ವೆಚ್ಚ ಮಾಡದ ರಾಜ್ಯ ಸರ್ಕಾರ: ಕೇರಳದ 55 ಮೇಲ್ಸೇತುವೆಗಳ ನಿರ್ಮಾಣ ವೆಚ್ಚವನ್ನು ಭರಿಸಲು ಮುಂದಾದ ರೈಲ್ವೆ

ತಿರುವನಂತಪುರಂ: ಕೇರಳದಲ್ಲಿ 55 ಫ್ಲೈಓವರ್‍ಗಳ ನಿರ್ಮಾಣಕ್ಕೆ ರಾಜ್ಯ ಸರ್ಕಾರ ಹಣ ಒದಗಿಸಲು ಸಾಧ್ಯವಾಗದ ಕಾರಣ, ಅವುಗಳ ಸಂಪೂರ್ಣ ವೆಚ್ಚವನ್ನು ರೈಲ್ವೆಯೇ ಭರಿಸಲಿದೆ ಎಂದು ದಕ್ಷಿಣ ರೈಲ್ವೆ ತಿಳಿಸಿದೆ.

ಸೇತುವೆ ನಿರ್ಮಾಣದ ವೆಚ್ಚವನ್ನು ಸಂಪೂರ್ಣವಾಗಿ ಭರಿಸಲು ರೈಲ್ವೆ ನಿರ್ಧರಿಸಿದ್ದು ಇದೇ ಮೊದಲು. ಕೇರಳದಾದ್ಯಂತ ಸುಗಮ ಪ್ರಯಾಣ ಮತ್ತು ಸಾರ್ವಜನಿಕ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ರೈಲ್ವೆಯ ಬದ್ಧತೆಯನ್ನು ಇದು ಸ್ಪಷ್ಟವಾಗಿ ತೋರಿಸುತ್ತದೆ ಎಂದು ದಕ್ಷಿಣ ರೈಲ್ವೆ ಗುರುವಾರ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ತಿಳಿಸಿದೆ.

ರೈಲ್ವೆಯ ಹೇಳಿಕೆಯಲ್ಲಿ ಕೇರಳ ರೈಲು ಅಭಿವೃದ್ಧಿ ನಿಗಮ ಲಿಮಿಟೆಡ್ ಮತ್ತು ಕೇರಳದ ರಸ್ತೆಗಳು ಮತ್ತು ಸೇತುವೆಗಳ ಅಭಿವೃದ್ಧಿ ನಿಗಮ ಎಂದು ಹೆಸರಿಸಲಾಗಿದೆ.

ಇತರ 65 ಮೇಲ್ಸೇತುವೆಗಳ ನಿರ್ಮಾಣ ಕಾರ್ಯವು ವರ್ಷಗಳಿಂದ ನಿಧಾನವಾಗಿದ್ದು, ರಾಜ್ಯ ಸರ್ಕಾರವು ಹಣವನ್ನು ಒದಗಿಸದಿರುವುದು, ಯೋಜನೆಗೆ ಅನುಮೋದನೆ ನೀಡದಿರುವುದು ಅಥವಾ ಭೂಮಿಯನ್ನು ಸ್ವಾಧೀನಪಡಿಸಿಕೊಂಡು ಹಸ್ತಾಂತರಿಸದಿರುವುದು ಇದಕ್ಕೆ ಕಾರಣ ಎಂದು ರೈಲ್ವೆ ಆರೋಪಿಸಿದೆ.