BREAKING: ಕೆಎಸ್‍ಯು ನಿಂದ ನಾಳೆ ಕೇರಳದಲ್ಲಿ ಶಿಕ್ಷಣ ಬಂದ್‍ಗೆ ಕರೆ

                  ವಯನಾಡು: ರಾಜ್ಯದಲ್ಲಿ ನಾಳೆ ಶೈಕ್ಷಣಿಕ ಬಂದ್‍ಗೆ ಕೆಎಸ್‍ಯು ಕರೆ ನೀಡಿದೆ.

       ಪೂಕೋಡ್ ಪಶುವೈದ್ಯಕೀಯ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಜೆ.ಎಸ್.ಸಿದ್ಧಾರ್ಥ್ ಸಾವಿಗೆ ಕಾರಣರಾದವರ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸಿ ಕೆಎಸ್ ಒಯು ಈ ಬಂದ್ ಗೆ ಕರೆನೀಡಿದೆ. 

            ಸಿದ್ಧಾರ್ಥ್ ನಿಧನದ ನಂತರ ಕೆಎಸ್‍ಯು ವಯನಾಡ್ ಜಿಲ್ಲಾಧ್ಯಕ್ಷ ಗೌತಮ್ ಗೋಕುಲದಾಸ್ ಅವರು ತಮ್ಮ ಉಪವಾಸ ಸತ್ಯಾಗ್ರಹವನ್ನು ರಾಜಧಾನಿಗೆ ವಿಸ್ತರಿಸಿದರು. ಕೆಎಸ್‍ಯು ರಾಜ್ಯಾಧ್ಯಕ್ಷ ಅಲೋಶಿಯಸ್ ಕ್ಸೇವಿಯರ್, ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ರಾಹುಲ್ ಮಂಕುತ್ತಿಲ್, ಮಹಿಳಾ ಕಾಂಗ್ರೆಸ್ ರಾಜ್ಯಾಧ್ಯಕ್ಷೆ ಜೆ.ಬಿ.ಮಠರ್ ಸೆಕ್ರೆಟರಿಯೇಟ್ ಎದುರು ಅನಿರ್ದಿಷ್ಟಾವಧಿ ಉಪವಾಸ ಸತ್ಯಾಗ್ರಹ ಆರಂಭಿಸಿದರು.

     ಅನಿರ್ದಿಷ್ಟಾವಧಿ ಉಪವಾಸ ಸತ್ಯಾಗ್ರಹವು ಎಸ್‍ಎಫ್‍ಐನಿಂದ ಹತ್ಯೆಗೀಡಾದ ಸಿದ್ಧಾರ್ಥ್ ಹತ್ಯೆಯ ಸಿಬಿಐ ತನಿಖೆ, ಸಿದ್ದಾರ್ಥ್ ಸಾವಿಗೆ ಕಾರಣರಾದ ಡೀನ್ ಎಂ.ಕೆ.ನಾರಾಯಣನ್ ವಜಾ, ಹಂತಕರನ್ನು ರಕ್ಷಿಸಿದ ಶಿಕ್ಷಕರನ್ನು ವಜಾಗೊಳಿಸುವುದು ಸೇರಿದಂತೆ ಹಲವು ಬೇಡಿಕೆಗಳನ್ನು ಮುಂದಿಟ್ಟಿದೆ.

    ಹಲವು ಪರೀಕ್ಷೆಗಳು ನಡುತ್ತಿರುವ ಮಧ್ಯೆ ನಾಳೆಯ ಬಂದ್ ಯಾವ ರೀತಿ ಪ್ರತಿಫಲಿಸಲಿದೆ ಎಂಬ ಬಗ್ಗೆ ಇನ್ನೂ ಸ್ಪಷ್ಟ ಚಿತ್ರಣ ಹೊರಬಿದ್ದಿಲ್ಲ.