ಕಾಸರಗೋಡು ಜಿಲ್ಲಾಧಿಕಾರಿಯಾಗಿ ಅರ್ಜುನ್ ಪಾಂಡಿಯನ್ ಇಂದು ಅಧಿಕಾರ ಸ್ವೀಕಾರ

ಕಾಸರಗೋಡು: ಕಾಸರಗೋಡು ಜಿಲ್ಲಾಧಿಕಾರಿಯಾಗಿ ಅರ್ಜುನ್ ಪಾಂಡಿಯನ್ ಇಂದು (ಮಾರ್ಚ್ 3) ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಅವರು ಬೆಳಿಗ್ಗೆ 10 ಗಂಟೆಗೆ ಸಿವಿಲ್ ಸ್ಟೇಶನ್ ಗೆ ಆಗಮಿಸಿ ಕಾಸರಗೋಡು ಜಿಲ್ಲಾಧಿಕಾರಿ ಕೆ. ಇಂನ್ಬಾಶೇಖರ್ ಅವರಿಂದ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಅರ್ಜುನ್ ಪಾಂಡಿಯನ್ ತ್ರಿಶೂರ್ ಜಿಲ್ಲಾ ಕಲೆಕ್ಟರ್, ಮುಖ್ಯ ಕಾರ್ಯದರ್ಶಿಯ ಸಿಬ್ಬಂದಿ ಅಧಿಕಾರಿ ಮತ್ತು ಕಾರ್ಮಿಕ ಆಯುಕ್ತರಾಗಿದ್ದರು. 2017 ರ ಬ್ಯಾಚ್ ಕೇರಳ ಕೇಡರ್ ಐಎಎಸ್ ಅಧಿಕಾರಿ ಅರ್ಜುನ್ ಪಾಂಡಿಯನ್ ಕಣ್ಣೂರು ಒಟ್ಟಪಾಲಂ, ಮಾನಂದವಾಡಿ  ಸಬ್-ಕಲೆಕ್ಟರ್, ಅಟ್ಟಪ್ಪಾಡಿ ನೋಡಲ್ ಅಧಿಕಾರಿ, ಇಡುಕ್ಕಿ ಅಭಿವೃದ್ಧಿ ಆಯುಕ್ತ, ಹೆಚ್ಚುವರಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಶಬರಿಮಲೆ, ಕಂದಾಯ ಇಲಾಖೆಯ ಜಂಟಿ ಆಯುಕ್ತ, ರಾಜ್ಯ ಭೂ ಮಂಡಳಿಯ ಕಾರ್ಯದರ್ಶಿ, ಸಮಾಜ ಕಲ್ಯಾಣ ಸೇವಾ ನಿರ್ದೇಶಕ, ವಸತಿ ಮಂಡಳಿಯ ಕಾರ್ಯದರ್ಶಿ, ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ಇಲಾಖೆಯ ನಿರ್ದೇಶಕ ಮುಂತಾದ ಹುದ್ದೆಗಳನ್ನು ಅಲಂಕರಿಸಿದ್ದರು. ಕತ್ರಿಸೂರ್ ಜಿಲ್ಲೆಯಲ್ಲಿ ಒಂದೂವರೆ ವರ್ಷಕ್ಕೂ ಹೆಚ್ಚು ಕಾಲ ಅತ್ಯುತ್ತಮ ಸೇವೆ ಸಲ್ಲಿಸಿದ ನಂತರ, ತ್ರಿಶೂರ್‍ಗೆ ಅಭಿವೃದ್ಧಿಯ ಹೊಸ ಮಾದರಿಗಳನ್ನು ಪ್ರಸ್ತುತಪಡಿಸಿ ಇದೀಗ ಅರ್ಜುನ್ ಪಾಂಡಿಯನ್ ಕಾಸರಗೋಡು ಜಿಲ್ಲೆಗೆ ಬರುತ್ತಿದ್ದಾರೆ.

ಇಡುಕ್ಕಿಯ ಏಲಪ್ಪಾರ ಮೂಲದ ಇವರು, ಕೊಲ್ಲಂನ ಟಿ.ಕೆ.ಎಂ. ಎಂಜಿನಿಯರಿಂಗ್ ಕಾಲೇಜಿನಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್‍ನಲ್ಲಿ ಬಿ.ಟೆಕ್ ಪದವಿ ಪಡೆದಿದ್ದಾರೆ. ಪಾಂಡಿಯನ್ ಮತ್ತು ಉಷಾ ಕುಮಾರಿ ದಂಪತಿಯ ಪುತ್ರ. ಇವರ ಪತ್ನಿ ಡಾ. ಅನು.

ನಿರ್ಗಮಿತ ಜಿಲ್ಲಾಧಿಕಾರಿ ಕೆ. ಇಂನ್ಬಾಶೇಖರ್ ಹಲವಾರು ರಾಷ್ಟ್ರೀಯ ಮತ್ತು ರಾಜ್ಯ ಪ್ರಶಸ್ತಿಗಳನ್ನು ಪಡೆದ ನಂತರ ವರ್ಗವಾಗಿದ್ದಾರೆ. ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ನೌಕರರು ಕೊಠಡಿಯನ್ನು ತಲುಪಿ ಇಂನ್ಬಾಶೇಖರ್ ಅವರಿಗೆ ಸುರಕ್ಷಿತ ಪ್ರಯಾಣವನ್ನು ಹಾರೈಸಿದರು. ಆಪರೇಷನ್ ಸ್ಮೈಲ್. ಐಲೀಡ್, ಮಿಷನ್ ಅಂಗನವಾಡಿ, ಅವರ್ ಕಾಸ್ರೋಡ್ ಕನೆಕ್ಟಿಂಗ್, ಕಾಸರಗೋಡು ಡಿಸಿ ಕನೆಕ್ಟ್ ಮತ್ತು ಇತರ ಕಾರ್ಯಕ್ರಮಗಳನ್ನು ಸ್ವತಂತ್ರವಾಗಿ ಕಾರ್ಯಗತಗೊಳಿಸಲಾಗಿದೆ. ಪರಪ್ಪ ಆಸ್ಪಿರೇಷನಲ್ ಬ್ಲಾಕ್ ಪ್ರೋಗ್ರಾಂ, ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ, ಉಡುಪಿ ಕರಿಂದಳ ಪವರ್ ಹೈವೇ ಮತ್ತು ಇತರ ಪ್ರಮುಖ ಯೋಜನೆಗಳು ಇಂನ್ಬಾಶೇಖರ್ ನಿರ್ಗಮನದ ಸಮಯದಲ್ಲಿ ತಮ್ಮ ಗುರಿಗಳನ್ನು ತಲುಪುತ್ತಿವೆ.