ ಆಗ್ರಹ ವ್ಯಕ್ತವಾಗಿದೆ.
             ತಿರುವನಂತಪುರಂ ಪೂವಾಚಲ ಪಂಚಾಯತಿಯಲ್ಲಿ ನಡೆದಿರುವ ಹಗರಣದಲ್ಲಿ ಸಿಪಿಎಂ, ಸಿಪಿಐ, ಕಾಂಗ್ರೆಸ್ ಮತ್ತು ಬಿಜೆಪಿಯಂತಹ ಪಕ್ಷಗಳ ಸದಸ್ಯರು ಶಾಮೀಲಾಗಿದ್ದರಿಂದ ಘಟನೆ ಹೊರಬಿದ್ದಿಲ್ಲ. ಸಿಪಿಎಂ ಸದಸ್ಯರಾದ ಶೀಬಾ ಒ, ರಶ್ಮಿ ಜಿ.ಆರ್, ಅಜಿತಾ ಕೆ.ಆರ್, ಬಿಂದು ವಿ, ಸಿಪಿಐ ಸದಸ್ಯೆ ಶಮೀಮಾ ಕೆ.ಎಸ್, ಕಾಂಗ್ರೆಸ್ ಸದಸ್ಯರಾದ ಸೌಮ್ಯ ಜೋಸ್, ಅನುಪ್ ಆರ್, ಬಿಜೆಪಿ ಪ.ಸದಸ್ಯರಾದ ಅಶ್ವತಿ ಬಿ.ಕೆ ಮತ್ತು ಅಖಿಲಾ ವಿ ವಿರುದ್ಧ ಗಂಭೀರ ಆರೋಪಗಳಿವೆ.
            ಬಡವರಿಗೆ ನೀಡಬೇಕಾದ 569 ದಿನಗಳ ಕೆಲಸವನ್ನು ಒಂಬತ್ತು ಸದಸ್ಯರು ಕದ್ದಿದ್ದಾರೆ. ಪ್ರತಿಯೊಬ್ಬರು ಯಾವುದೇ ಕೆಲಸ ಮಾಡದೆ ಕೂಲಿಯಾಗಿ 10ರಿಂದ 27 ಸಾವಿರ ರೂ.ವರೆಗೆ ಪಡೆದಿದ್ದಾರೆ.  ಅಕ್ಟೋಬರ್ 1, 2021 ರಿಂದ ಮಾರ್ಚ್ 31, 2022 ರ ಅವಧಿಯಲ್ಲಿ ನಡೆಸಿದ ಚಟುವಟಿಕೆಗಳ ಸಾಮಾಜಿಕ ಲೆಕ್ಕಪರಿಶೋಧನಾ ವರದಿಯಲ್ಲಿ ಗಂಭೀರವಾದ ಲೋಪ, ವಂಚನೆಗಳು ಪತ್ತೆಯಾಗಿದೆ.
           ವರದಿಯ ಮೇಲಿನ ಕ್ರಮವು ಸದಸ್ಯರ ಅನರ್ಹತೆಗೆ ಕಾರಣವಾಗುತ್ತದೆ. ಹಾಗಾಗಿ ಸರಕಾರದ ಪರಿಗಣನೆಯಲ್ಲಿರುವ ವರದಿಯನ್ನು ಕಬಳಿಸಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.
            ವಂಚನೆಯ ಮಾರ್ಗಗಳು ಕೆಳಕಂಡಂತಿವೆ - ಪಂಚಾಯತ್ ಸದಸ್ಯರಿಗೆ ಉದ್ಯೋಗ ಖಾತ್ರಿ ಯೋಜನೆಯ ಭಾಗವಾಗಲು ಯಾವುದೇ ಕಾನೂನು ನಿಬರ್ಂಧವಿಲ್ಲ. ಇದನ್ನು ಮರೆಮಾಚುವ ಮೂಲಕ ಸದಸ್ಯರು ತಮ್ಮ ಹೆಸರನ್ನು ಉದ್ಯೋಗಾಕಾಂಕ್ಷಿಗಳ ಪಟ್ಟಿಯಲ್ಲಿ ಸೇರಿಸುತ್ತಾರೆ. ಕಾನೂನಿನ ಪ್ರಕಾರ ಮಸ್ಟರಿಂಗ್ ಸೇರಿದಂತೆ ಪೂರ್ಣಗೊಳಿಸಲಾಗುತ್ತದೆ.
