ಕೇರಳದ ವಿದ್ಯುತ್ತು ವಲಯದಲ್ಲಿ ಹೊಸ ಇತಿಹಾಸ ನಿರ್ಮಿಸಿದ ಮೈಲಾಟಿ 220 ಕೆವಿ ಸಬ್‍ಸ್ಟೇಷನ್: ರಾಜ್ಯದ ಮೊದಲ 125 ಮೆಗಾವ್ಯಾಟ್ ಬ್ಯಾಟರಿ ಶಕ್ತಿ ಸಂಗ್ರಹ ಯೋಜನೆ; ಸಚಿವ ಕೆ. ಕೃಷ್ಣನ್‍ಕುಟ್ಟಿ ಶಂಕುಸ್ಥಾಪನೆ

ಕಾಸರಗೋಡು: ಮೈಲಾಟಿ 220 ಕೆವಿ ಸಬ್‍ಸ್ಟೇಷನ್ ಕೇರಳದ ವಿದ್ಯುತ್ತು ವಲಯದಲ್ಲಿ ಹೊಸ ಇತಿಹಾಸ ಸೃಷ್ಟಿಸಿದೆ. ಮೈಲಾಟಿ 220 ಕೆವಿ ಸಬ್‍ಸ್ಟೇಷನ್‍ನಲ್ಲಿ ಸ್ಥಾಪಿಸಲಾಗುವ 125 ಮೆಗಾವ್ಯಾಟ್ ಮತ್ತು 500 ಮೆಗಾವ್ಯಾಟ್ ಬ್ಯಾಟರಿ ಇಂಧನ ಸಂಗ್ರಹ ವ್ಯವಸ್ಥೆ (ಬಿಇಎಸ್‍ಎಸ್) ನಿರ್ಮಾಣವನ್ನು ವಿದ್ಯುತ್ ಸಚಿವ ಕೆ. ಕೃಷ್ಣನ್ ಕುಟ್ಟಿ ಆನ್‍ಲೈನ್‍ನಲ್ಲಿ ಉದ್ಘಾಟಿಸಿದರು. 

 ಕಾಸರಗೋಡಿನ ಇಂಧನ ಕ್ರಾಂತಿಯ ಭಾಗವಾಗಲು ಸಂತೋಷವಾಗಿದೆ ಎಂದು ಅವರು ಹೇಳಿದರು ಮತ್ತು ಪ್ರಸ್ತುತ ಕೇರಳದ ಇಂಧನ ವಲಯದಲ್ಲಿ ದೊಡ್ಡ ಬದಲಾವಣೆಗಳು ನಡೆಯುತ್ತಿವೆ ಮತ್ತು ಕಾಸರಗೋಡು ಜಿಲ್ಲೆಯ ವಿವಿಧ ವಿದ್ಯುತ್ ಸಮಸ್ಯೆಗಳನ್ನು ಈ ಯೋಜನೆಯ ಮೂಲಕ ಪರಿಹರಿಸಬಹುದು.ಗ್ರಾಹಕರಿಗೆ ಗುಣಮಟ್ಟದ ಸೇವೆಯನ್ನು ಖಚಿತಪಡಿಸುವುದು ಸರ್ಕಾರದ ಗುರಿಯಾಗಿದೆ ಎಂದು ಸಚಿವರು ಹೇಳಿದರು. 

ಸಮಾರಂಭದ ಅಧ್ಯಕ್ಷತೆಯನ್ನು ಶಾಸಕ ಸಿ.ಎಚ್. ಕುಂಞಂಬು ವಹಿಸಿದ್ದರು. ಸಂಸದ ರಾಜಮೋಹನ್ ಉನ್ನಿತಾನ್ ಮುಖ್ಯ ಅತಿಥಿಯಾಗಿದ್ದರು. ಕೆಎಸ್‍ಇಬಿಎಲ್ ವಿತರಣೆ ಮತ್ತು ಮಾನವ ಸಂಪನ್ಮೂಲ ನಿರ್ವಹಣೆ ನಿರ್ದೇಶಕ ಪಿ. ಸುರೇಂದ್ರ ಸಮಾರಂಭವನ್ನು ಸ್ವಾಗತಿಸಿದರು. ಕೆಎಸ್‍ಇಬಿಎಲ್ ಜನರೇಷನ್-ಎಲೆಕ್ಟ್ರಿಕಲ್, ರೀಸ್ ನಿರ್ದೇಶಕ ಜಿ. ಸಜೀವ್ ಯೋಜನಾ ವರದಿಯನ್ನು ಮಂಡಿಸಿದರು.

