ತಿರುವನಂತಪುರಂ: ದೇಶದ ಮೊದಲ ಸೌರ ಮಿಷನ್ ಆದಿತ್ಯ ಎಲ್-1 ಜನವರಿ ಮಧ್ಯದ ವೇಳೆಗೆ ಲಗ್ರೇಂಜ್ ಪಾಯಿಂಟ್ ತಲುಪಲಿದೆ ಎಂದು ಇಸ್ರೋ ಅಧ್ಯಕ್ಷ ಎಸ್.ಸೋಮನಾಥ್ ಹೇಳಿದ್ದಾರೆ.
ಪ್ರಸ್ತುತ ಶೋಧಕವು ಕಾರ್ಯನಿರ್ವಹಿಸುತ್ತಿದ್ದು, ಭೂಮಿಯಿಂದ ಎಲ್1 ಬಿಂದುವನ್ನು ತಲುಪಲು ಸುಮಾರು 110 ದಿನಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಅವರು ಹೇಳಿದರು. ಆದಿತ್ಯ ಎಲ್ 1 ಲಗ್ರೇಂಜ್ ಪಾಯಿಂಟ್ ತಲುಪಿದ ನಂತರ ಅದನ್ನು ಹಾಲೋ ಆರ್ಬಿಟ್ಗೆ ಸೇರಿಸಲಾಗುವುದು ಮತ್ತು ಇದು ಕೂಡ ಜನವರಿಯಲ್ಲಿ ಸಂಭವಿಸುತ್ತದೆ ಎಂದು ಅವರು ಸ್ಪಷ್ಟ್ಟಪಡಿಸಿದರು.
ಸೆಪ್ಟೆಂಬರ್ 2 ರಂದು ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಇಸ್ರೋ ಬಾಹ್ಯಾಕಾಶ ನೌಕೆಯನ್ನು ಉಡಾವಣೆ ಮಾಡಲಾಗುವುದು. ಸೂರ್ಯನನ್ನು ಮತ್ತು ಭೂಮಿಯ ಮೇಲೆ ಅದು ಉಂಟುಮಾಡುವ ವ್ಯತ್ಯಾಸಗಳನ್ನು ಅಧ್ಯಯನ ಮಾಡುವುದು ಮಿಷನ್ ನ ಲಕ್ಷ್ಯವಾಗಿದೆ. ಆದಿತ್ಯ ಎಲ್.1 ಏಳು ಪೇಲೋಡ್ಗಳನ್ನು ಹೊಂದಿದೆ. ಇವುಗಳಲ್ಲಿ ನಾಲ್ಕು ಸೂರ್ಯನ ಬೆಳಕನ್ನು ಮೇಲ್ವಿಚಾರಣೆ ಮಾಡುತ್ತದೆ, ಉಳಿದವು ವಾತಾವರಣದಲ್ಲಿನ ಬದಲಾವಣೆಗಳು ಸೇರಿದಂತೆ ವಿವಿಧ ವಿಷಯಗಳನ್ನು ನಿರ್ಣಯಿಸುತ್ತದೆ.
ಎಲ್.1 ಪಾಯಿಂಟ್ ಭೂಮಿಯಿಂದ ಸುಮಾರು 15 ಲಕ್ಷ ಕಿ.ಮೀ.ದೂರದಲ್ಲಿದೆ. ಈ ಸೂರ್ಯನ ಹೊರಗಿನ ವಾತಾವರಣವನ್ನು ಅಧ್ಯಯನ ಮಾಡುತ್ತದೆ ಮತ್ತು ಸೂರ್ಯನ ಮೇಲೆ ಇಳಿಯುವುದಿಲ್ಲ ಎಂದು ಇಸ್ರೋ ಮುಖ್ಯಸ್ಥರು ತಿರುವನಂತಪುರದಲ್ಲಿ ಹೇಳಿದ್ದಾರೆ.
DOCTYPE html>
.jpg)
