ಗ್ರಾಹಕರ ಅನುಭವವನ್ನು ಸುಧಾರಿಸಲು 'ಮೆಟಾ ಕ್ಯಾಚಿಂಗ್' ತಂತ್ರಜ್ಞಾನ ಪ್ರಾರಂಭಿಸಿದ ಕೆ-ಪೋನ್

ಕೊಚ್ಚಿ: ಕೆ-ಪೋನ್ ಮೆಟಾ ಕ್ಯಾಚಿಂಗ್ ತಂತ್ರಜ್ಞಾನವನ್ನು ಪ್ರಾರಂಭಿಸಿದೆ. ಈ ವ್ಯವಸ್ಥೆಯ ಪರಿಚಯದೊಂದಿಗೆ, ಕೆ-ಪೋನ್ ಗ್ರಾಹಕರು ಫೇಸ್‍ಬುಕ್ ಮತ್ತು ಇನ್‍ಸ್ಟಾಗ್ರಾಮ್‍ನಂತಹ ಮೆಟಾ ಪ್ಲಾಟ್‍ಫಾರ್ಮ್‍ಗಳಿಗೆ ವೇಗವಾಗಿ ಪ್ರವೇಶವನ್ನು ಪಡೆಯುತ್ತಾರೆ ಮತ್ತು ಇದು ಉತ್ತಮ ವೀಡಿಯೊ ಗುಣಮಟ್ಟ ಮತ್ತು ಸುಗಮ ಸ್ಟ್ರೀಮಿಂಗ್ ಅನ್ನು ಖಚಿತಪಡಿಸುತ್ತದೆ. ಕೊಚ್ಚಿಯಲ್ಲಿರುವ ಕೆ-ಪೋನ್‍ನ ನೆಟ್‍ವರ್ಕ್ ಆಪರೇಷನ್ಸ್ ಸೆಂಟರ್‍ನಲ್ಲಿ ಮೆಟಾ ಕ್ಯಾಚಿಂಗ್ ತಂತ್ರಜ್ಞಾನವನ್ನು ಸ್ಥಾಪಿಸಲಾಗಿದೆ. 

ಸಾಮಾಜಿಕ ಮಾಧ್ಯಮ ಮತ್ತು ಇತರ ಡಿಜಿಟಲ್ ಪ್ಲಾಟ್‍ಫಾರ್ಮ್‍ಗಳ ಪರಿಣಾಮಕಾರಿ ಕಾರ್ಯಾಚರಣೆಗಳ ಮೂಲಕ ಉತ್ತಮ ಗ್ರಾಹಕ ಸೇವೆಯನ್ನು ಖಚಿತಪಡಿಸಿಕೊಳ್ಳಲು ಈ ನವೀನ ವ್ಯವಸ್ಥೆಯನ್ನು ಪರಿಚಯಿಸಲಾಗಿದೆ. ಅತ್ಯಾಧುನಿಕ ಕ್ಯಾಚಿಂಗ್ ಮತ್ತು ಟ್ರಾಫಿಕ್ ಆಪ್ಟಿಮೈಸೇಶನ್ ತಂತ್ರಜ್ಞಾನಗಳ ಸಹಾಯದಿಂದ, ಡೇಟಾ ಲೇಟೆನ್ಸಿಯನ್ನು ಕಡಿಮೆ ಮಾಡಬಹುದು, ನೆಟ್‍ವರ್ಕ್ ಟ್ರಾಫಿಕ್ ಮತ್ತು ಅಂತರರಾಷ್ಟ್ರೀಯ ಬ್ಯಾಂಡ್‍ವಿಡ್ತ್ ಬಳಕೆಯನ್ನು ಕಡಿಮೆ ಮಾಡಬಹುದು. ಇದು ಹೆಚ್ಚು ಸ್ಥಿರ ಮತ್ತು ವೇಗವಾದ ಇಂಟರ್ನೆಟ್ ಅನುಭವವನ್ನು ಒದಗಿಸುತ್ತದೆ.

ಈ ಅಪ್‍ಗ್ರೇಡ್ ಕೆ-ಪೋನ್ ನೆಟ್‍ವರ್ಕ್ ಟ್ರಾಫಿಕ್ ಅನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಿರ್ವಹಿಸಲು ಮತ್ತು ಡೇಟಾ ಬಳಕೆ ಹೆಚ್ಚಾದಾಗಲೂ ಹೆಚ್ಚಿನ ಸೇವಾ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು ಅನುವು ಮಾಡಿಕೊಡುತ್ತದೆ.

ರಾಜ್ಯದಾದ್ಯಂತ ಡಿಜಿಟಲ್ ರೂಪಾಂತರ ಮತ್ತು ಮೂಲಸೌಕರ್ಯ ಆಧುನೀಕರಣದ ಭಾಗವಾಗಿ ಕೆಫೆÇೀನ್ ಅಂತಹ ತಂತ್ರಜ್ಞಾನಗಳನ್ನು ಕಾರ್ಯಗತಗೊಳಿಸುತ್ತಿದೆ. ಮೆಟಾ-ಕ್ಯಾಚಿಂಗ್ ವ್ಯವಸ್ಥೆಯ ಮೂಲಕ ಮನೆಗಳು, ಇತರ ಸಂಸ್ಥೆಗಳು ಮತ್ತು ಸರ್ಕಾರಿ ಕಚೇರಿಗಳಿಗೆ ಉತ್ತಮ ಇಂಟರ್ನೆಟ್ ಸೇವೆಯನ್ನು ಒದಗಿಸಲು ಕೆಫೆÇೀನ್ ಸಾಧ್ಯವಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.