2050 ರ ವೇಳೆಗೆ ಕೇರಳವನ್ನು ಸಂಪೂರ್ಣವಾಗಿ ನವೀಕರಿಸಬಹುದಾದ ವಿದ್ಯುತ್ತು ಮೂಲಗಳ ಮೇಲೆ ಅವಲಂಬಿತವಾಗಿರುವ 'ನೆಟ್ ಕಾರ್ಬನ್ ನೂಟ್ರಲ್ 'ರಾಜ್ಯವನ್ನಾಗಿ ಮಾಡುವ ಗುರಿಯತ್ತ ಇದು ನಿರ್ಣಾಯಕ ಹೆಜ್ಜೆಯಾಗಿದೆ. ಈ ಯೋಜನೆಯು ದೇಶದಲ್ಲಿ ಮೊದಲ ನಾಲ್ಕು ಗಂಟೆಗಳ ಶೇಖರಣಾ ವ್ಯವಸ್ಥೆ ಎಂಬ ಹೆಗ್ಗಳಿಕೆಯನ್ನು ಹೊಂದಿದೆ. ಈ ಯೋಜನೆಯನ್ನು ಜೆಎಸ್‍ಡಬ್ಲ್ಯೂ ಎನರ್ಜಿ ಲಿಮಿಟೆಡ್ 'ಬಿಲ್ಡ್ ಆನ್ ಆಪರೇಟ್' (ಬಿಒಒ) ಮಾದರಿಯಲ್ಲಿ ರೂ. 135 ಕೋಟಿ ಕೇಂದ್ರ ನೆರವಿನೊಂದಿಗೆ ಕಾರ್ಯಗತಗೊಳಿಸುತ್ತಿದೆ.

ಕೆಎಸ್‍ಇಬಿಎಲ್ ಸ್ವತಂತ್ರ ನಿರ್ದೇಶಕ ಅಡ್ವೋಕೇಟ್ ವಿ.ಮುರುಕದಾಸ್, ಕಾಞಂಗಾಡು ಬ್ಲಾಕ್ ಪಂಚಾಯತು ಅಧ್ಯಕ್ಷೆ ಕೆ.ಸುಜಾತ, ಉದುಮ ಗ್ರಾಮ ಪಂಚಾಯತು ಅಧ್ಯಕ್ಷ ಪಿ.ವಿ. ರಾಜೇಂದ್ರನ್, ಮುಖ್ಯ ಇಂಜಿನಿಯರ್‍ಗಳಾದ ಕೆ.ಶಾಂತಿ ಮತ್ತು ಹರೀಶನ್ ಮೊಟ್ಟಮ್ಮಾಳ್ ಅವರು ಸಮಾರಂಭದಲ್ಲಿ ಭಾಗವಹಿಸಿದ್ದರು. ಜಿಲ್ಲಾ ಪಂಚಾಯತಿ ಸದಸ್ಯೆ ಟಿ.ವಿ.ರಾಧಿಕಾ, ಕಾಞಂಗಾಡು ಬ್ಲಾಕ್ ಪಂಚಾಯತಿ ಸದಸ್ಯ ಬಶೀರ್ ಪಕ್ಕ್ಯಾರ, ಉದುಮ ಗ್ರಾಮ ಪಂಚಾಯತಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ಪಿ.ಲಕ್ಷ್ಮಿ, ವಿದ್ಯುತ್ ನಿರೀಕ್ಷಕ ಟಿ.ಕೆ. ಶ್ರೀಜಾ, ಜೆ.ಎಸ್.ಡಬ್ಲ್ಯೂ. ಎನರ್ಜಿ ಲಿಮಿಟೆಡ್ ಪ್ರತಿನಿಧಿ ಇಳಂಗೋ ಬಾಲಸುಬ್ರಮಣ್ಯಂ, ಕಾಸರಗೋಡು ಇಂಡಸ್ಟ್ರಿಯಲ್ ಅಸೋಸಿಯೇಶನ್ ಪ್ರತಿನಿಧಿ ಎಸ್.ರಾಜಾರಾಂ, ಕೇರಳ ವರ್ತಕರ ಮತ್ತು ಕೈಗಾರಿಕಾ ಸಮನ್ವಯ ಸಮಿತಿ ಸದಸ್ಯ ಕೆ.ಎಂ. ಅಹಮದ್ ಶೆರೀಫ್ ಸಹ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕೆಎಸ್‍ಇಬಿಎಲ್ ಉಪ ಮುಖ್ಯ ಎಂಜಿನಿಯರ್ ಪಿ.ಎ. ಆಶಾ ವಂದಿಸಿದರು. ಈ ಯೋಜನೆಯು ಅಕ್ಟೋಬರ್ 2026 ರೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ

