ಕೇರಳ ಸರ್ಕಾರದಿಂದ ಒಂದನೇ ತರಗತಿ ವಿದ್ಯಾರ್ಥಿಗಳ ದಿನಚರಿ ಬರಹಗಳು ಪ್ರಕಟ-ಶಿಕ್ಷಣ ಸಚಿವರು ದೇಶದಲ್ಲೇ ಮೊದಲ ಬಾರಿ ಸಂಪಾದಕರಾಗಿ ನಿರ್ವಹಣೆ

ತಿರುವನಂತಪುರಂ: "ಪಕ್ಕದ ಮನೆಯ ಅಂಗಳದಲ್ಲಿ ಹುಣಸೆ ಮರದ ಮೇಲೆ ಹಳದಿ ಹಕ್ಕಿ ಕುಳಿತಿರುವುದನ್ನು ನಾನು ನೋಡಿದೆ..." ಎಂದು ಒಂದನೇ ತರಗತಿಯ ವಿದ್ಯಾರ್ಥಿಯೊಬ್ಬ ಬರೆದ ದಿನಚರಿ ಇದೀಗ ರಾಜ್ಯದಾದ್ಯಂತ ಗಮನಿಸಲ್ಪಡುತ್ತಿದೆ. ಕಿರಿಯ ಪ್ರಾಥಮಿಕ ಒಂದನೇ ತರಗತಿ ವಿದ್ಯಾರ್ಥಿ ಅರ್ಶಿಕ್ ಪಿ ಎಂ ಬರೆದಿರುವ ಸುಂದರ ಬರಹ ಹೆಚ್ಚು ವೈರಲ್ ಆಗಿದೆ. 

ಕೋಝಿಕ್ಕೋಡ್ ಮೂಲದ ಈತ ತನ್ನ ದಿನಚರಿಯ ನಮೂದಿನ ಕೆಳಗೆ ಕ್ರಯೋನ್‍ಗಳಿಂದ ಮರ ಮತ್ತು ಪಕ್ಷಿಯನ್ನು ಚಿತ್ರಿಸಿದ್ದಾನೆ. ಅತ್ಯುತ್ತಮ ಇಂಗ್ಲಿಷ್ ನಿರರ್ಗಳತೆಯೊಂದಿಗೆ ಈತನ ಬರಹ ಗಮನಿಸಲ್ಪಡುತ್ತಿದೆ. 

ಆರ್ಶಿಕ್‍ನಂತೆಯೇ, ಕೇರಳದಾದ್ಯಂತ ಸರ್ಕಾರಿ ಶಾಲೆಗಳಲ್ಲಿರುವ ಒಂದನೇ ತರಗತಿಯ ವಿದ್ಯಾರ್ಥಿಗಳು ತಮ್ಮ ಶಿಕ್ಷಕರ ಸೂಚನೆಯಂತೆ ದಿನಚರಿಗಳನ್ನು ನಿರ್ವಹಿಸುತ್ತಿದ್ದಾರೆ, ತಮ್ಮ ಪ್ರೀತಿಯ ನೆನಪುಗಳನ್ನು ನೆನಪಿಸಿಕೊಂಡ ಈ ಈ ದಿನಚರಿ ನಮೂದುಗಳನ್ನು ಈಗ ಪುಸ್ತಕವಾಗಿ ಪ್ರಕಟಿಸಲು ಸಿದ್ಧವಾಗಿದೆ. ಶೈಕ್ಷಣಿಕ ಪಠ್ಯಕ್ರಮದಲ್ಲಿ ಸೇರಿಸಲಾದ "ಸಾಮೂಹಿಕ ದಿನಚರಿ ಬರವಣಿಗೆ" ಉಪಕ್ರಮದ ಭಾಗವಾಗಿ ಸಾಮಾನ್ಯ ಶಿಕ್ಷಣ ಇಲಾಖೆಯು ವಿದ್ಯಾರ್ಥಿಗಳಿಂದ ಆಯ್ದ ದಿನಚರಿ ನಮೂದುಗಳನ್ನು ಸಂಗ್ರಹಿಸಿದೆ.

ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಏಪ್ರಿಲ್ 23 ರಂದು ಮಕ್ಕಳ ಕೈಬರಹದ ದಿನಚರಿ ನಮೂದುಗಳನ್ನು ಒಳಗೊಂಡಿರುವ ಪುಸ್ತಕವನ್ನು ಬಿಡುಗಡೆ ಮಾಡಲಿದ್ದಾರೆ ಎಂದು ಸಾಮಾನ್ಯ ಶಿಕ್ಷಣ ಇಲಾಖೆಯ ಮೂಲಗಳು ತಿಳಿಸಿವೆ.

"ಕುರುನ್ನೆಝುತ್ತುಗಳು"(ಪುಟಾಣಿ ಬರಹಗಳು) ಎಂಬ ಶೀರ್ಷಿಕೆಯ ಈ ವಿಶಿಷ್ಟ ಪುಸ್ತಕವನ್ನು ಸಾಮಾನ್ಯ ಶಿಕ್ಷಣ ಸಚಿವ ವಿ ಶಿವನ್‍ಕುಟ್ಟಿ ಸಂಪಾದಿಸಿದ್ದಾರೆ, ಅವರು ಈಗಾಗಲೇ ತಮ್ಮ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‍ನಲ್ಲಿ ಮಕ್ಕಳ ಕೆಲವು ಡೈರಿ ನಮೂದುಗಳನ್ನು ಪೋಸ್ಟ್ ಮಾಡಿದ್ದಾರೆ. ಮಕ್ಕಳ ಡೈರಿ ಟಿಪ್ಪಣಿಗಳನ್ನು ಒಳಗೊಂಡ ಪುಸ್ತಕವನ್ನು ಪ್ರಕಟಿಸಲು ಸ್ವತಃ ಶಿಕ್ಷಣ ಸಚಿವರೊಬ್ಬರು ಸಂಪಾದಕರ ಜವಾಬ್ದಾರಿ ವಹಿಸಿರುವುದು ದೇಶದಲ್ಲೇ ಇದೇ ಮೊದಲನೆಯದು.

