ಕೇರಳ ಆರ್‍ಟಿಸಿ ಕೊರಿಯರ್ ಪಾರ್ಸೆಲ್ ಸೇವೆಗಳ ಆರಂಭ

 

             ಕಾಸರಗೋಡು: ಕೇರಳ ರಸ್ತೆಸಾರಿಗೆ ನಿಗಮ(ಕೆಎಸ್ಸಾರ್ಟಸಿ) ವತಿಯಿಂದ ಕೊರಿಯರ್ ಪಾರ್ಸೆಲ್ ಸೇವೆಗಳನ್ನು ಆರಂಭಿಸಿದೆ. ಕೆಎಸ್‍ಆರ್‍ಟಿಸಿ ಕೊರಿಯರ್ ಸೇವೆಯು ಕೇರಳದಲ್ಲಿ ಕಡಿಮೆ ವೆಚ್ಚದಲ್ಲಿ ಪಾರ್ಸೆಲ್‍ಗಳನ್ನು ತ್ವರಿತವಾಗಿ ತಲುಪಿಸುವ ಯೋಜನೆಯಾಗಿದೆ.

             ಜಿಲ್ಲಾ ಕೇಂದ್ರ ಹಾಗೂ ಪ್ರಮುಖ ಡಿಪೆÇೀಗಳಲ್ಲಿ ಈ ಸೇವೆ ಲಭ್ಯವಾಗಲಿದೆ. ಕೊರಿಯರ್ ಕೌಂಟರ್‍ಗಳು ದಿನದ 24 ಗಂಟೆಯೂ ತೆರೆದಿರಲಿದ್ದು,  ಕೊರಿಯರ್‍ಗಳು ಮತ್ತು ಪಾರ್ಸೆಲ್‍ಗಳನ್ನು ಕೇರಳದ ಎಲ್ಲಿಗೆ ಬೇಕಾದರೂ 16 ಗಂಟೆಗಳ ಒಳಗೆ ತಲುಪಿಸುವ ವ್ಯವಸ್ಥೆ ಇದಾಗಿದೆ. ಕೊರಿಯರ್ ಮತ್ತು ಪಾರ್ಸೆಲ್ ಅನ್ನು ಸರಿಯಾಗಿ ಪ್ಯಾಕ್ ಮಾಡುವ ಮೂಲಕ ಸಾಕಷ್ಟು ಗುರುತಿನ ಚೀಟಿಯೊಂದಿಗೆ ಡಿಪೆÇೀಗೆ ಆಗಮಿಸಿ ಸೇವೆಯನ್ನು ಪಡೆಯಬಹುದಾಗಿದೆ. ಬೆಂಗಳೂರು, ಮೈಸೂರು, ಕೊಯಮತ್ತೂರು, ತೆಂಕಾಶಿ, ನಾಗರಕೋಯಿಲ್ ಮುಂತಾದ ಸ್ಥಳಗಳಲ್ಲಿಯೂ ಈ ಸೇವೆ ಲಭ್ಯವಿದೆ. ಸಾರ್ವಜನಿಕ ವಲಯದ  ಮತ್ತು ಖಾಸಗಿ ಸಂಸ್ಥೆಗಳಿಗೂ ಕೇರಳ ಆರ್‍ಟಿಸಿ ಕೊರಿಯರ್ ಸೇವೆಯನ್ನು ಬಳಸಿಕೊಳ್ಳಬಹುದಾಘಿದೆ.