ಯೋಜನೆಯ ವಿವರಗಳು:

ಕೇರಳದ ವಿದ್ಯುತ್ ವಿತರಣಾ ಜಾಲವನ್ನು ಹೆಚ್ಚು ಬಲಿಷ್ಠಗೊಳಿಸುವ ಉದ್ದೇಶದಿಂದ ಕಾಸರಗೋಡು ಜಿಲ್ಲೆಯ ಮೈಲಾಟಿ ಯಲ್ಲಿ ಅತ್ಯಾಧುನಿಕ ಬ್ಯಾಟರಿ ಶಕ್ತಿ ಸಂಗ್ರಹ ವ್ಯವಸ್ಥೆ ಜೀವಂತವಾಗುತ್ತಿದೆ. ರಾಜ್ಯದಲ್ಲಿ ಮೊದಲನೆಯದು ಮತ್ತು ಭಾರತದ ಅತಿದೊಡ್ಡ ಬ್ಯಾಟರಿ ಸಂಗ್ರಹ ವ್ಯವಸ್ಥೆಗಳಲ್ಲಿ ಒಂದಾದ ಈ ಯೋಜನೆಯು ಮುಂಬರುವ ವಿದ್ಯುತ್ ಬಿಕ್ಕಟ್ಟುಗಳನ್ನು ನಿವಾರಿಸಲು ಕೆಎಸ್‍ಇಬಿಎ ಗೆ ಸಹಾಯ ಮಾಡುವ ಪ್ರಮುಖ ಮೈಲಿಗಲ್ಲು.

ಹಗಲಿನಲ್ಲಿ ಸೌರ ವಿದ್ಯುತ್ ಸ್ಥಾವರಗಳಿಂದ ಉತ್ಪತ್ತಿಯಾಗುವ ಹೆಚ್ಚುವರಿ ವಿದ್ಯುತ್ ಅನ್ನು ಸಂಗ್ರಹಿಸುವುದು ಮತ್ತು ಪೀಕ್ ಸಮಯದಲ್ಲಿ ಅದನ್ನು ಗ್ರಿಡ್‍ಗೆ ಹಿಂತಿರುಗಿಸುವುದು ಈ ಯೋಜನೆಯ ಪ್ರಾಥಮಿಕ ಕಾರ್ಯವಾಗಿದೆ. ಈ ಯೋಜನೆಯನ್ನು ಕೇಂದ್ರ ಸರ್ಕಾರದ ಕಾರ್ಯಸಾಧ್ಯತಾ ಅಂತರ ನಿಧಿಯೊಂದಿಗೆ ಕಾರ್ಯಗತಗೊಳಿಸಲಾಗುತ್ತಿದೆ. ಸುಮಾರು 125 ಮೆಗಾ ವಾಟ್ ಸಾಮಥ್ರ್ಯವಿರುವ ಈ ಸ್ಥಾವರವು ದಿನಕ್ಕೆ ಐದು ಲಕ್ಷ ಯೂನಿಟ್ ವಿದ್ಯುತ್ ಅನ್ನು ನಿರ್ವಹಿಸಬಲ್ಲದು.

