ನಾರಂಪಾಡಿ ಬ್ರಹ್ಮಕಲಶೋತ್ಸವ -ಸಾಗಿಬರುತ್ತಿರುವ ಭಕ್ತ ಸಮೂಹ

 ಮುಳ್ಳೇರಿಯ: ನೆಕ್ರಾಜೆ ಗ್ರಾಮದ ನಾರಂಪಾಡಿ ಶ್ರೀ ಉಮಾಮಹೇಶ್ವರ ಕ್ಷೇತ್ರದಲ್ಲಿ ಆರಂಭಗೊಂಡಿರುವ ಪುನ: ನವೀಕರಣ ಪುನ: ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕದ ಅಂಗವಾಗಿ ಮೂರನೇ  ದಿನವಾದ ಮಂಗಳವಾರ ವಿವಿಧ ವೈದಿಕ, ಧಾರ್ಮಿಕ ಕಾರ್ಯಕ್ರಮಗಳು ನಡೆದವು.

ಬೆಳಿಗ್ಗೆ  6 ರಿಂದ ಗಣಪತಿಹೋಮ, ವಿವಿಧ ಶಾಂತಿಹೋಮಗಳು, 12.30 ಕ್ಕೆ ಮಹಾಪೂಜೆ, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ, ಸಂಜೆ 7 ರಿಂದ ಹೋಮ ಕಲಶಾಭಿಷೇಕ, ಅಂಕುರಪೂಜೆ, ತ್ರಿಕಾಲಪೂಜೆ, ಅನುಜ್ಞಾ ಕಲಶಪೂಜೆ, ಅಧಿವಾಸ ಹೋಮಗಳು, ಮಹಾಪೂಜೆ, ರಾತ್ರಿ ಪೂಜೆ ನಡೆಯಿತು. ಭಜನಾ ಮಂಟಪದಲ್ಲಿ ಬೆಳಿಗ್ಗೆ 8 ರಿಂದ ಭಜನಾ ಸಂಕೀರ್ತನೆ, 11.30ರಿಂದ 1.30ರ ವರೆಗೆ ಕುರುಂಬುಡೇಲು ಮಹಾಲಿಂಗ ಭಟ್ ಬೆಳ್ಳಾರೆ ಮತ್ತು ತಂಡದವರಿಂದ ನಾರಾಯಣೀಯಂ ಪಾರಾಯಣ ಗಮನಾರ್ಹವಾಗಿ ನೆರವೇರಿತು. 

ಸಾಂಸ್ಕøತಿಕ ವೇದಿಕೆಯಲ್ಲಿ ಬೆಳಿಗ್ಗೆ 9.30ರಿಂದ ಸುಧಾಕರ ಕೋಟೆಕುಂಜತ್ತಾಯರಿಂದ ಹರಿಕಥಾ ಸಂಕೀರ್ತನೆ, ಅಪರಾಹ್ನ 1 ರಿಂದ ಯಕ್ಷಗಾನ ತಾಳಮದ್ದಳೆ, ಸಂಜೆ 4 ರಿಂದ ಕೈಕೊಟ್ಟಿಕಳಿ ಮತ್ತು ಸಂಘನೃತ್ಯ, ರಾತ್ರಿ 8 ರಿಂದ ವಿದುಷಿಃ ಡಾ.ವಿದ್ಯಾಲಕ್ಷ್ಮಿ ಬೇಳ ಅವರ ಶಿಷ್ಯವೃಂದದವರಿಂದ ನೃತ್ಯ ವೈಭವ ನಡೆಯಿತು. 

