ಶಬರಿ ರೈಲು ಮಾರ್ಗ; ಯೋಜನೆ ವಿಳಂಬದ ಹಿಂದೆ ಕೇರಳ ಸರ್ಕಾರದ ನೀತಿ: ಅಶ್ವಿನಿ ವೈಷ್ಣವ್

                ನವದೆಹಲಿ: ಶಬರಿಮಲೆ ಯಾತ್ರಾರ್ಥಿಗಳಿಗೆ ಸಮಾಧಾನ ತರುವ ಶಬರಿ ರೈಲು ಮಾರ್ಗದ ಅನಿಶ್ಚಿತತೆಗೆ ಕೇರಳ ಸರ್ಕಾರದ ನೀತಿಗಳು ಮತ್ತು ಇತರ ಜನರ ಸಮಸ್ಯೆಗಳೇ ಕಾರಣ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವನಿ ವೈಷ್ಣವ್ ಹೇಳಿದ್ದಾರೆ.

                   1997ರಲ್ಲಿ ಘೋಷಣೆಯಾದ ಶಬರಿ ಯೋಜನೆಗೆ ರೈಲ್ವೆ ಇಲಾಖೆ ಇದುವರೆಗೆ 264 ಕೋಟಿ ರೂ. ಮೀಸಲಿರಿಸಿದೆ. ಅಂಗಮಾಲಿಯಿಂದ ಪೆರುಂಬಾವೂರ್ ವರೆಗಿನ 17 ಕಿ.ಮೀ ಮಾರ್ಗದಲ್ಲಿ ನಿರ್ಮಾಣ ಕಾಮಗಾರಿ ಆರಂಭವಾಗಿದೆ ಎಂದು ತಿಳಿಸಿದರು. ಲೋಕಸಭೆಯಲ್ಲಿ ಸಂಸದ ಡೀನ್ ಕುರಿಯಾಕೋಸ್ ಅವರ ಪ್ರಶ್ನೆಗೆ ಅವರು ಉತ್ತರಿಸಿದರು.

              ಭೂಸ್ವಾಧೀನ ಹಾಗೂ ಲೈನ್ ಅಲೈನ್ ಮೆಂಟ್ ವಿರೋಧಿಸಿ ಸ್ಥಳೀಯ ನಿವಾಸಿಗಳು ಪ್ರತಿಭಟನೆ ನಡೆಸಿದರು. ಇದಲ್ಲದೆ, ಯೋಜನೆಯ ವಿರುದ್ಧ ನ್ಯಾಯಾಲಯದ ನಿಂದನೆ ಪ್ರಕರಣಗಳು ಮತ್ತು ಕೇರಳ ಸರ್ಕಾರದ ಬೆಂಬಲದ ಕೊರತೆಯು ಮುಂದಿನ ಕಾರ್ಯಾಚರಣೆಗಳನ್ನು ಅನಿಶ್ಚಿತಗೊಳಿಸಿದೆ. ಎರುಮೇಲಿಯಲ್ಲಿ ಅಲೈನ್‍ಮೆಂಟ್ ಸ್ಥಗಿತಗೊಳ್ಳಲು ಕಾರಣ ಅರಣ್ಯ ಪ್ರದೇಶ ಮತ್ತು ಸಮೀಕ್ಷೆಯಲ್ಲಿನ ಸಮಸ್ಯೆಗಳಾಗಿವೆ. ಅಂಗಮಾಲಿಯಿಂದ ಎರುಮೇಲಿ (111 ಕಿಮೀ) ಯೋಜನೆಗೆ ವಿವರವಾದ ಯೋಜನಾ ವರದಿಯನ್ನು (ಡಿಪಿಆರ್) ಒ/s ಏಖಆಅಐ ಸಿದ್ಧಪಡಿಸಿದೆ. ಯೋಜನೆಯ ವೆಚ್ಚವನ್ನು 3,726.95 ಕೋಟಿ ರೂ.ಗೆ ಹೆಚ್ಚಿಸಲಾಗಿದೆ ಎಂದು ಅವರು ಸಂಸತ್ತಿನಲ್ಲಿ ತಿಳಿಸಿದ್ದಾರೆ.

              ಶಬರಿಮಲೆ ದೇಗುಲಕ್ಕೆ ಸುಲಭ ಪ್ರವೇಶಕ್ಕಾಗಿ ಚೆಂಗನ್ನೂರು-ಪಂಬಾ ರೈಲು ಯೋಜನೆ ಆರಂಭಿಸಬೇಕು ಎಂಬ ಬೇಡಿಕೆ ವ್ಯಕ್ತವಾಗಿದೆ. ಚೆಂಗನ್ನೂರು-ಪಂಬಾ (75 ಕಿಮೀ) ಹೊಸ ಮಾರ್ಗದ ಅಂತಿಮ ಸಮೀಕ್ಷೆಗೆ ಅನುಮೋದನೆ ನೀಡಲಾಗಿದೆ ಮತ್ತು ವಿವರವಾದ ಯೋಜನಾ ವರದಿ (ಡಿಪಿಆರ್) ತಯಾರಿಸಲು ಸಮೀಕ್ಷೆಯನ್ನು ಪ್ರಾರಂಭಿಸಲಾಗಿದೆ ಎಂದು ರೈಲ್ವೆ ಸಚಿವರು ಹೇಳಿದರು.