ಪುಸ್ತಕವು ಒಂದನೇ ತರಗತಿಯ ಬರಹಗಾರರ ಆಲೋಚನೆಗಳು ಮತ್ತು ಸೃಜನಶೀಲತೆಯನ್ನು ಅವರ ಪೆÇೀಷಕರು ಮತ್ತು ಶಿಕ್ಷಕರ ಪ್ರತಿಕ್ರಿಯೆಗಳೊಂದಿಗೆ ಪ್ರದರ್ಶಿಸುತ್ತದೆ. "ನಮ್ಮ ಶೈಕ್ಷಣಿಕ ವ್ಯವಸ್ಥೆ ಮತ್ತು ಸಾರ್ವಜನಿಕ ಸಮಾಜವು ಅವರ ಶ್ರೇಷ್ಠತೆಯನ್ನು ಅರಿತುಕೊಳ್ಳಬೇಕು ಮತ್ತು ಅವರ ಸಾಮಥ್ರ್ಯಗಳನ್ನು ಬೆಳೆಸಬೇಕು. ಅದರ ನಿರಂತರತೆಯನ್ನು ಖಚಿತಪಡಿಸಿಕೊಳ್ಳಬೇಕು ಮತ್ತು ಮತ್ತಷ್ಟು ವಿಸ್ತರಿಸಬೇಕು." "ಈ ಉದ್ದೇಶವನ್ನು ಸಾಧಿಸಲು ಮೊದಲ ಹೆಜ್ಜೆಯಾಗಿ ರಾಜ್ಯಾದ್ಯಂತದ ಸಾರ್ವಜನಿಕ ಶಾಲೆಗಳಿಂದ ಒಂದನೇ ತರಗತಿಯ ವಿದ್ಯಾರ್ಥಿಗಳ ದಿನಚರಿ ಬರಹಗಳನ್ನು ಸಂಗ್ರಹಿಸಿ ಪುಸ್ತಕದ ರೂಪದಲ್ಲಿ ಸಂಕಲಿಸಲಾಗಿದೆ" ಎಂದು ಸಚಿವರು ಪುಸ್ತಕದಲ್ಲಿನ ತಮ್ಮ ಸಂಪಾದಕರ ಟಿಪ್ಪಣಿಯಲ್ಲಿ ತಿಳಿಸಿದ್ದಾರೆ.

ಯುವ ಪೀಳಿಗೆಯ ಸೃಜನಶೀಲತೆ ಮತ್ತು ಚಿಂತನಾ ಸಾಮಥ್ರ್ಯಗಳು ಮತ್ತು ತಮ್ಮನ್ನು ತಾವು ವ್ಯಕ್ತಪಡಿಸುವ ಕೌಶಲ್ಯಗಳು ಈ ಮಕ್ಕಳ ದಿನಚರಿ ಬರಹಗಳಲ್ಲಿ ಪ್ರತಿಫಲಿಸುತ್ತದೆ ಎಂದು ಶಿವನ್‍ಕುಟ್ಟಿ ಒತ್ತಿ ಹೇಳಿರುವರು. "ನಮ್ಮ ಮಕ್ಕಳು ಓದಲು ಮತ್ತು ಬರೆಯಲು ಬಿಡಿ. ಅವರು ತರಗತಿ ಕೊಠಡಿಗಳನ್ನು ಪ್ರೀತಿ, ಸ್ವೀಕಾರ ಮತ್ತು ಪ್ರೋತ್ಸಾಹದ ಸ್ಥಳಗಳಾಗಿ ನೋಡಲಿ" ಎಂದು ಅವರು ಹೇಳಿರುವರು.

ಸಿಪಿಐ (ಎಂ) ಪ್ರಧಾನ ಕಾರ್ಯದರ್ಶಿ ಮತ್ತು ಮಾಜಿ ಶಿಕ್ಷಣ ಮತ್ತು ಸಾಂಸ್ಕøತಿಕ ವ್ಯವಹಾರಗಳ ಸಚಿವ ಎಂ ಎ ಬೇಬಿ, ಪುಸ್ತಕದ ಮುನ್ನುಡಿಯಲ್ಲಿ, "ಕುರುನ್ನೆಝುತುಕಲ್" ಮಕ್ಕಳಲ್ಲಿ ಭಾಷಾ ಅಧ್ಯಯನದ ಸಾಧ್ಯತೆಗಳನ್ನು ಸೃಜನಾತ್ಮಕ ರೀತಿಯಲ್ಲಿ ಸಮೀಪಿಸಲು ಆತ್ಮವಿಶ್ವಾಸವನ್ನು ತುಂಬುತ್ತದೆ ಎಂದು ಹೇಳಿರುವರು.

96 ಪುಟಗಳ ಪುಸ್ತಕವು ರಾಜ್ಯಾದ್ಯಂತ ವಿವಿಧ ಸರ್ಕಾರಿ ಶಾಲೆಗಳ ಒಂದನೇ ತರಗತಿಯ ಶಿಕ್ಷಕರ ಆಯ್ದ ಬರಹಗಳನ್ನು ಸಹ ಒಳಗೊಂಡಿದೆ.