           ಕೆಲಸದ ದಿನಗಳಲ್ಲಿ ಪಂಚಾಯತ್ ಸದಸ್ಯರು ಬೆಳಿಗ್ಗೆ 9 ರಿಂದ ಸಂಜೆ 5 ರವರೆಗೆ ಕೆಲಸದಲ್ಲಿ ಇರಬೇಕಾದ ಅಗತ್ಯವಿಲ್ಲ. ಪ್ರತಿ ಕೆಲಸದ ಸ್ಥಳದಲ್ಲಿ ಕಾರ್ಯಾಚರಣೆಯನ್ನು ಮೇಲ್ವಿಚಾರಣೆ ಮಾಡಲು ನಿಯೋಜಿಸಲಾದ ಮೇಲ್ವಿಚಾರಕನ ಮೇಲೆ ಪ್ರಭಾವ ಬೀರುವ ಮೂಲಕ ಎಲ್ಲರೂ ಕೆಲಸದ ಸ್ಥಳದಲ್ಲಿ ಹಾಜರಿದ್ದರು ಎಂಬ ವರದಿಯನ್ನು ಸಹ ನೀಡಲಾಗುವುದು.
           ಪಂಚಾಯಿತಿ ಸದಸ್ಯರಾಗಿರುವುದರಿಂದ ಮೇಲ್ವಿಚಾರಕರು ಅಡ್ಡಿಮಾಡುವಂತಿಲ್ಲ. ಸಾಮಾಜಿಕ ಲೆಕ್ಕ ಪರಿಶೋಧನಾ ವರದಿಗೆ ಪೂವಾಚಲ ಪಂಚಾಯಿತಿ ಸದಸ್ಯರು ಆರಂಭದಲ್ಲಿ ವಿರೋಧ ವ್ಯಕ್ತಪಡಿಸಿದ್ದರೂ, ಅದೇ ಸದಸ್ಯರು ಪಂಚಾಯಿತಿ ಸಭೆ ಮತ್ತು ಸ್ಟ್ರಾಂಡಿಂಗ್ ಕಮಿಟಿ ಸಭೆಯ ದಿನಗಳಲ್ಲಿ ಹಾಜರಾತಿ ಖಾತರಿಗೆ ಸಹಿ ಹಾಕಿದರು.
             ಅವರು ಅದೇ ದಿನ ಸಭೆಗೆ ಹಾಜರಾಗಿ ಸಿಟ್ಟಿಂಗ್ ಶುಲ್ಕವನ್ನು ಪಡೆದರು. ಇದೇ ಸದಸ್ಯರು ಪಂಚಾಯಿತಿಗೆ ವ್ಯಾಪಾರ ವಹಿವಾಟು ನಡೆಸಿ ಯಾತ್ರಾಭತ್ತೆಯನ್ನೂ ಪಡೆದು ಉದ್ಯೋಗ ಖಾತ್ರಿ ಕೂಲಿಯನ್ನೂ ಪಡೆದಿರುವುದು ಪತ್ತೆಯಾಗಿದೆ. ರಾಜ್ಯಾದ್ಯಂತ ಹಲವು ಪಂಚಾಯತಿಗಳಲ್ಲಿ ಇದೇ ರೀತಿಯ ವಂಚನೆಗಳು ನಡೆಯುವ ಸಾಧ್ಯತೆಯಿದ್ದು ಪರಿಶೀಲನೆಗೊಳಪಡಿಸುವ ಸಾಧ್ಯತೆ ಇದೆ.