ವಾಟ್ಸಾಪ್ ಸಂದೇಶದ ಮೂಲಕ ತ್ರಿವಳಿ ತಲಾಖ್; ಸಿಎಂ ಮತ್ತು ಡಿಜಿಪಿಗೆ ದೂರು, ಪತಿಯ ವಿರುದ್ಧ ಪ್ರಕರಣ

ಮುವಾಟ್ಟುಪುಳ: ಪತ್ನಿಯ ದೂರಿನ ಮೇರೆಗೆ ವಾಟ್ಸಾಪ್ ಸಂದೇಶದ ಮೂಲಕ ತ್ರಿವಳಿ ತಲಾಖ್ ಹೇಳಿದ ಪತಿಯ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಆಲಪ್ಪುಳದ ಕಾಯಂಕುಳಂನ ಮಲಮೇಲ್‍ನ ಕಲಿಯಿಕ್ಕಲ್ ಚಿರಯಿಲ್‍ನ ಸುಹೈಲ್ ವಿರುದ್ಧ ಮುವಾಟ್ಟುಪುಳ ಪೋಲೀಸರು ಪ್ರಕರಣ ದಾಖಲಿಸಿದ್ದಾರೆ. 

ಮುವಾಟ್ಟುಪುಳದಲ್ಲಿರುವ ಹಾಸ್ಟೆಲ್‍ನಲ್ಲಿ ವಾಸಿಸುವ ಮತ್ತು ಕೆಲಸ ಮಾಡುವ ಆಲಪ್ಪುಳ ಮೂಲದ ಅಮಿನಾ ಮೊಹಮ್ಮದ್ ಅವರ ದೂರಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ನಿರಂತರ ಸಮಸ್ಯೆಗಳಿಂದಾಗಿ ಪತಿಯಿಂದ ದೂರವಾಗಿದ್ದ ಅಮಿನಾ ಅವರಿಗೆ 4 ನೇ ತಾರೀಖಿನಂದು ವಾಟ್ಸಾಪ್ ಸಂದೇಶದ ಮೂಲಕ ತ್ರಿವಳಿ ತಲಾಖ್ ನೀಡಿರುವುದಾಗಿ ಸುಹೈಲ್ ಮಾಹಿತಿ ನೀಡಿದರು. ನಂತರ ಅಮಿನಾ 'ಟುನಾ' ಮೂಲಕ ಮುವಾಟ್ಟುಪುಳ ಪೋಲೀಸರಿಗೆ ದೂರು ನೀಡಿದರು. 7 ನೇ ತಾರೀಖಿನಂದು ಮುಖ್ಯಮಂತ್ರಿ ಮತ್ತು ಡಿಜಿಪಿಗೆ ದೂರು ಸಲ್ಲಿಸಲಾಯಿತು. ಇದರ ನಂತರ, ಮುವಾಟ್ಟುಪುಳ ಪೋಲೀಸರು ತ್ರಿವಳಿ ತಲಾಖ್ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ.

ಸೋಮವಾರ ಅಮೀನಾ ಅವರ ಹೇಳಿಕೆಯನ್ನು ದಾಖಲಿಸಲಾಗಿದೆ. ವಾಟ್ಸಾಪ್ ಸಂದೇಶ ಸೇರಿದಂತೆ ದಾಖಲೆಗಳನ್ನು ಪೆÇಲೀಸರು ಸಂಗ್ರಹಿಸಿದ್ದಾರೆ. ಆಲಪ್ಪುಳದಲ್ಲಿರುವ ಅಮೀನಾ ಅವರ ಮನೆಯ ಮೇಲೆ ದಾಳಿ ಮಾಡಿದ್ದಕ್ಕಾಗಿ ಹರಿಪಾಡ್ ಪೋಲೀಸರಲ್ಲಿ ಸುಹೈಲ್ ವಿರುದ್ಧ ಮತ್ತೊಂದು ಪ್ರಕರಣ ಬಾಕಿ ಇದೆ.

ಅವರ ವಿವಾಹ 2016 ರಲ್ಲಿ ನಡೆದಿತ್ತು. ಇದಕ್ಕೂ ಮೊದಲು ಕೌಟುಂಬಿಕ ಹಿಂಸೆ ಮತ್ತು ಪೋಲೀಸ್ ಹಸ್ತಕ್ಷೇಪದ ಬಗ್ಗೆ ಹಲವಾರು ದೂರುಗಳು ಬಂದಿವೆ. ಇತರ ಪ್ರಕರಣಗಳನ್ನು ಒಳಗೊಂಡಂತೆ ವಿವರವಾದ ಸಾಕ್ಷ್ಯ ಸಂಗ್ರಹ ಮತ್ತು ತನಿಖೆ ನಡೆಸುವುದಾಗಿ ಮುವಾಟ್ಟುಪುಳ ಪೋಲೀಸರು ತಿಳಿಸಿದ್ದಾರೆ.