ಮೈಲಟ್ಟಿ 220 ಕೆವಿ ಸಬ್‍ಸ್ಟೇಷನ್ ಕಾಂಪೌಂಡ್‍ನಲ್ಲಿ ಜೆಎಸ್‍ಡಬ್ಲ್ಯೂ ನಿಯೋ ಎನರ್ಜಿ ಎಂಬ ಖಾಸಗಿ ಕಂಪನಿಯು ಈ ಸ್ಥಾವರವನ್ನು ನಿರ್ಮಿಸುತ್ತಿದೆ. ನಿಗದಿತ ಸಮಯದೊಳಗೆ ನಿರ್ಮಾಣ ಪೂರ್ಣಗೊಂಡರೆ ಒಪ್ಪಂದದ ಪ್ರಕಾರ 8 ಕೋಟಿ ರೂ.ಗಳಿಗಿಂತ ಹೆಚ್ಚಿನ ಪೆÇ್ರೀತ್ಸಾಹ ಧನವನ್ನು ನೀಡಲು ಮಂಡಳಿ ನಿರ್ಧರಿಸಿದೆ. ಯೋಜನೆ ಸಂಪೂರ್ಣವಾಗಿ ಕಾರ್ಯರೂಪಕ್ಕೆ ಬಂದ ನಂತರ, ಕೆಎಸ್‍ಇಬಿ ರಾತ್ರಿ ವೇಳೆ ಹೆಚ್ಚಿನ ಬೆಲೆಗೆ ಹೊರಗಿನಿಂದ ವಿದ್ಯುತ್ ಖರೀದಿಸುವುದನ್ನು ತಪ್ಪಿಸಲು ಸಾಧ್ಯವಾಗುತ್ತದೆ.

ಕಾಸರಗೋಡು ಜಿಲ್ಲೆಯನ್ನು ಸೌರಶಕ್ತಿ ಉತ್ಪಾದನೆಯ ಕೇಂದ್ರವನ್ನಾಗಿ ಮಾಡುವ ಕ್ರಮದ ಭಾಗವೂ ಇದಾಗಿದೆ. ಮೈಲಾಟಿಯ ಹೊರತಾಗಿ,ಶ್ರೀಕಾಂಟಪುರ, ಪೆÇೀತನ್ ಗೋಡು, ಅರಿಕೋಡು, ಎಂಬಿ ಸ್ಥಳಗಳಲ್ಲಿ ವಿದ್ಯುತ್ ಇಲಾಖೆಯು ಇದೇ ರೀತಿಯಲ್ಲಿ ಸಣ್ಣ ಪ್ರಮಾಣದ ಬ್ಯಾಟರಿ ಸಂಗ್ರಹ ಕೇಂದ್ರಗಳನ್ನು ಸ್ಥಾಪಿಸಲು ಕ್ರಮಗಳನ್ನು ಪ್ರಾರಂಭಿಸಿದೆ. ಮೈಲಟ್ಟಿ ಯೋಜನೆಯನ್ನು ವಾಣಿಜ್ಯ ಆಧಾರದ ಮೇಲೆ ಪ್ರಾರಂಭಿಸುವ ಗುರಿಯನ್ನು ಅಧಿಕಾರಿಗಳು ಅಕ್ಟೋಬರ್ ವೇಳೆಗೆ ಮೈಲಾಟಿ ಯೋಜನೆಯನ್ನು ವಾಣಿಜ್ಯ ಆಧಾರದ ಮೇಲೆ ನಿರ್ವಹಿಸಲು ಅಧಿಕಾರಿಗಳು ಗುರಿಯನ್ನು ಹೊಂದಿದ್ದಾರೆ.