ಡಿಜಿಟಲೀಕೃತ ಎಣಿಕೆ ನಮೂನೆ(ಎಸ್.ಐ.ಆರ್.)ಗಳ ಸಂಖ್ಯೆ 51,38,838 ಕ್ಕೆ ಏರಿಕೆ

ತಿರುವನಂತಪುರಂ: ರಾಜ್ಯದಲ್ಲಿ ಡಿಜಿಟಲೀಕೃತ ಎನ್ಯುಮರೇಶನ್ ನಮೂನೆಗಳ(ಎಸ್.ಐ.ಆರ್) ಸಂಖ್ಯೆ 51,38,838 ಕ್ಕೆ ಏರಿಕೆಯಾಗಿದೆ ಎಂದು ಮುಖ್ಯ ಚುನಾವಣಾ ಅಧಿಕಾರಿ ಡಾ. ರತನ್ ಯು ಕೇಳ್ಕರ್ ಹೇಳಿದ್ದಾರೆ. ಇದು ವಿತರಿಸಲಾದ ಒಟ್ಟು ನಮೂನೆಗಳಲ್ಲಿ 18.45% ರಷ್ಟಿದೆ. ಹಿಂದಿನ ದಿನಗಳಿಗೆ ಹೋಲಿಸಿದರೆ ನಿನ್ನೆ ಉತ್ತಮ ಪ್ರಗತಿ ಗೋಚರಿಸಿದೆ. ನಗರದ ಕೆಲವು ಸಂಗ್ರಹಣಾ ಕೇಂದ್ರಗಳಿಗೆ ಭೇಟಿ ನೀಡಿದ್ದೇನೆ ಮತ್ತು ಬಿಎಲ್‍ಒಗಳು ತಮ್ಮ ಕರ್ತವ್ಯವನ್ನು ಬಹಳ ಉತ್ಸಾಹದಿಂದ ಪೂರೈಸುತ್ತಿದ್ದಾರೆ ಎಂದು ಅವರು ಹೇಳಿದರು. ಭಾನುವಾರವೂ ತಮ್ಮ ಕೆಲಸದಲ್ಲಿ ನಿರತರಾಗಿದ್ದ ಬಿಎಲ್‍ಒಗಳು ಮತ್ತು ಅವರ ಕುಟುಂಬ ಸದಸ್ಯರನ್ನು ಮುಖ್ಯ ಚುನಾವಣಾ ಅಧಿಕಾರಿ ಅಭಿನಂದಿಸಿದರು.

53,254 ಮತದಾರರು ನಮೂನೆಗಳನ್ನು ಆನ್‍ಲೈನ್‍ನಲ್ಲಿ ಸಲ್ಲಿಸಿದ್ದಾರೆ. ಇದು ಒಟ್ಟು ಮತದಾರರಲ್ಲಿ 0.19% ರಷ್ಟಿದೆ. ಮತದಾರರನ್ನು ಪತ್ತೆಹಚ್ಚಲು ಸಾಧ್ಯವಾಗದ ಫಾರ್ಮ್‍ಗಳ ಸಂಖ್ಯೆ 1,64,631 ಕ್ಕೆ ಏರಿದೆ ಎಂದು ಅವರು ಹೇಳಿದರು. ಇದು ನಿಖರವಾದ ಅಂಕಿ ಅಂಶವಲ್ಲ ಮತ್ತು ಎಲ್ಲಾ ಬಿಎಲ್‍ಒಗಳು ಸಂಪೂರ್ಣ ಡೇಟಾವನ್ನು ಡಿಜಿಟಲೀಕರಣಗೊಳಿಸಿಲ್ಲ ಹಾಗೂ  ನಿಜವಾದ ಅಂಕಿ ಅಂಶವು ತುಂಬಾ ಹೆಚ್ಚಾಗಿರಲಿದೆ ಎಂದು ಅವರು ಹೇಳಿದರು. ಬೂತ್ ಮಟ್ಟದ ಅಧಿಕಾರಿಗಳು ಚುನಾವಣಾ ಅಧಿಕಾರಿಗಳು ಮತ್ತು ಚುನಾವಣಾ ಸಾಕ್ಷರತಾ ಕ್ಲಬ್‍ಗಳ ಬೆಂಬಲದೊಂದಿಗೆ 'ಕಲೆಕ್ಷನ್ ಹಬ್'ಗಳಲ್ಲಿ ಕೆಲಸ ಮಾಡುವುದನ್ನು ಮುಂದುವರಿಸುತ್ತಾರೆ ಮತ್ತು ಇಂದು ಫಾರ್ಮ್‍ಗಳನ್ನು ಸ್ವೀಕರಿಸಲು ಮತ್ತು ಅಪ್‍ಲೋಡ್ ಮಾಡಲು ಸಾಧ್ಯವಾಗುತ್ತದೆ ಎಂದು ಡಾ. ರತನ್ ಯು ಕೇಳ್ಕರ್ ಹೇಳಿರುವರು.