ಅಜ್ಮೀರ್‌ ಷರೀಫ್‌ ದರ್ಗಾಕ್ಕೆ ಚಾದರ ನೀಡಿದ ಪ್ರಧಾನಿ ಮೋದಿ

             ನವದೆಹಲಿ : ಸೂಫಿ ಸಂತ ಮೊಯಿನುದ್ದೀನ್ ಚಿಶ್ತಿ ಅವರ ಪುಣ್ಯತಿಥಿಯ ಹಿನ್ನೆಲೆಯಲ್ಲಿ ತಮ್ಮನ್ನು ಭೇಟಿಯಾದ ಮುಸ್ಲಿಂ ಸಮುದಾಯದ ಸದಸ್ಯರ ನಿಯೋಗಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಅಜ್ಮೀರ್ ಷರೀಫ್ ದರ್ಗಾದಲ್ಲಿ ಹೊದಿಸಲು ಪವಿತ್ರ 'ಚಾದರ' ಅನ್ನು ಗುರುವಾರ ನೀಡಿದರು.

            'ನನ್ನನ್ನು ಭೇಟಿ ಮಾಡಲು ಬಂದಿದ್ದ ಮುಸ್ಲಿಂ ಸಮುದಾಯದ ನಿಯೋಗಕ್ಕೆ ಪವಿತ್ರ ಚಾದರ್ ಅನ್ನು ನೀಡಿದ್ದೇನೆ. ಇದನ್ನು ಖ್ವಾಜಾ ಮೊಯಿನುದ್ದೀನ್‌ ಚಿಶ್ತಿ ಅವರ ದರ್ಗಾಕ್ಕೆ ಉರ್ಸ್‌ ಸಂದರ್ಭದಲ್ಲಿ ಹೊದಿಸಲಾಗುತ್ತದೆ' ಎಂದು ಮೋದಿ ಅವರು 'ಎಕ್ಸ್‌'ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

             ಈ ಸಂದರ್ಭದಲ್ಲಿ ಕೇಂದ್ರ ಸಚಿವೆ ಸ್ಮೃತಿ ಇರಾನಿ, ಬಿಜೆಪಿಯ ಅಲ್ಪಸಂಖ್ಯಾತ ಮೋರ್ಚಾ ಅಧ್ಯಕ್ಷ ಜಮಾಲ್‌ ಸಿದ್ದಿಕಿ ಉಪಸ್ಥಿತರಿದ್ದರು.