ಶಬರಿಮಲೆಗೆ ನಟ ದಿಲೀಪ್ ವಿಐಪಿ ಭೇಟಿ: ವಿಶೇಷ ಗೌರವ ಯಾಕಾಗಿ ಎಂದು ಕೇಳಿದ ಹೈಕೋರ್ಟ್

ಕೊಚ್ಚಿ: ಶಬರಿಮಲೆಯಲ್ಲಿ ನಟ ದಿಲೀಪ್ ಗೆ ವಿಐಪಿ ದರ್ಶನ ಗಂಭೀರವಾಗಿದೆ ಎಂದು ಹೈಕೋರ್ಟ್ ಪುನರುಚ್ಚರಿಸಿದೆ. ಅಂತಹವರಿಗೆ ಏಕೆ ವಿಶೇಷ ಆದರ ನೀಡಲಾಗುತ್ತಿದೆ ಎಂದೂ ನ್ಯಾಯಾಲಯ ಕೇಳಿದೆ.

ಮೊದಲ ಹಂತದ ಜನರನ್ನು ದಿಲೀಪ್‍ಗಾಗಿ ನಿರ್ಬಂಧಿಸಲಾಗಿದೆ ಎಂದು ಹೈಕೋರ್ಟ್ ಗಮನಿಸಿದೆ. ದಿಲೀಪ್ ಶಬರಿಮಲೆಗೆ ಭೇಟಿ ನೀಡಿದ ದೃಶ್ಯಾವಳಿಗಳನ್ನು ಪರಿಶೀಲಿಸಿದ ನಂತರ ಹೈಕೋರ್ಟ್ ಈ ಹೇಳಿಕೆ ನೀಡಿದೆ.

ತೆರೆದ ನ್ಯಾಯಾಲಯದಲ್ಲಿ ದೃಶ್ಯಾವಳಿಗಳನ್ನು ಪರಿಶೀಲಿಸಲಾಯಿತು. ದಿಲೀಪ್ ಗೆ ಸೌಲಭ್ಯ ಕಲ್ಪಿಸುವ ಮೂಲಕ ಇತರ ಭಕ್ತರು ಅಡೆತಡೆಗಳನ್ನು ಎದುರಿಸಿದ್ದಾರೆ ಎಂದು ದೃಶ್ಯಾವಳಿಗಳ ಮೂಲಕ ತಿಳಿದುಬಂದಿದೆ. ದೇವಸ್ವಂ ಅಧಿಕಾರಿಗಳು ಹಾಗೂ ಇತರರು ದಿಲೀಪ್ ಗೆ ಸೌಲಭ್ಯ ಒದಗಿಸಿದರು. ಮುಂದಿನ ಸಾಲಿನಲ್ಲಿದ್ದ ಎಲ್ಲರನ್ನು ಬದಲಿಸಿ ಈ ನೆರವು ನೀಡಿರುವುದು ದೃಶ್ಯಾವಳಿಗಳಿಂದ ಸ್ಪಷ್ಟ್ಟವಾಗಿದೆ ಎಂದು ಹೈಕೋರ್ಟ್ ಸೂಚಿಸಿದೆ.

ಇತರ ಭಕ್ತರನ್ನು ತಡೆಯುವ ಮೂಲಕ ಅಂತಹ ಸೌಲಭ್ಯಗಳನ್ನು ಒದಗಿಸಲು ಯಾವುದೇ ಅಧಿಕಾರಿಗೆ ಅಧಿಕಾರವಿಲ್ಲ. ಈ ವಿಚಾರದಲ್ಲಿ ನೀವು ಏನು ಕ್ರಮ ಕೈಗೊಂಡಿದ್ದೀರಿ ಎಂದೂ ನ್ಯಾಯಾಲಯ ಪ್ರಶ್ನಿಸಿದೆ. ಹರಿವರಾಸನಂ ಹಾಡುವ ವೇಳೆ ನಟ ದಿಲೀಪ್ ಮತ್ತು ಅವರ ಸಹೋದರ ಉಪಸ್ಥಿತರಿದ್ದರು. ಈ ವೇಳೆ ವಿಶೇಷ ಪರಿಗಣನೆಯಲ್ಲಿ ಅವರಿಗೆ ದರ್ಶನ ಸೌಲಭ್ಯ ಕಲ್ಪಿಸಿದ್ದು ದೂರಿಗೆ ಕಾರಣವಾಯಿತು.