ಮತ್ತೆ ಕಣ್ಣಾಮುಚ್ಚಾಲೆ ಆಡುತ್ತಿರುವ ಆರೋಗ್ಯ ಇಲಾಖೆ; ರಾಜ್ಯದ ಜ್ವರ ಸಾವುಗಳ ಅಂಕಿಅಂಶದಲ್ಲಿ ವ್ಯಾಪಕ ಅವ್ಯವಹಾರ

                     ತಿರುವನಂತಪುರಂ: ರಾಜ್ಯದಲ್ಲಿ ಜ್ವರ ಸಾವಿನಲ್ಲಿ ವ್ಯಾಪಕ ಅವ್ಯವಹಾರ ನಡೆದಿದೆ. ಆರೋಗ್ಯ ಇಲಾಖೆ ನಿಖರವಾದ ಅಂಕಿಅಂಶಗಳನ್ನು ಬಿಡುಗಡೆ ಮಾಡಿಲ್ಲ ಎಂಬ ಅಪಸ್ವರ ಕೇಳಿಬಂದಿದೆ.

                 ಪ್ರತಿದಿನ ಹೆಚ್ಚಿನ ಸಾವುಗಳು ವರದಿಯಾಗುತ್ತಿದ್ದರೂ, ಸಂಖ್ಯೆ ಕಡಿಮೆಮಾಡಿ  ಅಧಿಕೃತ ವೆಬ್‍ಸೈಟ್‍ನಲ್ಲಿ ಪ್ರಕಟಿಸಲಾಗಿದೆ.

              ರಾಜ್ಯದಲ್ಲಿ ಜ್ವರ ಪೀಡಿತರ ಸಂಖ್ಯೆ ಬಿಡುಗಡೆ ಮಾಡುವಲ್ಲಿ ಆರೋಗ್ಯ ಇಲಾಖೆ ಕಣ್ಣಾಮುಚ್ಚಾಲೆ ಆಡುತ್ತಿದೆ ಎಂಬ ಸುದ್ದಿ ಈಗಾಗಲೇ ಕೇಳಿಬಂದಿತ್ತು. ಬಳಿಕ ಸಾವನ್ನು ಪ್ರಕಟಿಸುವುದರಲ್ಲಿಯೂ ಅಸ್ಪಷ್ಟತೆ ಇದೆ. ಆರೋಗ್ಯ ಇಲಾಖೆಯ ಅಧಿಕೃತ ವೆಬ್‍ಸೈಟ್‍ನಲ್ಲಿ ಪ್ರತಿ ಜಿಲ್ಲೆಯ ನಿಖರವಾದ ಅಂಕಿ ಅಂಶವನ್ನು ಪ್ರಕಟಿಸಲಾಗಿಲ್ಲ. ನಿನ್ನೆ, ರಾಜ್ಯದಲ್ಲಿ ಆರು ಸಾವುಗಳು ವರದಿಯಾಗಿವೆ, ಆದರೆ ಆರೋಗ್ಯ ಇಲಾಖೆ ಈ ಸಂಖ್ಯೆಯನ್ನು ಕಡಿಮೆ ಮಾಡಿದೆ.

            ಸಾಂಕ್ರಾಮಿಕ ರೋಗದ ನಿಖರ ಮಾಹಿತಿಯ ಬಗ್ಗೆ ಮಾಧ್ಯಮಗಳ ಮುಂದೆ ಒಂದು ಮಾತೂ ಮಾತನಾಡದಂತೆ ಆರೋಗ್ಯ ಇಲಾಖೆಯಿಂದ ಜಿಲ್ಲಾ ವೈದ್ಯಾಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ ಎಂಬ ಸುದ್ದಿ ಹೊರಬಿದ್ದಿದೆ. ಸ್ವಚ್ಛತಾ ಕಾರ್ಯದಲ್ಲಿ ಸರ್ಕಾರ ವಿಫಲವಾಗಿರುವುದೇ ಸಾಂಕ್ರಾಮಿಕ ರೋಗದ ತೀವ್ರತೆಗೆ ಕಾರಣ. ರೋಗಿಗಳ ಸಂಖ್ಯೆಯಲ್ಲಿ ಭಾರೀ ಏರಿಕೆ ಟೀಕೆಗಳನ್ನು ತೀವ್ರಗೊಳಿಸುತ್ತದೆ ಎಂಬ ಕಾರಣಕ್ಕೆ ನಿಖರವಾದ ಅಂಕಿಅಂಶಗಳನ್ನು ಬಿಡುಗಡೆ ಮಾಡದೆ ಸರ್ಕಾರ ಕಣ್ಣಾಮುಚ್ಚಾಲೆ ಆಡುತ್ತಿದೆ. ಇದರೊಂದಿಗೆ ರಾಜ್ಯದಲ್ಲಿ ಜ್ವರ ಪೀಡಿತರ ಸಂಖ್ಯೆ ಯಥಾಸ್ಥಿತಿಯಲ್ಲಿರುವುದು ತೀವ್ರ ಕಳವಳಕಾರಿಯಾಗಿದೆ. ವೈರಲ್ ಜ್ವರದ ಜೊತೆಗೆ ಎಚ್1ಎನ್1 ಮತ್ತು ಇಲಿ ಜ್ವರ ಕೂಡ ತೀವ್ರ ಆತಂಕಕ್ಕೆ ಕಾರಣವಾಗುತ್ತಿದೆ.