ಕುಂಬಳೆ ಪಂಚಾಯತಿ ಅಧ್ಯಕ್ಷೆ ವಿರುದ್ಧ ಬಿಜೆಪಿ ಮಂಡಿಸಿದ ಅವಿಶ್ವಾಸ ಗೊತ್ತುವಳಿ ಪರಾಜಯ: ಮೆರವಣಿಗೆ ನಡೆಸಿ ವಂಚನೆ ಬಯಲಾಗದಂತೆ ಜನರಿಗೆ ಮಣ್ಣೆರಚಲು ಯತ್ನ

ಕುಂಬಳೆ: ಕುಂಬಳೆ ಗ್ರಾಮ ಪಂಚಾಯತ್ ಅಧ್ಯಕ್ಷರ ವಿರುದ್ಧ ಬಿಜೆಪಿ ಇಂದು ಮಂಡಿಸಿದ್ದ ಅವಿಶ್ವಾಸ ಗೊತ್ತುವಳಿಗೆ ಸೋಲಾಗಿದೆ. 9 ಸದಸ್ಯರನ್ನು ಹೊಂದಿರುವ ಬಿಜೆಪಿಯನ್ನು ಬೆಂಬಲಿಸಲು ಯಾರೂ ಸಿದ್ಧರಿಲ್ಲದಿರುವುದು ಅವಿಶ್ವಾಸ ಗೊತ್ತುವಳಿಯ ವೈಫಲ್ಯಕ್ಕೆ ಕಾರಣ.

ಅವಿಶ್ವಾಸ ಗೊತ್ತುವಳಿಯ ಕುರಿತು ಬಿಸಿ ಚರ್ಚೆ ನಡೆಯಿತು. ಚರ್ಚೆಯ ನಂತರ, ಸಿಪಿಐ(ಎಂ) ಮತ್ತು ಎಸ್‍ಡಿಪಿಐ ಸದಸ್ಯರು ಹೊರನಡೆದರು. ಯುಡಿಎಫ್ ಅವಿಶ್ವಾಸ ಗೊತ್ತುವಳಿಯಿಂದ ಪಾರಾಗುತ್ತಿದ್ದಂತೆ ಕುಂಬಳೆಯಲ್ಲಿ ಯುಡಿಎಫ್ ಕಾರ್ಯಕರ್ತರು ಮತ್ತು ಜನಪ್ರತಿನಿಧಿಗಳು ಸಂಭ್ರಮಾಚರಣೆ ನಡೆಸಿದರು.

ಅವಿಶ್ವಾಸ ಗೊತ್ತುವಳಿ ಚರ್ಚೆಯ ನಂತರ ಹೊರಬಂದ ಸಿಪಿಐ(ಎಂ) ಸದಸ್ಯರು ಮತ್ತು ಎಲ್‍ಡಿಎಫ್ ಕಾರ್ಯಕರ್ತರು:

ಅವಿಶ್ವಾಸ ಗೊತ್ತುವಳಿ ಚರ್ಚೆಯ ನಂತರ ಹೊರಬಂದ ಸಿಪಿಐ(ಎಂ) ಸದಸ್ಯರು ಮತ್ತು ಎಲ್‍ಡಿಎಫ್ ಕಾರ್ಯಕರ್ತರು ಕುಂಬಳೆಯಲ್ಲಿ ಮೆರವಣಿಗೆ ನಡೆಸಿದರು. ಪಂಚಾಯತ್‍ನಲ್ಲಿ ಯುಡಿಎಫ್, ಎಲ್‍ಡಿಎಫ್ ಮತ್ತು ಎಸ್‍ಡಿಪಿಐ ನಡುವಿನ ಅಪವಿತ್ರ ಮೈತ್ರಿಯನ್ನು ಪ್ರತಿಭಟಿಸಲು ಬಿಜೆಪಿಯ ಕಾರ್ಯಕರ್ತರೂ ಕುಂಬಳೆಯಲ್ಲಿ ಮೆರವಣಿಗೆ ನಡೆಸಿದರು.

ಸ್ಥಳೀಯ ರಾಜಕೀಯದಲ್ಲಿ ಈ ಘಟನೆ ಪ್ರಹಸನವಾಗಿ ಜನರ ಹತಾಶೆ ಮತ್ತು ಕುತೂಹಲ ಎರಡಕ್ಕೂ ಕಾರಣವಾಯಿತು.