ಕಾಸರಗೋಡು ವೈದ್ಯಕೀಯ ಕಾಲೇಜಿಗೆ ಬಾಲಕಿಯರ ನೂತನ ಹಾಸ್ಟೆಲ್, ಉಪನ್ಯಾಸಕರ ವಸತಿ ಗೃಹಗಳ ಉದ್ಘಾಟನೆ

ಬದಿಯಡ್ಕ: ಸರ್ಕಾರಿ ವೈದ್ಯಕೀಯ ಕಾಲೇಜಿನಲ್ಲಿ ಹೊಸದಾಗಿ ನಿರ್ಮಿಸಿದ ಬಾಲಕಿಯರ ಹಾಸ್ಟೆಲ್ ಮತ್ತು ಉಪನ್ಯಾಸಕರ ವಸತಿ ಗೃಹಗಳನ್ನು ಆರೋಗ್ಯ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ವೀಣಾ ಜಾರ್ಜ್ ಆನ್‍ಲೈನ್ ಮೂಲಕ ಉದ್ಘಾಟಿಸಿದರು. 

ಈ ಸಂದರ್ಭ ಮಾತನಾಡಿದ ಅವರು, ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿಗಳು ಕಾಂಪೌಂಡ್ ಒಳಗೆ ಸುರಕ್ಷಿತವಾಗಿ ಉಳಿಯಲು ಹೊಸ ಹಾಸ್ಟೆಲ್ ಹಾಗೂ ವಸತಿಗೃಹ ಕಟ್ಟಡಗಳು ಸಹಕಾರಿಯಾಗಲಿದೆ. ಕಳೆದ ಐದು ವರ್ಷಗಳಲ್ಲಿ ಸರ್ಕಾರಿ ಮಟ್ಟದಲ್ಲಿ ಆರೋಗ್ಯ ಕ್ಷೇತ್ರದಲ್ಲಿ ವೈದ್ಯಕೀಯ ಕಾಲೇಜು, ಸಂಬಂಧಿತ ಸೌಲಭ್ಯಗಳು, ಚಟ್ಟಂಚಾಲ್‍ನಲ್ಲಿರುವ ತುರ್ತು ನಿಗಾ ಘಟಕ, ಕ್ಯಾಥ್‍ಲ್ಯಾಬ್ ಮತ್ತು ಸೂಪರ್ ಸ್ಪೆಷಾಲಿಟಿ ಸೇವೆಗಳು ಸೇರಿದಂತೆ ಅನೇಕ ಅಭಿವೃದ್ಧಿ ಚಟುವಟಿಕೆ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು. 

ಶಾಸಕ ಎನ್.ಎ. ನೆಲ್ಲಿಕುನ್ನು  ಅಧ್ಯಕ್ಷತೆ ವಹಿಸಿದ್ದರು. ಬದಿಯಡ್ಕ ಗ್ರಾಮ ಪಂಚಾಯಿತಿ ಅಧ್ಯಕ್ಷ  ಶಂಕರ D, ಉಷಾ, ಮಾಹಿನ್ ಕೆಲೋಟ್ ಮತ್ತು ಮಧುಸೂದನನ್ ್ಷುಪಸ್ಥಿತರಿದ್ದರು. ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲ ಡಾ. ಎ. ಅರುಣ್ ಕುಮಾರ್ ಸ್ವಾಗತಿಸಿದರು. ವೈದ್ಯಕೀಯ ಅಧೀಕ್ಷಕ ಡಾ. ಆರ್. ಪ್ರವೀಣ್ ವಂದಿಸಿದರು. 

ಹೊಸದಾಗಿ ನಿರ್ಮಿಸಲಾದ ಬಾಲಕಿಯರ ಹಾಸ್ಟೆಲ್ ಕಟ್ಟಡವು 6665.30 ಚದರ ಮೀಟರ್ ವಿಸ್ತೀರ್ಣ ಹೊಂದಿದ್ದು,  ವಿದ್ಯಾರ್ಥಿಗಳಿಗಾಗಿ 84 ಕೊಠಡಿಗಳನ್ನು ಹೊಂದಿದೆ. ಇದು ಅಂಗವಿಕಲ ಸ್ನೇಹಿ ಕೊಠಡಿಗಳು, ಅಡುಗೆಮನೆ ಮತ್ತು ಊಟದ ಸೌಲಭ್ಯಗಳು, ಮನರಂಜನೆಯನ್ನು ಹೊಂದಿದೆ.ಕೊಠಡಿಗಳು, ಪ್ರತ್ಯೇಕ ಓದುವ ಪ್ರದೇಶ, ಗ್ರಂಥಾಲಯ ಪ್ರದೇಶ ಮತ್ತು ಲಿಫ್ಟ್ ಸೌಲಭ್ಯವನ್ನು ಸಹ ಇಲ್ಲಿ ಒದಗಿಸಲಾಗಿದೆ.

ಬೋಧನಾ ಕ್ವಾರ್ಟರ್ಸ್ ಕಟ್ಟಡವು 4776.52 ಚದರ ಮೀಟರ್ ವಿಸ್ತೀರ್ಣವನ್ನು ಹೊಂದಿದೆ. ಶಿಕ್ಷಕರಿಗೆ 2-ಬಿಎಚ್‍ಕೆ ವಸತಿ ಸೌಲಭ್ಯಗಳ 34 ಘಟಕಗಳಿವೆ. ಪ್ರತಿ ಘಟಕವು ಅಡುಗೆಮನೆ, ಊಟದ ಹಾಲ್, ಶೌಚಗೃಹ ಒಳಗೊಂಡ ಕೊಠಡಿ ಮತ್ತು ಬಾಲ್ಕನಿ ಮುಂತಾದ ಸೌಲಭ್ಯಗಳನ್ನು ಹೊಂದಿದೆ. ಇದಲ್ಲದೆ, ಕೇರ್‍ಟೇಕರ್‍ಗೆ ಪ್ರತ್ಯೇಕ ಕೊಠಡಿ, ಜಿಮ್ ಸೌಲಭ್ಯ,ಲಿಫ್ಟ್ ಸೌಲಭ್ಯ ಒಳಗೊಂಡಿದೆ. ಎರಡೂ ಕಟ್ಟಡಗಳು ಅಗತ್ಯವಾದ ಅಗ್ನಿ ಸುರಕ್ಷತಾ ವ್ಯವಸ್ಥೆಗಳು ಸೇರಿದಂತೆ ಅಗತ್ಯ ಮೂಲ ಸೌಲಭ್ಯ ಹೊಂದಿವೆ.