ಕಾರಡ್ಕ ಸಿ.ಡಿ.ಎಸ್.ಗೆ ಮೈಕ್ರೋ ಕ್ರೆಡಿಟ್ ಸಾಲ ವಿತರಣೆ

ಮುಳ್ಳೇರಿಯ: ಕೇರಳ ರಾಜ್ಯ ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮ ಕಾಸರಗೋಡು ಜಿಲ್ಲಾ ಕಚೇರಿಯು ಮುಳ್ಳೇರಿಯ ರೋಸಲ್ಲಾ ಆಡಿಟೋರಿಯಂ ಸಹಯೋಗದೊಂದಿಗೆ ಕಾರಡ್ಕ  ಸಿಡಿಎಸ್‍ಗೆ ಮೈಕ್ರೋ ಕ್ರೆಡಿಟ್ ಸಾಲಗಳನ್ನು ಬುಧವಾರ ವಿತರಿಸಿತು. 

ಕಾರಡ್ಕ ಗ್ರಾಮ ಪಂಚಾಯತಿ ಅಧ್ಯಕ್ಷ ವಕೀಲ. ಗೋಪಾಲಕೃಷ್ಣ ಭಟ್ ಅಧ್ಯಕ್ಷತೆ ವಹಿಸಿದ್ದರು. ಶಾಸಕ ಎನ್.ಎ. ನೆಲ್ಲಿಕುನ್ನು ಉದ್ಘಾಟಿಸಿ ಕುಟುಂಬಶ್ರೀ ತಂಡಗಳಿಗೆ ರೂ. 3,00,00,000 ಸಾಲವನ್ನು ವಿತರಿಸಿದರು. ಕೆ.ಎಸ್.ಬಿ.ಸಿ.ಡಿ.ಸಿ. ಕಾಸರಗೋಡು ಜಿಲ್ಲಾ ವ್ಯವಸ್ಥಾಪಕ ಎನ್.ಎಂ. ಮೋಹನನ್ ನಿಗಮದ ವಿವಿಧ ಸಾಲ ಯೋಜನೆಗಳು ಮತ್ತು ಸಾಲ ಮರುಪಾವತಿ ಕುರಿತು ಪ್ರಸ್ತುತಿ ನೀಡಿದರು. 

ಸಹಾಯಕ ಜಿಲ್ಲಾ ಮಿಷನ್ ಸಂಯೋಜಕ ಹರಿದಾಸ್, ಕಾರಡ್ಕ ಗ್ರಾಮ ಪಂಚಾಯತಿ ಅಭಿವೃದ್ಧಿ ವ್ಯವಹಾರಗಳ ಸ್ಥಾಯಿ ಸಮಿತಿ ಅಧ್ಯಕ್ಷ ಕೆ.ಮುಹಮ್ಮದ್ ನಾಸರ್, ಕಲ್ಯಾಣ ವ್ಯವಹಾರಗಳ ಸ್ಥಾಯಿ ಸಮಿತಿ ಅಧ್ಯಕ್ಷೆ ಪುಷ್ಪಾ, ಸದಸ್ಯರಾದ ಚಿತ್ರಕಲಾ ಟಿ.ಎನ್, ತಾಹಿರಾ, ಸತ್ಯವತಿ, ಎ.ಪ್ರಸಿಜಾ ಮತ್ತು ರೂಪಾ ಸತ್ಯನ್ ಮಾತನಾಡಿದರು. ಕೆ.ಎಸ್.ಬಿ.ಸಿ.ಡಿ.ಸಿ. ಕಾಸರಗೋಡು ಯೋಜನಾ ಸಹಾಯಕ ಇರ್ಷಾದ್.ಕೆ.ಕೆ ನಿಗಮದ ವಿವಿಧ ಸಾಲ ಯೋಜನೆಗಳ ಕುರಿತು ಪ್ರಸ್ತುತಿ ನೀಡಿದರು. ಕಾರಡ್ಕ ಸಿಡಿಎಸ್ ಅಧ್ಯಕ್ಷೆ ಸವಿತಾ ನಾರಾಯಣನ್ ಸ್ವಾಗತಿಸಿ, ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಎ. ಅಜೇಶ್ ವಂದಿಸಿದರು.