ಅಚ್ಚರಿ: ಗುಜರಿ ವಸ್ತುಗಳಿಂದ ವಿಮಾನ ತಯಾರಿಸಿ ಹಾರಿಸಿದ ಬಿಹಾರದ ಬಾಲಕ

ಮುಜಾಫರ್ ಪುರ: ಪುಟ್ಟ ಬಾಲಕನೊಬ್ಬ ಗುಜರಿ ವಸ್ತುಗಳಿಂದ ಕಡಿಮೆ ವೆಚ್ಚದಲ್ಲಿ ವಿಮಾನ ತಯಾರಿಸಿ ಅದನ್ನು ಯಶಸ್ವಿಯಾಗಿ ಹಾರಾಟ ಕೂಡ ನಡೆಸಿರುವ ವಿಡಿಯೋವೊಂದು ವ್ಯಾಪಕ ವೈರಲ್ ಆಗುತ್ತಿದೆ.

ಹೌದು.. ಕಸದಿಂದ ರಸ ಎಂಬ ಮಾತು ಬಿಹಾರದ ಈ ಪುಟ್ಟ ಬಾಲಕನಿಗೆ ಅಕ್ಷರಶಃ ಒಪ್ಪುತ್ತದೆ. ಬಿಹಾರದ ಮುಜಫರ್ ನಗರದ ನಿವಾಸಿ ಅವನೀಶ್ ಕುಮಾರ್ ಎಂಬ ಬಾಲಕ ಗುಜರಿ ವಸ್ತುಗಳನ್ನು ಬಳಸಿ ವಿಮಾನ ತಯಾರಿಸಿದ್ದು ಮಾತ್ರವಲ್ಲದೇ ಅದನ್ನು ಯಶಸ್ವಿಯಾಗಿ ಹಾರಾಟ ಕೂಡ ನಡೆಸಿದ್ದಾನೆ.

ಬಾಲಕ ಅವನೀಶ್ ಕುಮಾರ್ ಎಂಬ ಬಾಲಕ ಗುಜರಿ ವಸ್ತುಗಳನ್ನು ಬಳಸಿ ಕೇವಲ 7,000 ರೂ. ವೆಚ್ಚದಲ್ಲಿ ಒಂದು ವಾರದಲ್ಲಿ ಹಾರುವ ವಿಮಾನವನ್ನು ತಯಾರಿಸಿ ಯಶಸ್ವಿ ಹಾರಾಟ ಕೂಡ ನಡೆಸಿದ್ದಾನೆ.

ಕೇವಲ ಸ್ಕ್ರ್ಯಾಪ್ ವಸ್ತುಗಳು ಮತ್ತು ಮೂಲಭೂತ ಯಾಂತ್ರಿಕ ಜ್ಞಾನವನ್ನು ಬಳಸಿಕೊಂಡು ಹಾರುವ ವಿಮಾನ ಮಾದರಿಯನ್ನು ನಿರ್ಮಿಸುವ ಮೂಲಕ ಬಾಲಕ ಅವನೀಶ್ ಕುಮಾರ್ ಜಗತ್ತಿನ ಗಮನ ಸೆಳೆದಿದ್ದಾರೆ.

ಯಾವುದೇ ಔಪಚಾರಿಕ ತರಬೇತಿ ಅಥವಾ ಸುಧಾರಿತ ಸಂಪನ್ಮೂಲಗಳೂ ಇಲ್ಲದೇ ಅವನೀಶ್ ಕೇವಲ 7,000 ರೂಪಾಯಿ ಖರ್ಚು ಮಾಡಿ ಕೇವಲ ಏಳು ದಿನಗಳಲ್ಲಿ ಈ ಗಮನಾರ್ಹ ವಿಮಾನ ನಿರ್ಮಾಣ ಯೋಜನೆಯನ್ನು ಪೂರ್ಣಗೊಳಿಸಿದ್ದಾನೆ ಎಂದು ಹೇಳಲಾಗಿದೆ.

