ಅಡೂರ್ ಗೇರು ತೋಟದಲ್ಲಿ ಕೃಷಿ ಉತ್ಸವ ಆರಂಭ

ಮುಳ್ಳೇರಿಯ: ಕೃಷಿ ಮಂಡಳಿ ಮತ್ತು ಗೇರು ಅಭಿವೃದ್ಧಿ ಕಚೇರಿಯ ಜಂಟಿ ಆಶ್ರಯದಲ್ಲಿ ಅಡೂರು ಗಾಳಿಮುಖ ಗೋಡಂಬಿ ಗೇರು ತೋಟದಲ್ಲಿ ಮೂರು ದಿನಗಳ ಕೃಷಿ ಉತ್ಸವ (ಗೋಡಂಬಿ ಕೃಷಿ, ಕೃಷಿ ಪ್ರದರ್ಶನ) ಪ್ರಾರಂಭವಾಗಿದೆ. ಜಿಲ್ಲಾ ಪಂಚಾಯತಿ ಉಪಾಧ್ಯಕ್ಷೆ ಕೆ.ಕೆ. ಸೋಯಾ ಕೃಷಿ ಉತ್ಸವವನ್ನು ಉದ್ಘಾಟಿಸಿದರು. ಕಾರಡ್ಕ ಗ್ರಾಮ ಪಂಚಾಯತಿ ಅಧ್ಯಕ್ಷೆ ಎಂ.ಜನನಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. 

ಕಾರಡ್ಕ ಬ್ಲಾಕ್ ಪಂಚಾಯತಿ ಅಧ್ಯಕ್ಷ ಸಿ.ಬಾಲನ್ ಮುಖ್ಯ ಭಾಷಣ ಮಾಡಿದರು. ಕಾಸರಗೋಡು ಪ್ರಧಾನ ಕೃಷಿ ಅಧಿಕಾರಿ ಪಿ.ರಾಘವೇಂದ್ರ ಯೋಜನೆಯನ್ನು ವಿವರಿಸಿದರು. ಕಾರಡ್ಕ ಬ್ಲಾಕ್ ಪಂಚಾಯತಿ ಉಪಾಧ್ಯಕ್ಷೆ ಬಿ.ಉಷಾ, ಕಾರಡುಕ್ಕ ಬ್ಲಾಕ್ ಪಂಚಾಯತಿ ಸದಸ್ಯೆ ರೂಪಾ ಸತ್ಯನ್, ಕಾರಡ್ಕ ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ದಾಮೋದರ ರಾವ್, ಕಾರಡ್ಕ ಗ್ರಾಮ ಪಂಚಾಯತಿ ಸದಸ್ಯ ಎ.ಬೇಬಿ, ಆತ್ಮ ಕಾಸರಗೋಡು ಯೋಜನಾ ನಿರ್ದೇಶಕ ಕೆ.ಆನಂದ, ಕಾರಡ್ಕ ಗ್ರಾಮ ಪಂಚಾಯತಿ ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಸವಿತಾ, ವಸಂತಿ, ಕೃಷಿ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಇ.ಎನ್. ಸುಹಾಸ್, ಕಾರಡ್ಕ ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಎ.ಅಜೇಶ್, ಅಡೂರ್ ಗಾಳಿಮುಖ ಗೇರು ತೋಟಗಾರಿಕೆ ಕೃಷಿ ಅಧಿಕಾರಿ ಎನ್. ಸೂರಜ್ ಮಾತನಾಡಿದರು. ಜಿಲ್ಲಾ ಪಂಚಾಯತಿ ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷೆ ಇರ್ಫಾನಾ ಇಕ್ಬಾಲ್ ಸ್ವಾಗತಿಸಿ, ಗೇರು ಅಭಿವೃದ್ಧಿ ಅಧಿಕಾರಿ ಮನು ನರೇಂದ್ರನ್ ವಂದಿಸಿದರು. 

