ಪ್ರಸಿದ್ಧ ಚಿತ್ರಕಾರ ನಂಬೂದಿರಿ ಅವರ ಸ್ಮರಣಾರ್ಥ ರಾಷ್ಟ್ರೀಯ ಪ್ರಶಸ್ತಿ ಪರಿಚಯಿಸಲಿರುವ 'ಆರ್ಟಿಸ್ಟ್ ನಂಬೂದಿರಿ ಸಮ್ಮಾನ್ ಟ್ರಸ್ಟ್'

ಕೊಚ್ಚಿ: ಕೊಚ್ಚಿ ಮೂಲದ "ದಿ ಆರ್ಟಿಸ್ಟ್ ನಂಬೂದಿರಿ ಸಮ್ಮಾನ್ ಟ್ರಸ್ಟ್" ರಾಷ್ಟ್ರೀಯ ಮಟ್ಟದಲ್ಲಿ ಅತ್ಯುತ್ತಮ ಡ್ರಾಫ್ಟ್ಸ್‍ಮನ್‍ಗಾಗಿ ಪ್ರಶಸ್ತಿಯನ್ನು ಪರಿಚಯಿಸುತ್ತಿದೆ. ಪ್ರಸಿದ್ಧ ಚಿತ್ರಕಾರ, ಶಿಲ್ಪಿ ಮತ್ತು ಕಲಾ ನಿರ್ದೇಶಕ ನಂಬೂದಿರಿ ಅವರ ಕಲಾತ್ಮಕ ಪರಂಪರೆಯನ್ನು ಸಂರಕ್ಷಿಸುವ ಮತ್ತು ಉತ್ತೇಜಿಸುವ ಉದಾತ್ತ ಉದ್ದೇಶದಿಂದ ಸ್ಥಾಪಿಸಲಾದ "ದಿ ಆರ್ಟಿಸ್ಟ್ ನಂಬೂದಿರಿ ಸಮ್ಮಾನ್ ಟ್ರಸ್ಟ್", ಸೆಪ್ಟೆಂಬರ್ 13, 2025 ರಂದು ನಂಬೂದಿರಿ ಅವರ 100 ನೇ ಜನ್ಮ ದಿನಾಚರಣೆಯಾದ ಕೊಚ್ಚಿಯಲ್ಲಿ ನಡೆಯುವ ಸಮಾರಂಭದಲ್ಲಿ ಮೊದಲ ಪ್ರಶಸ್ತಿಯನ್ನು ಪ್ರದಾನ ಮಾಡಲಿದೆ.

ಭಾರತೀಯ ಭಾಷೆಗಳಲ್ಲಿ ಸಾಹಿತ್ಯ ಚಿತ್ರಣ ಕ್ಷೇತ್ರಕ್ಕೆ ಅತ್ಯುತ್ತಮ ಕೊಡುಗೆಗಳನ್ನು ನೀಡಿದ ಕಲಾವಿದರನ್ನು ಗೌರವಿಸಲು ಉದ್ದೇಶಿಸಲಾದ ಈ ಪ್ರಶಸ್ತಿಯು 1 ಲಕ್ಷ ರೂ. ನಗದು ಬಹುಮಾನ, ಪ್ರಶಂಸಾಪತ್ರ ಮತ್ತು ಕಲಾವಿದ ನಂಬೂದಿರಿ ಸ್ವತಃ ವಿನ್ಯಾಸಗೊಳಿಸಿದ ಶಿಲ್ಪವನ್ನು ಹೊಂದಿರುತ್ತದೆ. ಈ ಪ್ರಶಸ್ತಿಯನ್ನು ವರ್ಷಕ್ಕೊಮ್ಮೆ ವಿವಿಧ ನಗರಗಳಲ್ಲಿ ಆಯೋಜಿಸಲಾದ ಸಮಾರಂಭಗಳಲ್ಲಿ ನೀಡಲಾಗುತ್ತದೆ.

ಹಿರಿಯ ಪತ್ರಕರ್ತ ಬಾಬು ಜೋಸೆಫ್ ವ್ಯವಸ್ಥಾಪಕ ಟ್ರಸ್ಟಿಯಾಗಿದ್ದರೆ, ರವಿಶಂಕರ್ ಎಟ್ಟಂ (ಸಂಪಾದಕೀಯ ವ್ಯಂಗ್ಯಚಿತ್ರಕಾರ ಮತ್ತು ಬರಹಗಾರ), ವಾಸುದೇವನ್ ಕೆ.ಎಂ. (ಕಲಾವಿದ ನಂಬೂದಿರಿ ಅವರ ಪುತ್ರ ಮತ್ತು ಕಲಾ ನಿರ್ದೇಶಕ), ಸುಧೀರ್ ನಾಥ್ (ವ್ಯಂಗ್ಯಚಿತ್ರಕಾರ ಮತ್ತು ಬರಹಗಾರ), ಮತ್ತು ಬಿನುರಾಜ್ ಕಲಾಪೀಠಂ (ಚಿತ್ರಕಾರ ಮತ್ತು ಸಾಕ್ಷ್ಯಚಿತ್ರ ನಿರ್ದೇಶಕ) ಟ್ರಸ್ಟ್‍ನ ಸದಸ್ಯರಾಗಿದ್ದಾರೆ.

ಕಲಾಭಿಮಾನಿಗಳಿಂದ ಹೆಚ್ಚು ಗೌರವಿಸಲ್ಪಟ್ಟ ನಂಬೂದಿರಿ ಅವರ ಜೀವನ ಮತ್ತು ಕಲಾತ್ಮಕ ಕೃತಿಗಳು ಪೀಳಿಗೆಗಳ ಮೇಲೆ ಪ್ರಭಾವ ಬೀರಿವೆ. ಸಾಹಿತ್ಯ ಚಿತ್ರಣ ಮತ್ತು ಭಾರತೀಯ ಸಿನಿಮಾಕ್ಕೆ ಅವರ ಕೊಡುಗೆಗಳು ಸಾಟಿಯಿಲ್ಲ.

ನಂಬೂದಿರಿ ಅವರ ಕಲಾತ್ಮಕ ಪರಂಪರೆಯನ್ನು ಗೌರವಿಸಲು ಮತ್ತು ಅವರು ಪೆÇ್ರೀತ್ಸಾಹಿಸಿದ ಕಲಾ ಕ್ಷೇತ್ರಗಳಲ್ಲಿ ಸೃಜನಶೀಲ ಶ್ರೇಷ್ಠತೆಯನ್ನು ಬೆಳೆಸಲು ಟ್ರಸ್ಟ್ ಪ್ರಯತ್ನಗಳನ್ನು ಮಾಡುತ್ತದೆ.

ನಂಬೂದಿರಿ ಅವರ ಕೊಡುಗೆಗಳ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ಭಾರತದಲ್ಲಿ ದೃಶ್ಯ ಮತ್ತು ಪ್ರದರ್ಶನ ಕಲೆಗಳನ್ನು ಉತ್ತೇಜಿಸಲು ಟ್ರಸ್ಟ್ ವಿಚಾರ ಸಂಕಿರಣಗಳು, ಕಾರ್ಯಾಗಾರಗಳು ಮತ್ತು ಪ್ರದರ್ಶನಗಳಂತಹ ಸಾಂಸ್ಕøತಿಕ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ.