ಸಾರ್ವಜನಿಕ ಸ್ಥಳಗಳಲ್ಲಿ ದ್ರವ ತ್ಯಾಜ್ಯ ಎಸೆತ: ದಂಡ

ಕಾಸರಗೋಡು: ಸಾರ್ವಜನಿಕ ಸ್ಥಳದಲ್ಲಿ ದ್ರವ ತ್ಯಾಜ್ಯವನ್ನು ಎಸೆದು ಆ ಪ್ರದೇಶದಲ್ಲಿ ದುರ್ವಾಸನೆ ಬೀರುವ ರೀತಿಯಲ್ಲಿ ಸಂಗ್ರಹಿಸಿದ್ದಕ್ಕಾಗಿ 15,000 ರೂ. ದಂಡ ವಿಧಿಸಲಾಗಿದೆ. ಬದಿಯಡ್ಕ ಮೇಲಿನ ಪೇಟೆಯ ಅಪಾರ್ಟ್‍ಮೆಂಟ್‍ನಿಂದ ಕೊಳಚೆ ನೀರನ್ನು ಪ್ರತ್ಯೇಕ ಪೈಪ್‍ಲೈನ್ ಮೂಲಕ ರಸ್ತೆಬದಿಯಲ್ಲಿ ಬಿಡಲಾಗುತ್ತಿದೆ ಎಂಬ ಮಾಹಿತಿಯ ಮೇರೆಗೆ, ಪರಿಶೀಲನೆ ನಡೆಸಿ, ಉಲ್ಲಂಘನೆ ನಡೆದಿರುವುದು ಕಂಡುಬಂದ ನಂತರ ಕ್ರಮ ಕೈಗೊಳ್ಳಲಾಯಿತು. 

ಸ್ಥಳೀಯಾಡಳಿತ ಇಲಾಖೆಯ ಜಿಲ್ಲಾ ಜಾರಿ ದಳವು 15,000 ರೂ.ಗಳ ದಂಡವನ್ನು ವಿಧಿಸಿತು. ಬೀಜಂತಡ್ಕ ಅಂಗನವಾಡಿ ಬಳಿಯ ಮನೆಯೊಂದರ ಮಾಲೀಕರಿಗೆ, ಅಂಗಡಿಯ ಕೋಳಿ ತ್ಯಾಜ್ಯವನ್ನು ಮನೆಯ ಹಿಂದಿನ ಗುಂಡಿಯಲ್ಲಿ ಅವೈಜ್ಞಾನಿಕವಾಗಿ ತುಂಬಿಸಿ, ಕೊಳಚೆ ನೀರನ್ನು ತೆರೆದ ಗುಂಡಿಗೆ ಬಿಡುವುದರಿಂದ ದುರ್ವಾಸನೆ ಬರುತ್ತಿದೆ ಎಂದು ಪತ್ತೆಯಾದ ನಂತರ, ಮನೆಯ ಮಾಲೀಕರಿಗೆ 15,000 ರೂ. ದಂಡ ವಿಧಿಸಲಾಯಿತು. ತ್ಯಾಜ್ಯ ಮತ್ತು ಕಸವನ್ನು ವೈಜ್ಞಾನಿಕ ರೀತಿಯಲ್ಲಿ ವಿಲೇವಾರಿ ಮಾಡಲು ಸೂಚನೆಗಳನ್ನು ನೀಡಲಾಗಿದೆ ಮತ್ತು ಮತ್ತೆ ಕಾನೂನು ಉಲ್ಲಂಘಿಸಿದರೆ ಬಲವಾದ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಸಂಬಂಧಪಟ್ಟವರಿಗೆ ಎಚ್ಚರಿಸಲಾಗಿದೆ. 

ಮಂಗಲ್ಪಾಡಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಅಪಾರ್ಟ್‍ಮೆಂಟ್‍ಗಳ ಮಾಲೀಕರಿಗೆ ಅವೈಜ್ಞಾನಿಕ ತ್ಯಾಜ್ಯ ನಿರ್ವಹಣೆಗಾಗಿ 5,000 ರೂ. ದಂಡ ವಿಧಿಸಲಾಗಿದೆ. ಉಪ್ಪಳ ರಾಷ್ಟ್ರೀಯ ಹೆದ್ದಾರಿಯ ಬಳಿಯ ಸ್ಟೋರ್ ಎಂಬ ಅಂಗಡಿಯಿಂದ ತ್ಯಾಜ್ಯ ಪತ್ತೆಯಾದ ನಂತರ ಉಪ್ಪಳ ಗೇಟ್ ಬಳಿಯ ಅಂಗಡಿಯ ಮಾಲೀಕರಿಗೆ ಕೆಪಿಆರ್ ಕಾಯ್ದೆ 219 ರ ಅಡಿಯಲ್ಲಿ ದಂಡ ವಿಧಿಸಲಾಗಿದೆ. ಜಿಲ್ಲಾ ಜಾರಿ ದಳದ ಮುಖಂಡ ಕೆ.ವಿ. ಮುಹಮ್ಮದ್ ಮದನಿ, ತಂಡದ ಸದಸ್ಯ ಫಾಜಿಲ್ ಇ.ಕೆ., ಮತ್ತು ಆರೋಗ್ಯ ನಿರೀಕ್ಷಕಿ ರಜನಿ ಕೆ. ತಪಾಸಣೆಯಲ್ಲಿ ಭಾಗವಹಿಸಿದ್ದರು.