ರೈತರಿಗೆ ಗೇರು ಕೃಷಿ ಮತ್ತು ಸಂಬಂಧಿತ ವಲಯಗಳಿಗೆ ಸಂಬಂಧಿಸಿದ ಹೊಸ ತಂತ್ರಜ್ಞಾನಗಳು ಮತ್ತು ಉತ್ತಮ ಪ್ರಭೇದಗಳನ್ನು ಪರಿಚಯಿಸಲು ಸರ್ಕಾರ ನಡೆಸುವ ಎಲ್ಲಾ ತೋಟಗಳಲ್ಲಿ ಕೃಷಿ ಉತ್ಸವಗಳನ್ನು ನಡೆಸಬೇಕೆಂಬ ಕೃಷಿ ಸಚಿವರ ನಿರ್ದೇಶನದಂತೆ, ಗೇರು ತೋಟದಲ್ಲಿ ಮೂರು ದಿನಗಳ ಕೃಷಿ ಪ್ರದರ್ಶನ ಮತ್ತು ಮಾರುಕಟ್ಟೆ ಮೇಳವನ್ನು ನಡೆಸಲಾಗುತ್ತಿದೆ. ಫೆಬ್ರವರಿ 28 ರಿಂದ ಮಾ,2ರ ವರೆಗೆ ಕೃಷಿ ಉತ್ಸವ ನಡೆಯುತ್ತಿದೆ. ಈ ದಿನಗಳಲ್ಲಿ ಬೆಳಿಗ್ಗೆ 9 ರಿಂದ ಸಂಜೆ 6 ರವರೆಗೆ ಕೃಷಿ ಜಮೀನಿನಲ್ಲಿ ಸಾರ್ವಜನಿಕರಿಗೆ ಉಚಿತವಾಗಿ ಪ್ರವೇಶವಿರುತ್ತದೆ. 

ಫಾರ್ಮ್ ಫೆಸ್ಟ್‍ನ ಮೂರು ದಿನಗಳಲ್ಲಿಯೂ ಸಾರ್ವಜನಿಕರಿಗೆ ವೀಕ್ಷಣಾ ಸ್ಥಳವು ತೆರೆದಿರುತ್ತದೆ. ರೈತರ ಆದಾಯವನ್ನು ಹೆಚ್ಚಿಸುವುದು, ಗುಣಮಟ್ಟದ ನೆಟ್ಟ ವಸ್ತುಗಳನ್ನು ಒದಗಿಸುವುದು ಮತ್ತು ಆಧುನಿಕ ಕೃಷಿ ವಿಧಾನಗಳನ್ನು ಉತ್ತೇಜಿಸುವ ಉದ್ದೇಶದಿಂದ ಫಾರ್ಮ್ ಫೆಸ್ಟ್ ಅನ್ನು ಆಯೋಜಿಸಲಾಗುತ್ತಿದೆ. ಸುಧಾರಿತ ಗೇರು ಪ್ರಭೇದಗಳು, ನಾಟಿ ಸಸಿಗಳು, ಕುಬ್ಜ ಗೇರು ಇತ್ಯಾದಿಗಳನ್ನು ಕಾರ್ಯಕ್ರಮದ ಭಾಗವಾಗಿ ಪ್ರದರ್ಶಿಸಲಾಗುತ್ತದೆ ಮತ್ತು ವಿತರಿಸಲಾಗುತ್ತದೆ. ಗೇರು ಕೃಷಿಗೆ ಸಂಬಂಧಿಸಿದ ಸಂದೇಹಗಳು, ಕೃಷಿ ತರಬೇತಿ ಮತ್ತು ತಜ್ಞರೊಂದಿಗೆ ಚರ್ಚೆಗಳನ್ನು ಸಹ ಎಕ್ಸ್‍ಪೆÇೀದ ಭಾಗವಾಗಿ ಏರ್ಪಡಿಸಲಾಗಿದೆ.