ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಮೊದಲ ಚುನಾವಣಾ ಪ್ರಚಾರ ಸ್ವಂತ ಕ್ಷೇತ್ರ ಧರ್ಮಡಂನಲ್ಲಿ ಆರಂಭ

ಕಣ್ಣೂರು: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಮೊದಲ ಚುನಾವಣಾ ಪ್ರಚಾರ ಅವರ ಸ್ವಂತ ಕ್ಷೇತ್ರ ಧರ್ಮಡಂನಲ್ಲಿ ನಿನ್ನೆ ಚಾಲನೆಗೊಂಡಿತು. ಮುಖ್ಯಮಂತ್ರಿ ಕಣ್ಣೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿ ರಸ್ತೆ ಮೂಲಕ ತೆರಳಿದಾಗ ಪಿಣರಾಯಿಯಲ್ಲಿ ಸ್ವಾಗತಿಸಲಾಯಿತು.  

ಸಿಪಿಎಂ ಜಿಲ್ಲಾ ಕಾರ್ಯದರ್ಶಿ ಕೆಕೆ ರಾಗೇಶ್, ಸಿಎನ್ ಚಂದ್ರನ್, ಎಂ ಸುರೇಂದ್ರನ್ ಮತ್ತು ಜಿಲ್ಲಾ ನಾಯಕರು ಕಣ್ಣೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿ ಮುಖ್ಯಮಂತ್ರಿಯನ್ನು ಬರಮಾaಡಿಕೊಂಡಿದ್ದರು. ಅಭ್ಯರ್ಥಿ ಘೋಷಣೆಯ ನಂತರ, ಮುಖ್ಯಮಂತ್ರಿಯ ಮೊದಲ ಭೇಟಿಯನ್ನು ಕಣ್ಣೂರಿನಲ್ಲಿ ನಡೆಸಲು ಸಿಪಿಎಂ ನಿರ್ಧರಿಸಿದೆ. ಅವರು ರೋಡ್ ಶೋ ನಡೆಸುವ ಮೂಲಕ ಪಿಣರಾಯಿಗೆ ತೆರಳಿದರು. 

ಸಿಪಿಎಂಗೆ ಜಿಲ್ಲೆಯಲ್ಲಿ ಬಂಡಾಯದ ಬೆದರಿಕೆ ಇದ್ದಾಗ ಮುಖ್ಯಮಂತ್ರಿ ಕಣ್ಣೂರಿಗೆ ಬಂದಿರುವುದು ವಿಶೇಷವಾಗಿತ್ತು.  ಕಣ್ಣೂರಿನಲ್ಲಿರುವ ಪಕ್ಷದ ಭದ್ರಕೋಟೆಯಲ್ಲಿ ಬಂಡುಕೋರರು ಗೋ ಬ್ಯಾಕ್ ಧ್ವಜ ಹಾರಿಸುತ್ತಿರುವ ಮಧ್ಯೆ, ಪಕ್ಷದ ನಾಯಕರಾದ ಸ್ವತಃ ಮುಖ್ಯಮಂತ್ರಿ ನಿನ್ನೆ ಪ್ರಚಾರದಲ್ಲಿ ತೊಡಗಿರುವುದು ಹಲವು ಸೂಚನೆಗಳು ಎನ್ನಲಾಗುತ್ತಿದೆ. ಮುಖ್ಯಮಂತ್ರಿಗಳು ವಿವಾದಗಳಿಗೆ ಪ್ರತಿಕ್ರಿಯಿಸುತ್ತಾರೆಯೇ ಎಂಬುದು ರಾಜಕೀಯ ಕುತೂಹಲವಿದ್ದರೂ ಆ ಬಗ್ಗೆ ಹೆಚ್ಚೇನೂ ಮಾತನಾಡದೆ ಮತ್ತೆ ಅಚ್ಚರಿ ಮೂಡಿಸಿದರು. ಮುಖ್ಯಮಂತ್ರಿಯ ಮೊದಲ ಚುನಾವಣಾ ಸಭೆ ಪಿಣರಾಯಿಯಲ್ಲಿ ಸಂಜೆ ನಡೆಯಿತು.

ಎಲ್‍ಡಿಎಫ್‍ನ ಚುನಾವಣಾ ಸಮಾವೇಶ ಇಂದಿನಿಂದ ಆರಂಭವಾಗಲಿದೆ. 5 ಕ್ಷೇತ್ರಗಳಲ್ಲಿ ಪಕ್ಷದ ಸ್ವತಂತ್ರ ಅಭ್ಯರ್ಥಿಗಳ ಕುರಿತು ಶೀಘ್ರದಲ್ಲೇ ಘೋಷಣೆ ಮಾಡಲಾಗುವುದು. ಪಾಲಕ್ಕಾಡ್, ಕೊಂಡೊಟ್ಟಿ, ಕೊಡುವಲ್ಲಿ ಮತ್ತು ಕೊಟ್ಟಕ್ಕಲ್ ತಿರೂರ್ ಕ್ಷೇತ್ರಗಳಲ್ಲಿ ಪಕ್ಷದ ಬೆಂಬಲದೊಂದಿಗೆ ಸ್ಪರ್ಧಿಸುವ ಅಭ್ಯರ್ಥಿಗಳನ್ನು ಇನ್ನೂ ಘೋಷಿಸಲಾಗಿಲ್ಲ.