ಕೊನೆಗೂ ಬಗೆಹರಿದ ವಿವಾದ ಸರಣಿ: ಕೆ. ಸುಧಾಕರನ್ ಗೆ ಖೊಕ್: ಸನ್ನಿ ಜೋಸೆಫ್ ಕೆಪಿಸಿಸಿ ಅಧ್ಯಕ್ಷರನ್ನಾಗಿ ನೇಮಕ

ತಿರುವನಂತಪುರಂ: ಸರಣಿ ಚರ್ಚೆ ಮತ್ತು ಕೆಸರೆರಚಾಟದ ನಂತರ, ಕೆ. ಸುಧಾಕರನ್ ಅವರನ್ನು ಕೆಪಿಸಿಸಿ ಅಧ್ಯಕ್ಷ ಸ್ಥಾನದಿಂದ ತೆಗೆದುಹಾಕಲಾಗಿದೆ. 

ಪೆರವೂರ್ ಶಾಸಕ ಸನ್ನಿ ಜೋಸೆಫ್ ಅವರನ್ನು ಕೆಪಿಸಿಸಿ ಅಧ್ಯಕ್ಷರನ್ನಾಗಿ ನೂತನವಾಗಿ ನೇಮಿಸಲಾಗಿದೆ. ಯುಡಿಎಫ್ ಸಂಚಾಲಕರಾಗಿದ್ದ ಎಂ.ಎಂ.ಹಸನ್ ಅವರನ್ನೂ  ಪದಚ್ಯುತಗೊಳಿಸಲಾಗಿದೆ. ಅವರ ಬದಲಿಯಾಗಿ ಅಟ್ಟಿಂಗಲ್ ಸಂಸದ ಅಡೂರ್ ಪ್ರಕಾಶ್ ಅವರನ್ನು ನೇಮಿಸಲಾಯಿತು. 

ಪಿ.ಸಿ.ವಿಷ್ಣುನಾಥ್, ಶಫಿ ಪರಂಬಿಲ್, ಎ.ಪಿ.ಅನಿಲ್ ಕುಮಾರ್ ಅವರನ್ನು ಕಾರ್ಯಾಧ್ಯಕ್ಷರನ್ನಾಗಿ ಮಾಡಲಾಗಿದೆ. ಕೋಡಿಕುನ್ನಿಲ್ ಸುರೇಶ್, ಟಿಎನ್ ಪ್ರತಾಪನ್ ಮತ್ತು ಟಿ ಸಿದ್ದಿಕ್ ಅವರನ್ನು ತೆಗೆದುಹಾಕಲಾಗಿದೆ. 

ಪತ್ರಿಕಾ ಪ್ರಕಟಣೆಯನ್ನು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್ ಬಿಡುಗಡೆ ಮಾಡಿದ್ದಾರೆ. ಯುವ ಸಂಘಟನೆಗಳ ಪ್ರತಿಭಟನೆಗಳು, ದೀರ್ಘಕಾಲದ ವಿವಾದಗಳು ಮತ್ತು ಭರವಸೆಗಳ ನಂತರ, ಕಾಂಗ್ರೆಸ್ ನಾಯಕತ್ವವು ಅಂತಿಮವಾಗಿ ಕೆಪಿಸಿಸಿಯಲ್ಲಿ ಬದಲಾವಣೆಗಳನ್ನು ಜಾರಿಗೆ ತಂದಿದೆ. ಹಿರಿಯ ನಾಯಕರೊಂದಿಗಿನ ಸಂಘರ್ಷವನ್ನು ತಪ್ಪಿಸಲು ಕೆ.ಸುಧಾಕರನ್ ಅವರಿಗೆ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿಯಲ್ಲಿ ಆಹ್ವಾನಿತ ಸ್ಥಾನವನ್ನು ಈಗ ನೀಡಿದೆ.