ಇಂದಿನ ಕಾರ್ಯಕ್ರಮ: 

ಬುಧವಾರ ಬೆಳಿಗ್ಗೆ 6 ರಿಂದ ಗಣಪತಿಹೋಮ, ತತ್ವಕಲಶಪೂಜೆ, ತತ್ವಹೋಮ, ತತ್ವಕಲಶಾಭಿಷೇಕ, ಅನುಜ್ಞಾ ಕಲಶಾಭಿಷೇಕ, ಅಂಕುರಪೂಜೆ, ತ್ರಿಕಾಲಪೂಜೆ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ ನಡೆಯಲಿದೆ. ಸಂಜೆ 7 ರಿಂದ ಅನುಜ್ಞಾಬಲಿ, ಕ್ಷೇತ್ರಪಾಲನಲ್ಲಿ ಅನುಜ್ಞಾ ಪ್ರಾರ್ಥನೆ, ಅಂಕುರಪೂಜೆ, ತ್ರಿಕಾಲಪೂಜೆ, ಬಿಂಬಶುದ್ಧಿ, ಕಲಶಪೂಜೆ, ಮಹಾಪೂಜೆ, ರಾತ್ರಿಪೂಜೆ, ಪ್ರಸಾದ ವಿತರಣೆ ನಡೆಯಲಿದೆ.

ಭಜನಾ ಮಂಟಪದಲ್ಲಿ ಬೆಳಿಗ್ಗೆ 8 ರಿಂದ ಸಂಜೆ 6ರ ವರೆಗೆ ವಿವಿಧ ತಂಡಗಳಿಂದ ಭಜನಾ ಸಂಕೀರ್ತನ ಸೇವೆಗಳು, 6ರಿಂದ ಕುಣಿತ ಭಜನೆ ನಡೆಯಲಿದೆ. ಸಾಂಸ್ಕøತಿಕ ವೇದಿಕೆಯಲ್ಲಿ ಬೆಳಿಗ್ಗೆ 9.30 ರಿಂದ ಭಕ್ತಿಸಂಗೀತ, 11 ರಿಂದ 12.30ರ ವರೆಗೆ ಸಾಹಿತ್ಯಗಾನ-ನೃತ್ಯ ವೈಭವ, 12.35ರಿಂದ 1ರ ವರೆಗೆ ಕೈಕೊಟ್ಟಿಕಳಿ, 1.ರಿಂದ 1.45ರ ವರೆಗೆ ಶಾಸ್ತ್ರೀಯ ಸಂಗೀತ ಕಚೇರಿ, ಅಪರಾಹ್ನ 2 ರಿಂದ 4.45ರ ವರೆಗೆ ಮೂಡಂಬೈಲು ವಾಗ್ದೇವಿ ತಂಡದಿಂದ ತಾಳಮದ್ದಳೆ, ಸಂಜೆ 5 ರಿಂದ 6.45ರ ವರೆಗೆ ಹರಿಕಥಾ ಸತ್ಸಂಗ, ಬಳಿಕ ಜಾನಪದ ನೃತ್ಯ ಮತ್ತು ರಾತ್ರಿ 9 ರಿಂದ ಮುಳ್ಳೇರಿಯ ಶ್ರೀಗಣೇಶ ಯಕ್ಷಗಾನ ಕೇಂದ್ರದವರಿಂದ ಯಕ್ಷಗಾನ ಬಯಲಾಟ ನಡೆಯಲಿದೆ. 

ಸ್ವಯಂಸೇವಕರ ಅಹರ್ನಿಶಿ ಸೇವೆ:

 ದಿನನಿತ್ಯ ನೂರಾರು ಜನರು ವಿವಿಧೆಡೆಗಳಿಂದ ಆಗಮಿಸುತ್ತಿದ್ದು ಸ್ವಾಗತದಿಂದ ತೊಡಗಿ ದೇವರದರ್ಶನ, ಪ್ರಸಾದ ವಿತರಣೆ, ಉಪಚಾರಗಳಲ್ಲಿ ಸ್ವಯಂಸೇವಕರ ತಂಡ ನಿರಂತರ ಕಾರ್ಯನಿರ್ವಹಿಸುತ್ತಿದೆ. ಪ್ರಸಾದ ಪ್ಯಾಕೆಟ್ ತಯಾರಿ, ಊಟೋಪಚಾರದ ತರಕಾರಿ ಹಚ್ಚುವಿಕೆ, ಬಡಿಸುವ ಸೇವೆಗಳಲ್ಲಿ ಭಕ್ತರ ತಂಡ ಉತ್ಸಾಹದಿಂದ ತೊಡಗಿಸಿಕೊಂಡಿರುವುದು ಶ್ಲಾಘನೀಯವೆನಿಸಿವೆ.