ಬಾಲಕ ಅವನೀಶ್ ತಯಾರಿಸಿರುವ ಈ ಪುಟ್ಟ ವಿಮಾನವು 300 ಅಡಿಗಳವರೆಗೆ ಹಾರಬಲ್ಲ ಸಾಮರ್ಥ್ಯ ಹೊಂದಿದೆ ಎಂದು ಹೇಳಲಾಗಿದೆ.

ವೈಮಾನಿಕ ವಲಯದಲ್ಲಿ ಗಮನಾರ್ಹ ನಿರ್ಬಂಧಗಳ ಹೊರತಾಗಿಯೂ ನಂಬಲಾಗದ ನಾವೀನ್ಯತೆ ಮತ್ತು ಸಂಪನ್ಮೂಲಗಳ ಸಮರ್ಥ ಬಳಕೆಯ ಮೂಲಕ ಬಾಲಕ ಅವನೀಶ್ ವಿಮಾನ ತಯಾರಿಸಿರುವುದು ವಿಜ್ಞಾನಿಗಳ ಗಮನ ಸೆಳೆದಿದೆ.

ಈ ಸ್ಪೂರ್ತಿದಾಯಕ ಸಾಧನೆಯು ಸಾಮಾಜಿಕ ಮಾಧ್ಯಮದಲ್ಲಿ ತಳಮಟ್ಟದ ಸೃಜನಶೀಲತೆ ಮತ್ತು " ಇಂಡಿಯನ್ ಜುಗಾಡ್" ನ ಮನೋಭಾವದ ಪ್ರಬಲ ಉದಾಹರಣೆಯಾಗಿ ವ್ಯಾಪಕ ಮನ್ನಣೆಯನ್ನು ಗಳಿಸಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಶ್ಲಾಘನೆ

ಇನ್ನು ಬಾಲಕ ಅವನೀಶ್ ಸಾಧನೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಶ್ಲಾಘನೆ ವ್ಯಕ್ತವಾಗುತ್ತಿದೆ. ಸೀಮಿತ ವಿಧಾನಗಳೊಂದಿಗೆ ಪ್ರಾಯೋಗಿಕ ಪರಿಹಾರಗಳನ್ನು ಕಂಡುಹಿಡಿದಿರುವ ಅವನೀಶ್ ಕಥೆಯು ಎಲ್ಲೆಡೆ ಯುವ ಮನಸ್ಸುಗಳನ್ನು ವಿಜ್ಞಾನ ಮತ್ತು ಎಂಜಿನಿಯರಿಂಗ್‌ನಲ್ಲಿ ತಮ್ಮ ಕನಸುಗಳನ್ನು ಮುಂದುವರಿಸಲು ಪ್ರೋತ್ಸಾಹಿಸುತ್ತದೆ.

ಉತ್ಸಾಹ ಮತ್ತು ದೃಢಸಂಕಲ್ಪವು ಅಡೆತಡೆಗಳನ್ನು ನಿವಾರಿಸಬಹುದು ಮತ್ತು ಅಸಾಧಾರಣ ಸಾಧನೆಗಳಿಗೆ ಕಾರಣವಾಗಬಹುದು ಎಂಬುದನ್ನು ಸಾಬೀತುಪಡಿಸುತ್ತದೆ ಎಂದು ಕೆಲ ನೆಟ್ಟಿಗರು ಕೊಂಡಾಡಿದ್ದಾರೆ.

ಆದರೆ ಬಾಲಕ ಅವನೀಶ್ ಕುಮಾರ್ ನ ಈ ವಿಮಾನದ ಕುರಿತು ಅಧಿಕಾರಿಗಳಿಂದ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದರೆ ಬಾಲಕ ವಿಮಾನ ಹಾರಿಸುತ್ತಿರುವ ವಿಡಿಯೋ ವ್ಯಾಪಕ ವೈರಲ್ ಆಗುತ್ತಿದೆ.